Salmos 119:155 - Chuj San Sebastian Bible

¹⁵⁵ A eb' maysch'olnil sb'eyb'al, najt yajl eb' 'a stz'ey jun colnb'il tic, yujto matz ya'ch eb' sc'ojl 'a a checnb'il.

Chuj San Mateo Bible

¹⁵⁵ A eb' sc'ulan chucal, malaj yalan yic eb' d'a a colval, yujto max sc'anab'ajejlaj a checnab'il eb'.

Salmos 119:155 Referans Kwoze

Job 5:4

Ax yunnal eb', man̈x 'a mach tzcolwj 'a eb'; a yic tzc'och eb' 'a sat eb' yajal, caw wal man̈x 'a yel'ch tz'aj eb' ta', man̈x 'a mach tzcoln eb'.

Ro 3:11

May junc mach 'aych snab'en 'a Dios, may junc mach nanto yu'uj.

Lc 16:24

Yuj cha, x'awj chan̈ winac, 'ix yaln 'ixtic: Mamin Abraham, comnoc tz'o' cot a c'ojl 'ayin. Tza chec cot Lázaro 'ayin. Tzyac' 'ejm junc yune sc'ab' 'a scal a a', tzwul ya'nc 'och jac 'a sn̈i wac' tic. Yujto caw matz techj wab'n syal 'a scal c'ac' tic, xchi winac.

Is 57:19

Yuj cha, ax waln 'a eb' 'ixtic: A eb' najt cajn 'eq'ui, yet' eb' la'n yaji, 'ay cab' sjunc'ojlal eb', yujto an wan wan̈tn eb' in chon̈b' tic, 'oj in chioc.

Is 46:12

Ex pit 'anma'il, 'ab'c wal tas tzwala; caw wal man̈ tojloc e nab'en 'a in sat.

Pr 1:7

A eb' tznib'j jeln tz'aji, 'ay cab' yel'ch Jehová 'a sat eb'; a eb' may snab'en, caw matz nib'j eb' yab' jun tzo'n̈ jelnal yet' cuynb'il.

Salmos 18:27

Yujto ach tza col eb' 'emmquilal yeq'ui, ax pax eb' b'an̈quintac, ach tzejcan 'ejm eb'.

Salmos 10:4

A eb' tu sb'eyb'al may xon el'ch 'a sat, caw niwn yel'ch eb' snani, man̈ ach 'ayc' 'ec' 'a snab'en eb'.

Is 59:11

'Ay cob' 'aj tzcotc cowal, tzcob' n̈il-li yol qui jajc 'icha no oso, mto tzon̈ cob' c'acwec 'icha sc'acw no parama; cob' tan̈b'il qui b'ocyaj 'a stojlal, palta may b'a'n̈ tzon̈ b'ocyaji, 'icha to najt yajcn 'el colnb'il 'a qui tz'eyec.