Salmos 119:103 - Chuj San Sebastian Bible

¹⁰³ A jun tzo'n̈ a paxti tic, yel xo wal chi 'a yib'n̈ no yal chab'.

Chuj San Mateo Bible

¹⁰³ Ec'b'al schi'al a lolonel d'a yichan̈ schi'al noc' yal chab' svab'i.

Salmos 119:103 Referans Kwoze

Pr 8:11

Yel xo wal wach' jelnal 'a yib'n̈ jun tzo'n̈ q'uen q'uen chan̈ stojol, yet' 'a yib'n̈ smasnil tas tznib'x 'ochi.

Salmos 19:10

Yel xo wal caw nib'jub'tac 'a yib'n̈ q'uen oro caw wach'. Yel xo wal caw chi' 'a yib'n̈ no yal chab' tzat 'elt 'a sc'ate'.

Salmos 63:5

Caw 'oj b'o in c'ojl 'icha junc mach tzyac' sgana sc'uxn junc tas caw wach'. Yet' wal in tzaljc'ojlal ax waln wach' paxti 'ayach.

Job 23:12

'Ix in yicljn̈ej sley, 'ec'b'al xo wal yel'ch schecnb'il 'ayn 'a yib'n̈ tas tzin c'uxu.

Pr 3:17

Toto tzqui b'eylb'ej jelnal, caw tzaljc'ojlal tzon̈ 'eq'ui; 'ay pax qui junc'ojlal yu'uj.

Cantares 5:1

Ach cob's 'ix to tzach 'och wistloc, tox xin 'och 'a scal te wawb'en te'. Wan in molb'tzan te 'in mirra yet' jun tzo'n̈ xo te su'q'ui sjab', wan pax in le'n no yal chab' tz'elt 'a sc'ate', wan pax wu'n yal in uva yet' in lech, xchi winac. Ex qui wach'c'ojol, wan̈ec, 'u'jec tas tzeyuq'uej, xchi eb'.

Salmos 19:11

A tzon̈ tennec 'och wan 'a maysch'olnil; toto yiclum tzcutjec qui b'a 'a 'a, 'oj yac' pax spac 'ayn̈ec.

Pr 2:10

A yic 'oj jelnb'oc a nab'en, caw 'oj a tzalj yu'uj.

Ez 3:3

'Ix yaln 'ayn 'ixtic: Ach 'anma', b'uc' 'ejm ch'an̈ un̈ tz'ib'b'il tzwac' 'aych tic, b'ut'j cab' 'el yol 'a c'ojl yu'uj, xchi 'ayin. Xin b'u'n 'ejmi, caw wal xcan schil 'a yol in ti', lajn wal schil 'icha no yal chab'.

Apoc 10:10

Xlajw cha, xin chan ch'an̈ un̈ chi 'a jun ángel cha. Xin c'uxni, caw chi x'och 'a yol in ti 'icha yalchab'. Ax 'a yol in c'ojol, caw c'a x'aji.