Salmos 119:105 - Chuj San Sebastian Bible

¹⁰⁵ A 'a paxti', a sacq'uinl yaj 'a wojltac 'icha yoc junc cantil, a tz'a'n sacq'uinl 'a yol in b'e 'aj tzin b'eyi.

Chuj San Mateo Bible

¹⁰⁵ A a lolonel sch'oxan vach' b'eyb'al d'ayin ichato a tz'ac'an saquilq'uinal d'a yol in b'e, a' sch'oxan b'e d'ayin.

Salmos 119:105 Referans Kwoze

Pr 6:23

Yujto a jun checnb'il tic yet' jun cuynb'il tic, lajn wal eb' 'aych 'icha junc cantil 'aych sc'aq'uil. A tennb'il yet' wach' nab'enal, a tzach 'i'n 'at 'a jun b'e yic q'uinal.

Salmos 43:3

Ch'ox a sacq'uinlal 'ayin yet' a paxti caw yel, sec wach' a 'oj in ch'oxn 'a a b'e tzc'och 'a lum tzaln yic 'emmquilal 'a 'ajtil cajn ach 'eq'ui.

Salmos 18:28

Mamin Jehová in Diosal ach, ach tzac' sacq'uinl 'ayin, tze'n 'el q'uic'q'uinl 'ayin.

A Schab'il Carta San Pedro 1:19

An̈jtona', 'aycto sjaw Cajlilec, stz'ib'n can eb' schecb' Dios yab'xil. An̈ja 'ayc' Ch'an̈ Un̈ chi ticnec. A tas tzyal Ch'an̈ Un̈ cha, caw yel. Caw wach' tzcutjec qui b'a, toto an̈ja ca'nec 'och qui nab'en 'a tas tz'ib'b'il can yuj eb' cha. Yujto a Ch'an̈ Un̈ cha, lajn 'icha junc cantil tzqui tzic 'a 'aj caw q'uic'q'uinal. Tzyac' yoc 'ayon̈, masnto yic wan sacb'i, yic tzq'uel jun niwquil chac c'anal. 'Icha jun c'anal cha, 'ixta 'oj 'aj Cristo yic 'oj jawc paxi, ax swach' 'a'n sacq'uinl 'a qui pixnec.

Job 29:3

A tzin tzictajni, yuj cha wach' wec' 'a scal q'uic'q'uinal.

Ef 5:13

Palta jantcn̈ej tas tzb'o'i, c'uxn 'oj 'ajxc prowal yuj jun sacq'uinl yic Dios, ax scheclj 'eli. Yujto a jun sacq'uinl cha, a tz'a'n checljoc 'el smasnil tas.

Salmos 19:8

A tas tzyala caw wach'n̈j smasnil, yujto tzyij cot tzaljc'ojlal 'a qui pixnec. A sley caw tojln̈ej yaji, tzjaw qui nab'enec yu'uj.