Salmos 107:10 - Chuj San Sebastian Bible

¹⁰ 'Ay eb' xlaj 'ec' cajn 'a scal q'uic'q'uinl 'a 'aj 'ay yet'l chamel, preso yaj eb' yuj scusc'ojlal. 'Icha to jalb'il eb' yuj q'uen cadena,

Chuj San Mateo Bible

¹⁰ Ay mach cajanec' d'a scal q'uic'alq'uinal b'aj ay smay chamel. Ichato ayoch eb' preso yuj scusc'olal, ichato ay paxoch q'uen cadena d'a eb',

Salmos 107:10 Referans Kwoze

Lc 1:79

Ax ya'n sacq'uinl 'a eb' 'ay 'a scal q'uic'q'uinal, atn eb' wan s'at 'a chamel. A 'oj ch'oxnc pax 'ayn̈ec, tas tzcutjec qui b'eyb'al, sec junc'ojlal tzon̈ 'ajc yet'oc, xchi win Zacarías cha.

Mt 4:16

A eb' 'anma cha, wan sb'ey eb' 'a scal q'uic'q'uinal, palta 'oj yil eb' sjaw jun niwquil sacq'uinl 'a scal. A jun sacq'uinl cha, 'oj c'och tzicnjoc yoc 'a scal eb' 'icha to chamnc 'a scal q'uic'q'uinl cha, xchi Isaías 'a Ch'an̈ Un̈ cha.

Miqueas 7:8

Ex 'ajc'ojl eyajch 'ayn̈ on̈, man̈ex tzaljoc yuj tas tzon̈ 'aj on̈. Wach'xam tzon̈ 'ejmi, palta 'oj qui q'uex wan jun 'ejm xo on̈. Wach'xam tz'och 'oynjoc q'uic'q'uinl 'ayon̈, palta a Jehová 'aych qui sacq'uinloc on̈.

Is 42:7

Tzin nib'j tza jac sat eb' matz uj yilni, tza coln 'elt eb' 'aych 'a preso, atn eb' preso yaj 'a scal q'uic'q'uinal.

Mt 22:13

Yuj cha, xyaln win rey chi 'a jun tzo'n̈ eb' smoso 'ayc' yet' ta': Jalc yoc jun winc tic yet' sc'ab', tzeyi'n ati', tze juln can 'at 'a 'aj 'ay q'uic'q'uinal. Ata 'oj 'oc'oc, ax sjuch'ch'i ye yab'n syal ta', xchi winac.

Salmos 105:18

Ata xyab' syal yoc yuj q'uen cadena; 'ix 'ajx 'och 'a preso.

Job 3:5

Comnoc 'ay junc tas q'uic'q'uinl x'ajch 'a yib'an̈ sec xq'uic'b' 'eli, mto a junc q'uic' 'asn tzc'ub'n 'eli, mto pax junc xo tas tz'ec' 'a sat sec x'och xiwc'ojlal 'a jun c'u cha.

2 Cr 33:11

Yuj wal cha, xya'n cot Jehová eb' syajlil eb' soldado yic sreyl Asiria, 'ix yamchj Manasés yuj eb', xya'n 'och eb' q'uen gancho 'a sn̈i', sjaln eb' yet' cadena to nab'a bronce, xyi'n 'at eb' 'a chon̈b' Babilonia.

Is 9:2

A eb' 'anma cha, wan sb'ey eb' 'a scal q'uic'q'uinal, 'oj yil eb' sjaw jun niwquil sacq'uinl 'a scal. A jun sacq'uinl cha, 'oj c'och tzicnjoc yoc 'a scal eb' 'icha to chamnc 'a scal q'uic'q'uinl cha.