Salmos 112:4 - Chuj San Sebastian Bible

⁴ Caw 'ay schamc'ojlal eb', wach' snab'en eb', tojl tas tzb'o eb', yuj cha, 'icha junc cantil checl yoc 'a scal q'uic'q'uinal, 'ixta yaj Dios 'a eb' 'anma tojl snab'en.

Chuj San Mateo Bible

⁴ Icha val saquilq'uinal d'a scal q'uic'alq'uinal, icha chi' yaj Dios d'a eb' anima vach' spensar, yujto ay yoq'uelc'olal eb', ay svach'c'olal eb', tojol pax sb'eyb'al eb'.

Salmos 112:4 Referans Kwoze

Job 11:17

Toto tza na a b'a, wach'xam 'icha to ach can 'a q'uic'q'uinl yuj a yailal tic, palta ax ticnec, 'icha to 'oj sacb' pax 'el 'a eb'an̈. Caw tzaljc'ojlal 'oj a canxi, 'icha wal to chimc'ul 'aj 'aych pax 'eq'ui.

Is 58:10

Toto tzeya'ch e b'a eya'n tas tzc'ux eb' 'ay swejel, tzeya'n tas 'ay tz'och yuj eb' tzcus yuj meb'a'il. Toto 'ixta', 'oj checljoc chan̈ e wach'l 'a scal 'anma', 'icha tzyac' sacq'uinl 'a scal q'uic'q'uinal, caw tzsacb' chan̈ yu'uj, 'icha pax yilx 'a yic chimc'ual.

Salmos 97:11

'Oj yac' sacq'uinl 'a eb' tojl sb'eyb'al, ax ya'n tzaljc'ojlal 'a eb' 'anma wach' snab'en.

1 Jn 3:7

Ex chamc'ojlb'il wu'uj, caw man̈ e cha 'ixtxoc paxti e b'a. Toto tojl tzcutjec qui b'eyb'al, caw tojl on̈c 'icha Cristo, yujto caw tojl sb'eyb'al.

Lc 6:36

'O'ch cab' e c'ojl 'a eb' eyit 'anma'il, 'icha tzyutj qui Mam yo'ch sc'ojl 'ayex.

1 Jn 2:29

Cojquec xoni to a Jesucristo, caw tojl snab'en. Yuj cha, tznachj pax 'el cujec, toto tojl tzcutjec pax qui nab'en yet'oc, to 'ixta', yunnaln̈ec xo Dios.

Ef 4:32

Caw wach' tzlaj eyutc e nab'en 'ayx junjn ex. Tzlaj 'o'ch e c'ojl 'ayex. An̈jtona', tzlaj eya'lac niwnc'ojlal 'ayx junjn ex, 'icha xyutj Dios ya'n niwnc'ojlal 'ayn̈ec yuj Cristo.

Salmos 106:1

¡Alx cab' wach' paxti 'a Jehová! Calc yuj diosal 'a 'a, yujto wach' snab'en, may b'a'n̈ tzlajw schamc'ojlal.

Ef 5:9

Toto yel sacq'uinl xo yaj qui pixnec, caw wach' tzcutjec qui b'a, tojln̈ej tzcutjec qui nab'en. Cojn wal junc tas caw yel tzlaj calec.

Jn 12:46

An tic, in jaw wul wac' sacq'uinl 'a spixn eb' 'anma 'a yolyib'n̈q'uinl tic, sec wach' a eb' tzya'ch sc'ojl 'ayin, man̈x 'a q'uic'q'uinl 'a spixn eb'.

Salmos 37:6

'Oj ya' checljoc qui tojl b'eyb'alec yet' qui wach' nab'enalec, 'icha wal stzictznil yoc c'u 'a chimc'ual, 'ixta wal yilxi.

Malaquías 4:2

Palta ax xo pax to 'ay wel'ch 'a e sat, 'icha wal sq'uel c'u 'a sq'uin̈b'ial, 'ixta 'oj wutj in ch'oxn in colwal 'ayex. Yuj cha, 'oj e tzalj jun 'ejm xo. Caw 'oj e b'atj chan̈ yuj tzaljc'ojlal, 'icha tzyac' junc no quelm wacx tzat 'elt 'a yet'l 'aj macan.

1 Jn 3:10

'Ixta tz'aj scheclj 'eli, mach eb' yunnal xo Dios, mach pax eb' yunnal win diablo. Toto man̈ tojloc qui b'eyb'alec, toto matz qui chamc'ojlejec eb' quit creyenteal, wal yel man̈ on̈ yico'oc Dios.

Ef 5:15

Yuj cha, caw tzeyac' cuenta e b'a yuj e b'eyb'al, man̈ 'ichaoc eb' may snab'en 'a sat Dios. 'Ay cab' e nab'en 'a sat.

Is 50:10

Ex to 'ay yel'ch Jehová 'a e sat, ex tzeyab' tas tzyal schecab': Toto scal q'uic'q'uinl tzex b'eyi, 'a'c 'och Jehová yipc e c'ojol, cann̈ec yamn 'a qui Diosal.

Job 22:28

Ax tas 'oj laj a b'o', caw wach' 'oj 'el'choc smasnil; 'oj yac' sacq'uinl 'a eb'n̈ 'aj tzach 'eq'ui.

Job 29:3

A tzin tzictajni, yuj cha wach' wec' 'a scal q'uic'q'uinal.

Salmos 116:5

Caw wal wach' qui Diosalec, tojl snab'en, caw wal 'ay schamc'ojlal 'ayn̈ec.

Salmos 145:17

Mamin Jehová, caw wal tojl a b'eyb'al, 'ay a chamc'ojlal 'a smasnil tas b'ob'il o'oj.

Pr 21:21

A mach tojl snab'en, wach' tzyutj sb'a, 'ay sq'uinal; 'oj b'inaxoc, wach' 'oj 'el'choc.

Is 58:8

Toto 'ixta 'oj eyutc e b'a, yajn̈ej ax scheclj 'el in wach'c'ojlal 'ayex, 'icha tz'aj sq'uin̈lb'i 'a junc xo c'u. Yajn̈ej ax e colchj 'eli. A 'in tojlal, a chi b'ab'l s'at eyu'uj, ax in tzictznial a tza'n 'och eyu'uj.