Salmos 119:18 - Chuj San Sebastian Bible

¹⁸ Jac wal in sat, sec 'oj wojcoc 'el satjub'tacl tas tzyal a cuynb'il.

Chuj San Mateo Bible

¹⁸ Jac in sat yic vach' snachajel a c'ayb'ub'al vuuj, aton te satub'tac yochi.

Salmos 119:18 Referans Kwoze

A Tas Sc'ulejnac Eb' Schecab' Jesús Hechos 26:18

Tzach in checb't 'a eb', sec wach' 'oj jawc snab'en eb', ax yactn can eb' jun sb'eyb'al yic q'uic'q'uinal, ax yoch eb' 'a jun sacq'uinl yic Dios. 'Oj 'elcn eb' 'a yol scuenta win diablo, ax yochcn eb' 'a yol scuenta Dios. 'Oj in ya'ch eb' 'a sc'ojol, sec wach' 'oj 'ajxc can lajwc smul eb'. 'Ixta to b'i'an, ax yoch eb' yitb'eymoc eb' 'ochnc xo yico'oc Dios, xchi Jesús 'ayin.

Is 35:5

'Ixta to b'i'an, ax eb' matz uj yilni, 'oj stac' yiln eb'; eb' chacan̈, 'oj yab' eb'.

Mt 13:13

Yuj cha, an̈j jun tzo'n̈ 'ab'x ya snachj tic tzwal 'a eb'. Yujto wach'xam tzyil eb' junc tas, ton̈j tzcann̈j eb' 'ixta'. 'Icha to may tas tzyil eb'. An̈jtona', wach'xam tzyab' eb', palta matz nachj xon 'el yuj eb'.

Is 32:3

A eb' 'anma 'icha to matz uj yilni, 'oj yil eb'; ax eb' 'icha to matz 'ab'ni, 'oj scha eb' yab'i'.

Is 29:18

A 'a jun c'ul cha, a eb' matz uj yab'ni, 'oj yab' eb' yawtx junc un̈ 'a stz'ey, ax eb' matz uj yilni, 'oj stac' yiln eb', 'icha to tz'ijx 'elt eb' 'a scal q'uic'q'uinal.

Jn 9:39

—Yuj sb'o yaj eb' 'anma', in jaw 'a yolyib'n̈q'uinl tic. Yujto 'ay eb' matz uj yiln yic Dios ticnec, 'icha to q'uic'q'uinl yaj eb'. Palta wu'uj, 'icha to 'oj jacwc sat eb'. 'Ay pax nan̈l xo eb' caw tztac' yiln yic Dios snani. Palta a eb' cha, wu'uj, 'icha to 'oj juwc sat eb', xchi Jesús.

Mt 16:17

Yuj cha, xyaln Jesús 'a Pedro 'ixtic: —Simón, ach yunnal Juan, caw wach' eco', yujto a jun 'ix al tic, may junc 'anma 'ix aln 'ayach. A qui Mam 'ayc' 'a satcha'an̈, a 'ix aln 'ayach.

Apoc 3:18

Yuj cha, tzwaln 'ayex, caw tze b'o e b'eyb'al. Toto 'ixta', 'icha to 'oj e man jun oro b'ob'il 'a scal c'ac' 'ayin, sec 'oj e cha wal jun e ricoal 'a yel. 'Icha to 'oj e man pax jun e pichl caw sac 'ayin, sec man̈xtzac ex q'uixwi yujto 'icha to jitn ex 'eli. An̈jtona', 'icha to 'oj e succh yan̈l yol e sat, sec 'oj stac' eyilni.

A Ch'an̈ Carta D'a Eb' Hebreo 8:5

Palta a yopiso eb' cha, ton̈j ch'oxnb'il yaj yuj tas 'ay 'a satcha'an̈. 'Icha to yen̈ln̈ej yaji. Cojquec, to ton̈j ch'oxnb'il yaji, yujto a yic mantzac sb'o Moisés jun scajnub' Dios, yaln Dios 'ixtc 'a 'a: Tzcham wal elni, 'icha wal tzwutj in ch'oxn yechl 'aych 'a sjolm lum witz tic, 'ixta wal tzotj a b'oni, xchi 'a 'a.

Salmos 119:96

'Ix wila to a smasnil tas, man̈ tz'acnoc 'a swach'il, ax pax jun tzo'n̈ a checnb'il tic, man̈x yalnb'ilc swach'l eb'.

A Ch'an̈ Carta D'a Eb' Hebreo 10:1

A ley yic Moisés, 'icha to yen̈ln̈ej jun tzo'n̈ tas wach' tza'nto xjawi. Man̈toc caw yel a jun tzo'n̈ cha. Yujto a ley cha, matz tac' a tz'a'n b'o snab'en eb' tznib'j tzc'och 'a Dios yuj jun tzo'n̈ xajmb'al chi tz'ajx 'a junjn ab'il.

Os 8:12

Wach'xam til wal cuynb'il xwac' tz'ib'xoc can 'a eb', palta comn paxti xoj xyutj can eb'.

Mt 20:33

—Mamin, caw tzqui nib'j tza jac qui sat tic on̈, xchi eb' 'a 'a.