Biblia Todo Logo
Bib sou entènèt

- Piblisite -




Salmos 11:4 - Chuj San Sebastian Bible

4 A Jehová 'ayc' 'a yatut, atn jun to yicn̈ej yaji. A 'a satcha'an̈ ata 'ay sdespacho, tzcham wal yiln tas tzqui b'o an̈ 'anman̈ec tic.

Gade chapit la Kopi

Chuj San Mateo Bible

4 Palta ayec' Jehová d'a stemplo to an̈ej ay yico'. A d'a satchaan̈, ata' ay sdespacho, scham val sc'ool yilani, sch'olb'itan sb'eyb'al eb' anima.

Gade chapit la Kopi




Salmos 11:4
28 Referans Kwoze  

A Jehová sb'o sdespacho 'a satcha'an̈, ax ya'n Yajlil 'a yib'n̈ smasnil yolyib'n̈q'uinal.


A yic 'ayn 'ec' 'a scal in somc'ojlal, xwaln in b'a 'a 'aych Jehová, xin c'ann a colwal ach in Diosal. 'Ix ab'n yel waw yic 'aych 'ec' 'a yol atut, 'ix c'och waw 'a a chiquin.


Ax Jehová Syajlil satcha'an̈, ton̈j tzewj yuj eb', tzlaj b'uchx eb' yu'uj.


Palta an Jehová in, 'ayn 'ec' 'a yol watut to cojn in 'ay wico'. Yuj cha, smasnil tas 'ay 'a sat lum tic, sictac cab' tz'aj 'a wojltac, xchi Dios.


'Ix yaln pax Jehová 'ixtic: A satcha'an̈, a chi in despacho yaji, ax lum lu'um, a chi sb'achnub' woc yaji. Ax xo tic, ¿'aj wach' tze b'o junc watut yic tzin 'ilj 'a 'a?


May xon junc lugar 'aj wach' e c'ub'n 'el e b'a 'a in sat. An tic, 'aynn̈ej 'ec' 'a satcha'an̈ yet' 'a sat lum tic.


A 'a satcha'an̈ ata q'ueln 'emt Jehová, c'uxn tzyil 'emt smasnil 'anma'.


Yajn̈j cha, xwach' 'och wal spoder Yespíritu Dios 'ayin. 'Ix wiln jun despacho 'a satcha'an̈. Ata 'ay jun mach wocn 'ejmi.


May junc mach tztac' sc'ub'n 'el sb'a 'a sat Dios. Caw checln̈ej smasnil tas 'a sat. 'Oj qui c'ochc 'a yojltac yic tzqui chanec spac tastc tzqui b'o junjn on̈ec.


A jun cha, 'oj yac' owl yet' Dios. 'Oj chichnoc pax 'och 'a jantcn̈ej tas tzalx 'och diosal, yet' 'a jantcn̈ej tas 'aj tzyal sb'a eb' 'anma'. 'Oj 'em wocn 'a yol yatut Dios, ax yaln 'och sb'a Diosal.


An̈jtona', toto 'ay mach tzlocn sb'i yatut Dios, man̈ cojnoc jun chi tzloc sb'i, tzloc pax sb'i Dios yet'oc, yujto an̈j 'ay yico'.


Palta an tzwal 'ayex, may junc tas tztac' e locn sb'i. Matz tac' e locn sb'i satcha'an̈, yujto a jun cha, atn sdespacho Dios.


Yet' wal sjelnal tzya'n Yajlil 'a smasnil tiempo; c'uxn tz'ec' sat 'a yib'n̈ eb' nacion̈, sec matz yij chan̈ sb'a eb' tu snab'en.


A Jehová tzlaj yil smasnil tas tzuj 'a yolyib'n̈q'uinl tic, yic tzch'oxn 'el spoder, tzya'n ste'nal eb' wach' snab'en 'a 'a, toto a tzya'ch eb' yipc sc'ojol. Oc xo jun, a jun xa b'o cha, lajn 'icha junc may snab'en. Yuj cha, a ticnec yet' 'a yic 'oj b'ey tiempo, owln̈ej 'oj ela', xchi 'a 'a.


Yictax wi'n 'elt eb' e mam eyichm 'a Egipto, masnto 'a jun c'u tic, may xon 'ajtil in 'aj 'a yol junc n̈a, palta to an̈j 'a yoltc mantiado tzin 'eq'ui.


A satcha'an̈, a chi in despacho yaji. Ax lum lu'um, 'icha to sb'achnub'al woc yaji. Ax xo tic, ¿tast wal 'oj eyutc e b'on junc watut 'aj tzin 'ilji?


'Ayc'n̈ej Jehová 'a smasnil lugar, q'uelnn̈ej 'och 'a eb' wach' yet' 'a eb' maysch'olnil.


Sictac cab' tz'aj smasnil 'anma 'a yolyib'n̈q'uinl 'a yojltac Jehová, yujto tzjaw yuj eb' schon̈ab', spet 'a scajnub' to yicn̈ej yaj 'a satcha'an̈, xchi Zacarías.


An Jehová in, an tzin b'eyc'ojlej snab'en eb' 'anma'. Wojtac tas 'ayc' 'a snab'en junjn mach. An tzwac' spac yic jun jun, 'icha tas smoj schani, a tzyala tas tz'el sb'oni, xchi Dios.


toto 'ixta', ¿toc am ma'on̈ el coti? ¿toc 'ay junc tas c'ultac yaj to man̈ ojcoc?


B'itn coyc 'a Jehová, atn jun syajlil Sión. Calc 'el yab'xil 'a scal eb' chon̈b' to til wal tas sb'ojnac.


E masnil ex wit chon̈ab', 'ab'c wal jun tzo'n̈ tic. Tzcham wal e maclni e masnil ex cajn 'a yolyib'n̈q'uinl tic: A Jehová Cajlilec, 'ayc' 'a yol yatut to yicn̈ej yaji, a 'oj alnc 'el e mul.


Toto tz'el 'a sc'ojl Dios to pitzn eb' tu tzyutj sb'a cha, palta q'uelnn̈ej 'och 'a tas tzlaj sb'o eb'.


A 'a satcha'an̈, ata q'ueln 'emt Jehová 'a 'ayn̈ec an̈ 'anman̈ec tic, yic tzyilni toto 'ay junc on̈ 'aych qui nab'en 'a 'a, toto nan to cujec.


Toc 'ay junc mach lajn yet' Jehová qui Diosalec, yujto wocn 'ejm yac' yajlil 'a satchan̈ cha.


Ach in Diosal, maclj el in nab'en, tza'lni prowal tas yilx in nab'en tic.


Swiv nou:

Piblisite


Piblisite