Salmos 119:101 - Chuj San Sebastian Bible

¹⁰¹ 'Ix wij 'el in b'a 'a jun tzo'n̈ b'eyb'al maysch'olnil, sec tztac' in yiclni a paxti'.

Chuj San Mateo Bible

¹⁰¹ Max yal-laj in c'ol svac'och in b'a d'a chuc b'eyb'al, yic vach' tzin c'anab'ajejn̈ej a lolonel.

Salmos 119:101 Referans Kwoze

Pr 1:15

¡Ach wunnal, man̈ ach 'at yet' eb'! A eco', to tzej 'el a b'a 'a stz'ey eb', man̈ a b'eylb'oc sb'eyb'al eb' cha,

Is 55:7

Ex maysch'olnil e b'eyb'al yet' ex tu 'e nab'en, nac e b'a, meltzjan̈c 'a Jehová, 'oj 'o'ch sc'ojl 'ayex; 'oj ex yac' niwnc'ojlal qui Diosal.

Salmos 119:104

A 'a spatq'uil jun tzo'n̈ a checnb'il tic, ata xwij 'elt in nab'en; yuj cha, caw matz in nib'j jun tzo'n̈ b'eyb'al yic 'a'j 'es.

Is 53:6

On̈ sactzic qui masnil 'icha no calnelu, mun xoj xqui na junjn on̈ 'aja b'el 'aj tzon̈ laj 'atcni, palta ax Jehová, 'ix ya'ch jun tzo'n̈ qui mulc chi 'a yib'n̈ jun schecb' cha.

Salmos 18:23

Caw wach'n̈j xwutj in b'eyb'al 'a ojltac, yujto xwij 'el in b'a 'a maysch'olnil.

Jeremías 2:36

¿Tas yuj tzex 'och 'il e jeln 'el eb' tze nib'j tzcolwj eyet'oc? 'Icha wal 'ajnc ex e q'uixw 'el yuj eb' 'aj Asiria yujto ma'ex scol eb', 'ixta 'oj eyaj e q'uixw 'el pax yuj eb' 'aj Egipto.

Salmos 119:126

Mamin Jehová, stiempoal xo wal a'n cuenta eb' may yel'ch a cuynb'il 'a sat.

Salmos 119:2

Wach' yic eb' tzyiclni tas tzala, yujto 'a smasnil sc'ojl eb', tzchan eb' yab'i',