Salmos 103:18 - Chuj San Sebastian Bible

¹⁸ 'ayc' 'a yib'n̈ eb' tzyiclni strato, atn eb' matz yac' sat sc'ojl 'a schecnb'il.

Chuj San Mateo Bible

¹⁸ aton eb' max yactejcan sc'anab'ajan schecnab'il.

Salmos 103:18 Referans Kwoze

Dt 7:9

A ticnec, tzeyojquej 'eli to a Jehová qui Diosalec, to cojni. A eb' 'ay schamc'ojlal 'a 'a, tzyac' 'el'choc strato yet' eb'. A eb' tzyiclni schecnb'il, tz'o'ch sc'ojl 'a eb', yet' 'a yin̈tl eb' b'aq'uin̈.

Lc 1:6

Caw tojl snab'en eb' schawn̈il 'a sat Dios. Caw yiclum eb' 'a jun tzo'n̈ schecnb'il Cajlil, yet' 'a jun tzo'n̈ xo sley, caw may spalta'il eb' 'a 'a.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Pr 3:1

Ach wunnal, man̈ ac' sat a c'ojl 'a jun tzo'n̈ in cuynb'il tic, molcn jun tzo'n̈ in checnb'il tic 'a a nab'en,

Salmos 132:12

Toto yiclum tzyutj sb'a eb' onnal 'a in trato, yet' smasnil tas 'oj wal 'a eb', toto 'ixta', a junc eb' en̈tl 'oj 'ochx can a jelc 'a opiso, ax sb'ey jun 'opiso chi 'a yib'n̈ yunnal eb' b'aq'uin̈.

Salmos 25:10

Yuj a chamc'ojlal yet' yuj yeln̈j tas tzala, yuj cha, tze'n b'ey eb' tzyiclni a trato yet' a checnb'il.

Ex 24:8

Xlajw cha, xyi'n cot Moisés jun chic' 'ay 'ejm 'a yol yet'ul, stzicn 'at 'a yib'n̈ eb' 'anma cha, 'ix yaln 'ixtic: —A schic'l no noc' tic, a tz'a'n 'och yip strato Jehová sb'o quet'ec, atn wal jun tic tz'ochcn yipnub'alc smasnil jun tzo'n̈ paxti tic, xchi Moisés.

A Tas Sc'ulejnac Eb' Schecab' Jesús Hechos 24:16

Yuj cha, caw tzwac' cuenta in b'a yet' in nab'en, sec matz 'och in mul 'a Dios, sec matz 'och pax in mul 'a eb' wit 'anma'il.

Ex 19:5

Palta ax ticnec, yiclum tzeyutj e b'a 'ayin, tzeyiclni in trato eyet'oc, to in chon̈b' ex, sic'b'ilx 'el wuj 'a scal jun tzo'n̈ xo chon̈ab', yujto wic smasnil lum lu'um.

2 Cr 34:31

'Ix 'och lin̈n win rey 'a stz'ey jun niwquil 'oy. 'Ix sb'on pax strato yet' Jehová, chajtlto 'oj syiclc sb'eylb'an schecnb'il Jehová, scuynb'il, yet' sley. 'Oj syiclc 'a smasnil sc'ojol, 'a smasnil snab'en, ax ya'n 'och 'a yopiso 'icha yaj stz'ib'x can jun trato chi 'a ch'an̈ libro cha.

Dt 4:23

Tzeyil wal e b'a, man̈ eyac' sat e c'ojl 'a strato Jehová qui Diosalec b'ob'il yuj quet'ec. Man̈ e comn b'oc yechl tzann̈j tas tzalx 'och diosal, yujto 'ay yowlal yuj Jehová.

1 Ts 4:1

Ex wu'tac, ex wanab', 'in 'ec' caljnacx 'ayx on̈, to wach' tzeyutj e b'eyb'al, sec tzalj Dios eyet'oc. Al ticnec, tzon̈ tew 'at 'ayx 'a sb'i Cajlil Jesús, tzcham wal caln 'at 'ayx on̈, to tze wach' yiclj jun checnb'il tic si'mb'il.

Nm 15:40

Palta 'ixta 'oj eyutc e nan cot smasnil in checnb'il, ax e b'eylb'ani, yujto wic tzex 'aji, an xo e Diosal tzin 'aji.

Dt 7:12

Toto yel tze chaj eyab' jun tzo'n̈ checnb'il tic, tze b'eylb'ej, to 'ixta', ax Jehová qui Diosalec, 'oj yac' 'el'choc strato 'aj ya'jnac can sti 'a eb' qui mam quichmec.

Is 64:4

'A yictax pecti cha, mant 'a xon 'aj tz'ab'xi, may 'aj tz'ilx junc xo dios to lajn et'oc; junc to tzb'on 'icha tas tza b'o'o, yic tz'och swach'loc eb' tzya'ch sc'ojl 'ayach.