Salmos 109:14 - Chuj San Sebastian Bible

¹⁴ Sna cab' cot Jehová smul eb' smam yichm winac, may cab' b'a'n̈ tzsat 'ejm yalx smul snun winac.

Chuj San Mateo Bible

¹⁴ Mamin Jehová, nacot smul eb' smam yicham vin̈. Mocab' a suc sat smul snun vin̈.

Salmos 109:14 Referans Kwoze

Nehemías 4:5

Man̈ ac' niwnc'ojlal 'a yib'n̈ smul eb', man̈ cab' 'at satc'ojlal o'oj tastc 'ix 'el sb'on eb', yujto caw 'ix cot yowl sc'ojl eb' 'ayn̈ an̈ tzqui b'o jun muro tic on̈, xin chi.

Ex 20:5

Man̈ ex 'em n̈ojn 'a 'a, man̈ eyac' 'ejm e b'a 'a junc yechl cha, yujto an Jehová e Diosal in, caw tzcot wowl 'ayex toto tzeyac' 'ejm e b'a 'a junc eb' cha. 'Oj wa'ch eyailal ax mamb'il ex toto may wel'ch 'a e sat, ax wa'n jawc yailal 'a yib'n̈ eyunnal, yet' smasnil eyin̈til.

Jeremías 18:23

Palta ach xo tic Mamin Jehová, ojtac tas wan smol aln eb' 'a wib'an̈ yic tzin smiln cham eb' snani. Man̈ ac' niwnc'ojlal 'a yib'n̈ eb', man̈ ac' sat a c'ojl 'a smaysch'olnilal eb'. Sat cab' 'el eb' 'a ojltac, tza'n 'och syailal eb' yet' yowl a c'ojol, xin chi 'a in lesal.

Is 43:25

Palta an tic, yuj swach'l in nab'en, yuj cha, tzin sucsat e maysch'olnilal, man̈x 'a b'a'n̈ 'oj in na cot e mul cha.

A Ch'an̈ Schab'il Libro Yic Yab'ixal Eb' Rey 11:1

A 'ix Atalía snun Ocozías, 'ix yab'i chajtlto tox 'ix cham win yune 'ix cha, yuj cha, smiln cham 'ix smasnil eb' yin̈tl win rey cha.

A Ch'an̈ Schab'il Libro Yic Yab'ixal Eb' Rey 9:27

A yic 'ix yiln 'och Ocozías sreyl Judá tas 'ix uji, 'ix 'at 'eloc, ata x'atcn 'a sb'el Bet-hagan. Palta ax Jehú 'ix 'atn̈j 'a spatquil, 'ix yaln 'ixtic: —¡Milc pax chamoc! xchi. 'Ix yamchj yuj eb' 'a lum switzl Gur 'a sla'nil Ibleam. Ata xlajw yuj eb' 'a yol scaruaje, palta 'ix 'at 'elc 'a Meguido, axta xchami.

A Ch'an̈ Schab'il Libro Yic Yab'ixal Eb' Rey 8:27

A Ocozías cha, 'ix sb'eylb'ej sb'eyb'al Acab, yujto n̈ilab'il yajch 'a win Acab cha, caw maysch'olnil tas 'ix 'el sb'on 'a sat Jehová.

A Ch'an̈ Schab'l Libro Samuel 21:1

A 'a yol stiempoal rey David, 'oxe ab'il 'ix yac' wejel. Yuj cha, 'ix scanb'n David 'a Jehová tas yuj 'ixta wan yuji. 'Ix yaln Jehová 'a 'ixtic: A jun wejl tic, yuj smul Saúl yet' yuj eb' yin̈til, yuj cha, tzeyab'n syail, yujto milb'il cham eb' gabaonita yu'uj, xchi.

A Ch'an̈ Schab'l Libro Samuel 3:29

A jun mul tic, can cab' 'a yib'n̈ Joab yet' 'a yib'n̈ eb' yin̈til. A 'a scal eb' cha, 'ay cab' mach 'oj yab'ilanc yuj jun yailal tz'el tas 'a sniwnal, 'ay cab' pax eb' 'oj yab'ilanc yuj lepra, 'ay cab' pax eb' 'oj 'em sb'eyi, 'ay cab' eb' 'oj milxoc cham yet' espada, 'ay cab' pax eb' 'oj cham yuj wejel, xchi.

Lv 26:39

Ax jaywn̈ocx eb' eyin̈tl pitznto 'a scal eb' 'ajc'ojl cha, 'oj wach' cham eb' yuj smul, yet' pax yuj e mul ax mamb'ilx tic.

Ex 34:7

Caw 'ay in chamc'ojlal 'a yib'n̈ smasnil 'anma'. 'Ay in niwnc'ojlal 'a yib'n̈ eb' yuj smaysch'olnilal. Niwn tzwutj in c'ojl 'a yib'n̈ eb' yuj smul tzlaj 'ochi, palta a eb' 'ay smul cha, matz cann̈j eb' 'ixta'. Yowlal 'oj jawc yailal 'a yib'n̈ eb' mamb'il yet' 'a yin̈tl eb' b'aq'uin̈, xchi Dios.