Salmos 11:1 - Chuj San Sebastian Bible

¹ A Jehová a tzwa'ch yipc in c'ojol, nab'an̈ej tzeyal 'ixtc 'ayin: 'Ixic, 'at c'ub'j 'el a b'a 'a jolmctac witz 'icha no ch'ic.

Chuj San Mateo Bible

¹ A Jehová svac'och yipoc in c'ool, yuj chi' nab'an̈ej tzeyal d'ayin: Ixic, c'ub'ejel a b'a d'a caltac te' icha syutej sb'a noc' much.

Salmos 11:1 Referans Kwoze

Salmos 56:11

Tzach wa'ch yipc in c'ojol, yuj cha, caw matz in xiwi. ¿Toc 'ayt wal 'oj in yutc eb' 'anma'?

Salmos 25:2

Ach in Diosal tzach wa'ch wal yipc in c'ojol, man̈ a cha wac' in q'uixwloc, sec matz in stzetzj eb' 'ajc'ojl yajch 'ayin.

A Ch'an̈ B'ab'el Libro Samuel 23:14

'Ix can cajn David 'a jun tzo'n̈ n̈aq'uen 'a lum jolm witz 'a lum cusltac lum yic Zif. 'Ix sayx 'ec' yuj Saúl 'a junjn c'u, palta ma'ix 'ajx 'a yol sc'ab' yuj Dios.

Lc 13:31

A 'a jun c'u cha, 'ix jaw jaywn̈ ewin fariseo, 'ix yaln ewin 'ixtc 'a Jesús: —'Ij 'el a b'a 'a jun lugar tic, yujto tznib'j win Herodes tzach smila, xchi ewin 'a 'a.

Pr 6:5

masnto tzach 'el 'a yalan̈, 'icha tz'aj yel e no c'ultquil chej 'a eb' ma'm noc'. 'Ij 'el a b'a 'a 'a, 'icha tz'aj yel e no ch'ic 'a junc ya'al.

Salmos 16:1

Ach in Diosal caw tan̈wj in, yujto cojxn ach tzach wa'ch yipc in c'ojol.

2 Cr 16:8

¿Tom ma'ix ela, to a eb' etíope yet' eb' libio, man̈x jantcoc soldado 'ix syam sb'a yuj eb', caw niwn caruaje yic owal, niwn pax soldado 'ay q'ue 'a yib'n̈ chej? Palta b'i'an, yujto a Jehová 'ix a'ch yipc a c'ojol, yuj cha, xya'n 'och eb' 'a yol a cab'.

Salmos 31:14

Mamin Jehová, an xo tic cojn ach 'aych 'och yipc in c'ojol. Tox 'ix wal 'ixtic: Ach tic in Diosal ach, xin chi.

Salmos 9:10

A eb' tox ach 'ojcan 'eli, 'aych 'och yipc sc'ojl eb', may b'a'n̈ tzactj can eb' tzc'ann a colwal.

Salmos 7:1

Mamin Jehová in Diosal ach, caw tzach wa'ch yipc in c'ojol. Coln 'el 'a yol sc'ab' smasnil eb' tzin pechn b'eyc'oc.

2 Cr 14:11

'Ix yaln sb'a Asa 'a Jehová sDiosal, xyaln 'ixtic: Mamin Jehová, ach tic caw lajnn̈ej tzotj a colwj 'a mach tec'an yet' 'a mach may wal ste'nal. Yuj wal cha, colwjan̈ quet' ach Jehová qui Diosal on̈, yujto 'ix ca'ch wal qui c'ojl 'ayach. A yet' a poder tzon̈ jaw cac' owl yet' jun tzo'n̈ soldado tic. Mamin Jehová, ach tic qui Diosal ach on̈, ch'oxo chajtlto may junc mach tztac' ste'wtzan sb'a 'a a sat, xchi.

A Ch'an̈ B'ab'el Libro Samuel 20:38

'Ix 'awj 'at pax Jonatán chi 'a spatc win quelm chi jun 'ejm xo: —Caw carela a 'ati, man̈ ach 'och wa'an, xchi. Xlajw cha, xyi'n cot win quelm chi jun jul-lab' cha, 'ix ya'n 'a Jonatán.

A Ch'an̈ B'ab'el Libro Samuel 27:1

Palta a David 'ix sna 'ixtic: 'Ay am wal b'a'n̈ 'oj in smil cham Saúl, yuj cha, a tas 'oj wutc ticnec, to 'oj in 'atcn 'a scal eb' filisteo, sec wach' man̈xtzac in sayx 'ec' yu'uj, 'ixta 'oj waj in colchj 'a yol sc'ab', xchi.

A Ch'an̈ B'ab'el Libro Samuel 22:3

'Ix 'atx David ta', axta xc'och 'a Mizpa 'a yol yic Moab. 'Ix yaln 'ixtc 'a win sreyl Moab cha: —Tzin tew 'ayach, to tzcan in mam yet' in nun et'oc, masnto 'oj wila', tas 'oj sb'o Dios wet'oc, xchi.

A Ch'an̈ B'ab'el Libro Samuel 19:11

Yajn̈j wal cha, 'ix schecn 'at Saúl chi eb' soldado 'a yatut David cha, yic tz'at stan̈wnoc eb', sec ax yic tzsacb' 'eli tzmilx chamoc. Palta ax 'ix yistzil David cha, 'ix yaln 'ix 'a win 'ixtic: —Toto ma'oj a col a b'a 'a jun 'ac'wl tic, q'uic'an chamnc ach xo, xchi 'ix 'a winac.

Nehemías 6:11

Yuj cha, xwaln 'a 'ixtic: An tic man̈ in mojc in 'at 'eloc. ¿Tom 'oj c'och 'a yatut Dios in c'ub'c 'el in b'a tza na'a? xin chi 'a 'a.

Salmos 7:2

Yujto lajn eb' 'icha no león yic ch'iychtan no schib'ej. Comnoc matz in ac' sch'iychtoc 'at eb', yujto may junc xo mach tztac' in scolni.

Jeremías 48:14

Man̈ yal cab' eb' 'aj Moab 'ixtic: An̈ tic, caw jeln on̈, b'inab'il on̈, to caw 'a'm on̈ owal, man̈ xchic cab' eb'.