Salmos 119:12 - Chuj San Sebastian Bible

¹² Caw wach' a nab'en Mamin Jehová, cuyin sec 'oj stac' wojcan 'el a checnb'il tic.

Chuj San Mateo Bible

¹² Mamin Jehová, te vach' ach. C'ayb'ej in d'a a ley.

Salmos 119:12 Referans Kwoze

Salmos 119:64

Mamin Jehová, caw wal tzcheclj 'el a chamc'ojlal 'a sat lum lum tic, an xo tic, cuyn 'a jun tzo'n̈ a checnb'il tic.

Lc 24:45

Xlajw cha, xya'n jawc 'a sc'ojl eb', sec tznachj 'el yuj eb' tas tz'ib'b'il can 'a Ch'an̈ U'un̈.

1 Jn 2:27

A Jesucristo 'a'jnac Yespíritu 'ayn̈ junjn on̈ec. Yuj cha, man̈ yowlalc chuct junc 'anma tzon̈ cuynec, yujto a Yespíritu tzon̈ cuynec 'a smasnil tas. A jun tzo'n̈ cuynb'il tzyac' 'ayn̈ec, caw yel, may junc 'es 'aych 'a scal. Yuj cha, yowlal junn̈j tzon̈ 'ajc yet' Cristo, yujto 'ixta yaj yaln Yespíritu 'ayn̈ec.

Salmos 119:108

Tzin tew wal 'ayach, to tza chaj 'in wach' paxti tz'el 'a in c'ojl walni, tzin a cuyn 'a jun tzo'n̈ a ley tic.

Salmos 86:11

Mamin Jehová ch'ox wal a b'e 'ayin, sec yiclum tzin 'aj 'ayach. 'Ac' in te'nal, sec nab'ilchn̈ej wu'uj.

Jn 14:26

A qui Mam Dios 'oj checnc cot Yespíritu 'ayx in jeloc. A 'oj colwjoc eyet'oc. 'Oj ex scuy 'a smasnil tas. 'Oj yac' e na cot jantcn̈ej tas waljnacx 'ayex.

Salmos 143:10

Cuyn 'a tas 'icha tza nib'ej, yujto in Diosal ach. Ax Espíritu wach', a cab' tzin quetzn b'ey 'a jun b'e caw wach'.

1 Ti 6:15

A 'a yic 'oj jawc jun tiempoal 'icha tznib'j Dios, atta 'oj 'el'choc jun tic yu'uj. Yujto cojxn Dios 'ay spoder. Caw tzaljc'ojlaln̈ej yaji. A Dios, sReyl eb' rey, sYajlil pax eb' yajal.

1 Ti 1:11

A jun cuynb'il caw yel tic, atn jun wach' 'ab'x ya'jnac Dios 'ayin, yic tzwaln 'eli. A jun wach' 'ab'x tic, caw niwn yel'chi. A tzaln yab'xil Dios, atn jun caw tzaljc'ojlaln̈ej yaji.

Salmos 119:66

Cuyn 'a wach' nab'enal yet' 'a jelnal, yujto an tic, tox 'ix wa'ch in c'ojl 'a jun tzo'n̈ a checnb'il tic.

Salmos 119:124

Wach' tzotj a nab'en 'ayn an a checb' in tic, 'icha yaj in a chamc'ojlani. Cuyn 'a jun tzo'n̈ a checnb'il tic.

Salmos 119:68

Caw wach' a nab'en Mamin, wach' tas tza b'o'o; cuyn 'a jun tzo'n̈ a checnb'il tic.

Salmos 119:33

Mamin Jehová, cuyn 'a jun b'eyb'al tzyal jun tzo'n̈ a checnb'il tic, yujto tzin nib'j in b'eylb'oc masnto 'a slajub'.

Salmos 119:135

Wach' cab' wilx an a checb' in tic 'a a sat, cuyn pax 'a jun tzo'n̈ a ley tic.