Salmos 109:22 - Chuj San Sebastian Bible

²² Caw wal 'oltac in, tzcus in c'ojol, caw wal man̈x in 'anmac tzwab'i.

Chuj San Mateo Bible

²² Te meb'a' in, man̈xo animaoc ved'nac svutej vab'ani, icha val to lajvinac in svab'i.

Salmos 109:22 Referans Kwoze

Salmos 86:1

Mamin Jehová scha cab' a c'ojl ab'n tas tzwala, yujto caw wal 'oltac in, til wal in cusc'ojlal.

Salmos 102:4

Caw wal tztac in c'ojl tzwab'i, man̈xtzac yal in c'ojl tzin wa'i; 'icha tz'aj stacj te c'ultac, 'ixta tzin 'aj tzwab'i.

Salmos 40:17

Caw wal 'oltaquin, cusc'ojlaln̈ej waji; ach in Diosal cotn̈ muc'uc, wul colin. Ach tzach colwjn̈ej wet'oc. Caw man̈ e'c tiempo Mamin.

Salmos 22:6

An xo tic, man̈x in 'anmac tzwab'i. Lajn in 'icha junc no a'ay. Caw tzetztac wilx 'a yol sat eb' 'anma', patcab'iln pax 'el yuj eb' wit 'anma'il.

2 Co 8:9

Yujto cojquec, a Cajlil Jesucristo, caw niwn swach'c'ojlal. Til wal sricoal 'a satcha'an̈, palta wul ya'jnac 'och sb'a meb'a'il, yuj schamc'ojlal 'ayn̈ec, 'ixta yutjnac sb'a, sec wach' yuj smeb'a'il cha, ax cochc ricoal 'a sat Dios.

Jn 12:27

A ticnec, caw tz'och pitz'n cusc'ojlal 'a in pixan. ¿Palta tas 'oj wutc walni? ¿Tom 'oj wal 'ixtc 'a Dios: Mamin, coln 'elt 'a yol sc'ab' jun yailal 'oj jawc 'a wib'n̈ tic, tom 'oj in chioc? Palta yuj wal jun tic 'ayn cot yu'uj.

Lc 22:44

Caw wal x'och pitz'n cuslal 'a spixan, yuj cha, caw yelc'ojlal xleslwi. Til wal x'el yalil, 'icha yem niwc tz'uj, 'ixta x'aj yel schic'l yaliloc, x'em 'a sat lu'um.]

Mt 8:20

Ax Jesús, xyaln 'ixtc 'a winac: —A no wa'ax 'ay yet'l no 'a yol n̈aq'ue'en, no ch'ic, 'ay yet'l no 'aj tzwayi. Palta an xo tic, wach'xam 'Ochnc in 'Anma'il, may wet'l 'aj tzin wayi, xchi 'a winac.

Is 53:3

B'uchb'il, patcab'il 'el yuj yit 'anma'il. 'Ix 'ajx 'och yailal 'a yib'an̈, 'ix techj yu'uj yujto c'aync xon yab'n syail. 'Icha wal junc mach to man̈x smojc yilx 'ochi, 'ixta x'aji. Xqui patquiljec can 'eli, may yel'ch 'ayn̈ec.

Salmos 109:16

yujto may xon 'aj sna sb'a jac sc'ojol yic tz'o'ch sc'ojl 'a eb' meb'a', 'a eb' 'emmquilal yeq'ui yet' 'a eb' 'ay scusc'ojlal. A yico', to tzyixtjn̈ej eb' masnto tzcham eb'.

Job 6:4

Yujto a Dios tztac' yuj smasnil, 'icha to 'ix 'och sjul-lab' 'a in niwnal. A jun sjul-lab' cha, caw 'ay svenenoal sti', yuj cha, caw wal tzyab' in niwnal syail. A Dios 'ix yoych wal tas 'ay smay 'ayin.

A Ch'an̈ Schab'il Libro Yic Yab'ixal Eb' Rey 4:27

Yajn̈ej 'ix c'och 'ix mu'c 'a 'aj 'ayc' Eliseo win schecb' Dios 'a lum jolm witz cha, 'ix 'och la'njoc 'ix 'a yoc winac. 'Ix 'och yamn Giezi 'a 'ix yic tzyi'n 'eli, palta ax win schecb' Dios cha, 'ix yaln win 'ixtic: —Yilx 'ix, yujto cusc'ojlal yaj 'ix, mantzac yal Jehová 'ayin tas yuj 'ix cot 'ix, xchi winac.

Salmos 25:16

'Ilt in cot Mamin, 'o'ch cab' a c'ojl 'ayin, yujto a in ch'ocoj, caw 'ay in somc'ojlal.