Salmos 109:23 - Chuj San Sebastian Bible

²³ Wan in lajw 'ec' 'icha tzyac' wewen, a 'ic' tzin ma'n chan̈ 'icha tzyac' no c'ulub'.

Chuj San Mateo Bible

²³ Van in satel icha junoc en̈ul. Van vic'jib'at yuj ic' ichoc noc' c'ulub'.

Salmos 109:23 Referans Kwoze

Ex 10:19

Xlajw xoj cha, 'ix ya'n cot Jehová jun niwquil 'ic' 'a stojlal 'aj tz'em c'u, ax 'a yol a Chac Mar, ata 'ix 'atcn no c'ulb' chi yu'uj. Man̈x 'a junc no 'ix can 'a yol yic Egipto cha.

Job 14:2

Lajn on̈ 'icha junc nichte wanto cob' spojli, ax tz'aji, tztacj pax 'el muc'uc; 'ixta yec' qui q'uinl on̈, lajn pax tz'aj yec' 'icha junc wewen.

1 Cr 29:15

Yujto an̈ tic on̈, 'e'lb'a quec' 'a a sat on̈, lajn quec' 'icha 'e'nc smasnil eb' qui mam quichm on̈; a qui q'uinl 'a sat lum lum tic on̈, lajn 'icha xob' lum lu'um, caw yajn̈ej tz'eq'ui.

Santiago 4:14

Palta 'in man̈ cojcoquec tas cajc q'uic'an. A qui q'uinlec 'a yolyib'n̈q'uinl tic, yajn̈ej tz'eq'ui. Lajn 'icha xob' lu'um, junn̈j rato tzlajw q'ue wa'an.

Ec 8:13

A eb' maysch'olnil sb'eyb'al, may jac wach'l 'oj yil eb', ax sq'uinl eb', lajn yec' 'icha junc wewen, yujto may yel'ch Dios 'a sat eb'.

Ec 6:12

May junc on̈ec cojtac tas junc tz'och qui wach'loc, yic 'ayn̈ec 'ec' 'a yolyib'n̈q'uinl tic. A qui q'uinlec may jac yel'chi, lajn yec' 'icha junc wewen. ¡Toc 'ayt mach 'oj alnc cab'ec tas tzb'o 'a yolyib'n̈q'uinl tic yic chamnc on̈c xo!

Salmos 144:4

An̈ 'anman̈ tic on̈, lajn on̈ wal 'icha qui'n quic' jun 'ejmoc, 'ixta quec' on̈, ax qui q'uinl tic on̈, lajn wal yec' 'icha wewen.

Ex 10:13

'Ix ya'n 'at Moisés te sc'occh chi 'a yib'n̈ Egipto cha. Ax Jehová 'ix 'a'n cot jun niwquil 'ic' 'a yib'n̈ smasnil yol yic Egipto, 'ix cot jun 'ic' chi 'a stojlal 'aj tzq'uel c'u; jun c'u jun 'ac'wl 'ix yac' jun niwquil 'ic' cha. Ax yic sacb' 'el 'a junx c'u cha, man̈x yalnb'ilc no c'ulb' xyij cot jun 'ic' cha.

Salmos 102:12

Ach xo pax Mamin Jehová, yajl ach 'a jun 'ejmn̈ej. 'Oj naxoc cot a b'i yuj junjn c'aj eb' 'anma tz'ec' 'a sat lum lum tic.