Salmos 104:21 - Chuj San Sebastian Bible

²¹ A e no león tz'oc' e no yuj schib'j tzc'an 'ayach, ach xo tzac' tas tzc'ux e no'.

Chuj San Mateo Bible

²¹ Tz'oc' noc' choj yuj schib'ej, sc'anan svael noc' d'ayach.

Salmos 104:21 Referans Kwoze

Job 38:39

¿Ach am tza say schib'j yune no nun león tzchi'a, sec tzb'utj e no cotc cha,

Jl 1:20

An̈jtona pax smasnil no calte'al noc', caw tz'el yaw no 'ayach, yujto xtup 'ejm smasnil eb' a a', 'icha to stz'a te c'ultc smasnil.

Salmos 34:10

A no león tz'el yip no yuj wejel, palta ax eb' 'anma tzyij 'ejm sb'a 'a Jehová, may xon b'a'n̈ tzyac' palta tas 'ay tz'och yuj eb'.

Jl 2:22

Tzalj cab' e no noc' 'ay 'a caltcte', man̈ xiw cab' e no', yujto 'oj yaxb'oc pax chan̈ te c'ultac. A eb' te niwc te', 'oj ya'x eb' te sat, caw 'oj satnc te higo yet' te uva.

Am 3:4

Toto tz'el yaw no león 'a scal te', tzyal 'el'chi tox 'ix yamchj schib'j no tzyal cha. Toto tz'el yaw no cotc león 'a yet'l 'a yoltc n̈aq'ue'en, tzyal 'el'chi, 'ay junc tas xyamchj yuj no'.

Jl 1:18

Caw tz'el yaw e no cajb'en noc' yec' yuj wejel. Tzlaj 'ec' e no wacx say cob' te c'ultac. 'Ipn laj scham e no calnelu yuj wejel.

Is 31:4

A Jehová a 'ix aln 'ayn 'ixtic: 'Icha wal yel yaw junc no 'ichm león tztan̈wj schib'ej, wach'xam niwn eb' 'ilm calnelu tzyoy sb'a 'a no', wach'xam jantc yel yaw eb' xib'tn cob' no', toc tzxiw no yuj eb'. 'Ixta wal 'oj wutc in tan̈wni eb' in chon̈ab', yic 'oj wul wa'nc owl 'a lum tzaln Sión.

Salmos 147:9

A tz'a'n tas tzc'ux no noc', tzya'n pax tas tzc'ux e no cotc joj yic tz'el yaw e no'.

Salmos 145:15

Tan̈b'il yuj smasnil 'anma', janc' tzac' tas tzc'ux eb' 'a 'icha yorail.

Job 38:41

¿Mach tz'a'n tas tzc'ux e no joj tza na'a, yic tz'ec' saync e no tas tzc'ux e no cotac, yic tz'el yaw e no sc'ann tas tzc'ux 'ayin?