Salmos 107:5 - Chuj San Sebastian Bible

⁵ Xlaj 'och swejl eb', yet' stacn̈til eb', wan xo scham eb'.

Chuj San Mateo Bible

⁵ Ay svejel eb', ay staquin̈tial eb', toxo val scham eb'.

Salmos 107:5 Referans Kwoze

Lm 2:19

Jab' cab' scal tzex q'ue wa'an, q'ue cab' eyaw 'a 'ac'wal, yuj e c'ann scolwal Cajlilec. 'A smasnil e c'ojol, tzex 'oc' 'a yojltac, b'achc 'at e c'ab' 'a 'a, yic tze c'an sniwnc'ojlal 'a yib'n̈ eb' eyunnal wan scham 'a yoltc caye yuj wejel, xchi winac.

Is 44:12

A ticnec, 'oj quil tas tzyutj munljoc sb'a win tenm q'ue'en. Tzyij cot win cincel, ax yic tox 'ix tz'a q'uen q'uen chi yuj win 'a cal c'ac', tztenn tojlb'oc win q'uen yet' martillo. Tzb'o 'el'ch 'icha wal tznib'ej, yet' wal yip sc'ab' winac tzb'o'i. Palta toto may tas tzc'ux winac, tzcot swejel, tz'och stacn̈ti'al, caw tz'el yip, tzc'unb' pax cha'an̈.

Jeremías 14:18

A yic tzin 'el wil lum lum 'aj tz'och munljel 'a b'esan, ax tzwilni, to 'ay sniwnal eb' 'anma t'occtac yaj ta yuj owal. Ax yic tzin 'och paxt 'a yol chon̈ab', ax tzwilni wan laj scham eb' 'anma yuj wejel. Ax eb' tzyalch sb'a schecb'oc Dios, yet' eb' ya'mal 'och sti eb' 'anma', tox 'ix 'ijx 'at eb' 'a chuc chon̈b'al, jun to mant yojcoc eb', xa chi 'a eb', xchi Dios 'ayin.

Ex 16:3

Xlaj yalnc eb' 'a 'ixtic: —Comnoc on̈ smilc can Jehová 'a Egipto, 'a 'aj caw wach' qui chinec chib'ej, 'aj caw tzon̈ b'ut'jec wal si'mb'il. Ocxo jun, ax on̈ eyij cot 'a lum cusltac lum tic; 'in a 'a tic 'oj qui chamc yuj wejl qui masnil, xchi eb'.

Ex 17:3

Caw wal 'ay stacn̈til eb' chon̈b' cha, yuj cha, tz'awj chan̈ eb' 'a Moisés, tzyaln eb' 'ixtic: —¿Tas yuj on̈ eyij 'elt 'a Egipto? ¿Tom yuj qui cham yuj tacn̈til yet' eb' cunnal yet' pax qui cajb'en noc', yuj cha tzon̈ eyi'n 'elta? xchi eb'.

A Ch'an̈ Schab'l Libro Samuel 17:29

No yal chab', no queso yic wacax, no mantca' yet' pax no calnelu, atn jun tzo'n̈ tic xyij 'at eb' sc'ux David yet' eb' 'anma ajun yet' cha, yujto sna eb', to caw 'ay swejl eb' 'anma cha, tztacj sti eb', xc'unb' pax eb' sb'ey 'a lum cusltac lum cha.