Salmos 104:2 - Chuj San Sebastian Bible

² A sacq'uinal, icha to a pichl yajchi, ach xa lich't satchan̈ 'icha junc mantiado.

Chuj San Mateo Bible

² A saquilq'uinal tzach pichani. A ach ix ac'b'at jen̈an satchaan̈ icha junoc mantiado.

Salmos 104:2 Referans Kwoze

Is 40:22

A Dios 'ayc' sdespacho 'a yib'n̈ q'ue satcha'an̈. A satchan̈ cha, jen̈n 'ec' 'a yib'n̈ lum lum tic. A yic tzon̈ yiln 'emt Dios an̈ 'anman̈ tic, lajn on̈ 'icha no b'ojch'in. A lich'jnac 'at satchan̈ 'icha junc nip, sb'on chan̈ 'icha junc mantiado tz'och cajnub'al.

Dn 7:9

'Ix in yamn̈ej 'och wilni, 'ix 'ajx 'ejm jun tzo'n̈ despacho, ax Dios, atn jun 'ayc' 'a jun 'ejmn̈ej, x'em wocn 'a yib'n̈ jun yico'. Caw sac yilx spichl 'icha yilx q'uen sacb'acum. Ax xil sjolom, caw sac yilx 'icha sac lana. A sdespacho cha, 'ay setetal, 'icha to tzn̈ilchj sc'aq'uil.

Is 45:12

An in b'ojnac lum lum tic yet' smasnil mach cajn 'a 'a, an in jen̈jnac 'at satchan̈ tic yet' in poder, 'ix walni to tzpitzw smasnil c'anal.

1 Jn 1:5

'Oj calb't 'ayx on̈, tas yaljnac can Jesucristo 'ayn̈ on̈. Yaljnac cani, chajtlto a Dios sacq'uinl yaji, may jac q'uic'q'uinl 'a 'a.

1 Ti 6:16

Dios chi may b'a'n̈ tzchami. Sacq'uinl 'aj 'ay. May junc mach tztac' sc'och 'a stz'ey. May xon junc mach tz'iln Dios, yujto may mach tztac' yilni. Caw niwn cab' yel'ch Dios 'a qui sat. 'Ay spoder 'a smasnil tiempo. 'Ixta cab' tz'aji.

Mt 17:2

Ata xjelmj yilx Jesús 'a sat eb'. Caw tzictzni x'aj sat 'icha yilx c'u, ax spichul, caw sac x'aj si'mb'il.

Zacarías 12:1

A Jehová a b'ojnac satcha'an̈, sb'on 'ejm yipnub'al yich lum lum tic, a tz'a'n sq'uinl eb' 'anma', a tzaln 'ixtc yuj chon̈b' Israel:

Job 9:8

Toc 'ay mach xcolwj yet'oc yic sb'on satcha'an̈, a tztenn 'och wan a mar, yic tzq'ue wan chel-loc a'.

Job 36:30

A Dios cha, a tz'a'n q'ue wan letz'lom 'a yib'n̈ a mar, yuj cha, tzcheclj tas 'ay 'a xab'l yich a'.

Habacuc 3:4

Ach jaw 'a scal a tzictznial. Xlaj 'eltoc jub'ljoc raya 'a yol a c'ab'. A 'ix ch'oxn 'eli, to 'ay a poder c'ultac yaj o'oj.