Salmos 119:163 - Chuj San Sebastian Bible

¹⁶³ Matz in nib'j jun tzo'n̈ 'es, caw wal tzin yajl eb', ax a cuynb'il a chi tzin chamc'ojlej.

Chuj San Mateo Bible

¹⁶³ Max yal-laj in c'ool naojq'ue lolonel, ste taccanel in c'ool yuuj, palta tzin xajanej a c'ayb'ub'al.

Salmos 119:163 Referans Kwoze

Salmos 119:128

Tzin b'eylb'ej jun tzo'n̈ a checnb'il tic, ax smasnil b'eyb'al to man̈ yeloc, xin yajcn 'el eb'.

Ro 12:9

Caw yelc'ojlal tzlaj qui chamc'ojloquec qui b'a. Tzann̈j tas maysch'olnil, qui yajc can 'eli. Ax tastc wach', ca'c 'och qui nab'en 'a 'a.

Am 5:15

Yajc 'el tas maysch'olnil, ax tas wach' a tze chamc'ojlej. Tzcham wal e maclni eyila', toto wach' xo tz'aj sb'oyaj junc mach 'a despacho. To 'ixta', toq'ue a Jehová Dios tztac' yuj smasnil, 'oj 'o'ch sc'ojl 'ayx ax yin̈tl ex to can José.

Salmos 119:29

'Ij in 'el 'a jun b'eyb'al yic 'a'j 'es, yuj a wach'c'ojlal tzin a cuyn 'a a cuynb'il.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.

Ef 4:25

Yuj cha, man̈x laj eya'lac 'es. Junjn ex, an̈j wal junc caw yel tzlaj eyal-la'oc, yujto qui masnil, 'icha to junn̈j 'anmal xoj cajec.

Pr 30:8

Man̈ in a chaj 'och 'a'm 'esal, yet' 'a 'ixtj 'anma'. Man̈ in a'ch ricoal, man̈ in a'ch pax meb'a'il. Cojn tas 'ay tz'och wuj 'a junjn c'u, a chi tzac' 'ayin.

Salmos 119:113

A eb' 'anma chab'sat yaji, caw tzin chac in b'a yet' eb', palta ax jun tzo'n̈ cuynb'il tic, caw tzin chamc'ojlej eb'.

Salmos 101:7

A eb' 'ixtm 'anma', ma'oj wa' yopiso eb' wet' 'a in despacho. Eb' 'a'm 'es, may wal junc eb' 'oj 'och in checb'oc.

Salmos 119:47

Caw tzin chamc'ojlej a checnb'il, a pax 'a 'a, ata tzwij in tzaljc'ojlal.

Salmos 119:104

A 'a spatq'uil jun tzo'n̈ a checnb'il tic, ata xwij 'elt in nab'en; yuj cha, caw matz in nib'j jun tzo'n̈ b'eyb'al yic 'a'j 'es.

Pr 13:5

Toto wach' qui nab'enec, matz tzquixtjec quit 'anma'il; ax toto tu qui nab'enec, caw tzon̈ yajxec 'eli, tz'el qui q'uixwelec.