Salmos 119:119 - Chuj San Sebastian Bible

¹¹⁹ 'Icha tz'aj c'alem sjulx 'eli, 'ixta 'ix otj e'n 'el smasnil eb' maysch'olnil snab'en 'a sat lum lum tic, yuj cha, tzin chamc'ojlan jun tzo'n̈ cuynb'il tzal tic.

Chuj San Mateo Bible

¹¹⁹ Icha val c'alem, icha chi' yaj eb' sc'ulan chucal d'a yol a sat, yuj chi' tzin xajanej a lolonel.

Salmos 119:119 Referans Kwoze

Mt 7:23

Palta 'oj wal 'ixtc 'a eb': Toxn man̈ ex wojcoc. 'Eln̈ec 'a in tz'ey, yujto cojn maysch'olnil xlaj e b'o', 'oj in chic 'a eb'.

Mt 3:12

A jun cha, lajn 'icha junc winc tzchayj strigo, tz'el stzapil 'a scal. Tzlajw schayni, tzmoln strigo chi 'a yet'ul. Ax stzapil 'ixm cha, tzlan̈cn 'at 'a yib'n̈ junc c'ac' may b'a'n̈ tztupi, xchi Juan chi 'a eb'.

Jeremías 6:30

'Oj alxoc yuj eb' to lajn eb' 'icha q'uen plata julb'ilx 'eli, yujto an Jehová in tic, an xin patquilj can 'el eb', xchi 'ayin.

Is 1:25

'Oj ex wac' cuenta yet' yailal, 'icha to 'oj wa'cn tz'a e paltail cha, ax wi'n 'el smasnil e mul 'aych 'a eyib'n̈ cha.

Salmos 119:111

A jun tzo'n̈ a paxti 'ix al 'ayin, a chi tzwa'ch yipc in c'ojl 'a smasnil tiempo, yujto a 'a eb' 'aj tzwij in tzaljc'ojlal.

A Ch'an̈ B'ab'el Libro Samuel 15:23

A tenmtaquil, lajn smul-l yet' eb' tztac' snan 'el junc paxti'; ax pital, lajn wal smul-l 'icha eb' tz'em n̈ojn 'a junc yechel. Yujto xa patquilj can 'el tas xyal Jehová, yuj cha, ach spatquilncan 'eli, ach yi'n 'el 'a reyal, xchi Samuel.

Salmos 119:47

Caw tzin chamc'ojlej a checnb'il, a pax 'a 'a, ata tzwij in tzaljc'ojlal.