Salmos 104:3 - Chuj San Sebastian Bible

³ Ach xa b'o chan̈ et'l 'a yib'n̈ a a', 'icha to a 'asn 'aych a caruajeoc, ax 'a scal 'ic' tzach 'eq'ui.

Chuj San Mateo Bible

³ A ach ix a b'oq'ue a pat d'a yib'an̈ a a'. A asun tz'och a carruajeoc. Icha sb'ey ic' a b'eyeq'ui.

Salmos 104:3 Referans Kwoze

Am 9:6

A Jehová xb'on satcha'an̈, a x'a'n 'ec' jen̈n 'a yib'n̈ lum lum tic. A tz'awtn cot eb' a cotc a 'a a mar, tzya'n 'ejm secnjoc a 'a yib'n̈ lum lum tic. Jehová ton wal sb'i.

Is 19:1

Atn jun tzo'n̈ paxti tic 'ix alx can 'el 'a yib'n̈ Egipto: 'Iltec wal sjaw Jehová, wocn q'ue 'a yib'n̈ jun 'asun, caw ji'lti sb'eyi yic tz'at 'a Egipto. Caw wal tz'ib'x chan̈ jun tzo'n̈ comn dios yic Egipto yuj smay, caw tzxiw pax eb' 'aj chon̈b' chi yu'uj.

A Ch'an̈ Schab'l Libro Samuel 22:11

'Ix q'ue 'a yib'n̈ jun querubín, 'ix 'at jen̈n̈oc; 'ix 'at jen̈n̈oc 'a yib'n̈ 'ic'.

Nahúm 1:3

A Jehová, man̈ c'unoc scot yowal, palta caw 'ay spoder, yowlal tzya'ch yailal 'a yib'n̈ eb' tz'och smul. A 'a yib'n̈ chacxuxm'ic', ata tzb'eyq'ui, ax 'asun, 'icha spoccal yoc tzq'ue wa'an, 'ixta yaji.

Salmos 139:9

Wach'xam cob' tz'och pax in c'axil, yic tzin 'at 'a stojlal 'aj tzq'uel c'u, sec tzin can cajn 'a sc'axpil 'ec' sti a mar,

Apoc 1:7

'Iltec, jab'xoj 'oj jawc Cristo 'a scal 'asun. Smasnil 'anma', 'oj yil eb' sjawi, an̈jtona eb' tecjnac chamoc, 'oj yil pax eb' sjawi. Ax eb' 'anma 'a junjn chon̈b' 'a yolyib'n̈q'uinl tic, a yic 'oj yilnc eb', caw 'oj 'oc' eb'. Wal yel, 'ixta wal 'oj 'ajoc.

Mt 26:64

—An ton 'icha tzal tic. Tzwal pax 'ayex, to an 'Ochnc in 'Anmal tic, 'oj in eyila', wocn in 'ejm 'a swach' c'ab' Dios, atn jun niwn spoder, 'oj eyil pax weml 'a scal 'asn 'a satcha'an̈, xchi.

Dt 33:26

Ex 'aj Jesurún, may xon junc mach tztac' slajb'tzan sb'a yet' qui Diosalec, yujto ata tz'ec' 'a yib'n̈ 'asun, caw 'ay smay yic tzjaw colwjoc quet'ec.

Salmos 148:4

A satcha'an̈ yet' a a 'ay 'a yib'n̈ satcha'an̈, yal cab' eb' wach' paxti 'a 'a.