Salmos 102:26 - Chuj San Sebastian Bible

²⁶ Smasnil jun tzo'n̈ tic, 'oj lajwc 'eq'ui, palta ach xo tic, 'aychn̈ej 'eq'ui. Smasnil jun tzo'n̈ tic, 'oj 'ichmaxc eb' 'icha te pichul. Ach 'oj a satli. 'Icha tzyac' junc mach tzjul-l junc spichul, 'ixta wal 'oj otoc.

Chuj San Mateo Bible

²⁶ Ol satel masanil juntzan̈ tic, a achxo jun, ayachn̈ejeq'ui. A juntzan̈ tic ol ixtaxoc, icha sc'ab'ic'och junoc c'apac, ol a q'uexcaneli, icha val sq'uexanel junoc sc'a pichul eb' anima, syumancaneli.

Salmos 102:26 Referans Kwoze

Is 51:6

Q'uen̈ec q'ueln 'a satcha'an̈, tzex 'emx q'ueln 'a sat lum tic: A satcha'an̈, 'oj sat 'ejm 'icha tzyac' te tab'. Ax lum lum tic, 'oj 'ichmaxc lum 'icha tzyac' junc pichul. 'Ichan̈ej tz'aj scham no 'us, 'ixta 'oj 'aj scham eb' 'anma cajn 'a sat lu'um. Palta ax colnb'il tzwac'a, 'ayc'n̈ej 'a jun 'ejmn̈ej, a 'in tojlal may slajub'.

Mt 24:35

'Oj lajwc 'ec' satcha'an̈ yet' yolyib'n̈q'uinl tic, ax in paxti', may b'a'n̈ 'oj lajwc 'eq'ui.

Is 34:4

Smasnil c'anal 'ay 'a satcha'an̈, 'oj tzicb'tan̈x 'a yet'ul, ax satcha'an̈, 'oj chulxocb'e'n 'icha junc ch'an̈ u'un̈. 'Oj cot smasnil c'anal, lajn 'oj 'aj eb' yem 'icha tz'aj stacj 'el xil te uva, tzpuc 'ejm 'a yich, mto 'icha tz'aj yem sat te 'awb'ente 'a yich.

Apoc 20:11

Xlajw cha, xwiln jun wocn 'ejm 'a jun niwquil despacho caw sac. Ax 'a yojltac, ata 'ix satl yolyib'n̈q'uinal, yet' satcha'an̈. Man̈x 'a 'aj 'ix 'ilchj jac sc'ajil.

Lc 21:33

'Oj lajwc 'ec' satcha'an̈, yet' yolyib'n̈q'uinl tic, ax in paxti', may b'a'n̈ 'oj lajwc 'eq'ui.

Apoc 21:1

Xlajw cha, xwiln jun 'ac' satcha'an̈, yet' jun 'ac' yolyib'n̈q'uinal. Yujto a jun b'ab'l satcha'an̈, yet' jun b'ab'l yolyib'n̈q'uinal, satnc 'eli. An̈jtona a mar, man̈x 'a a'.

Ro 8:20

Yujto a jun tzo'n̈ tas sb'ojnac Dios, c'uxn juwnac xo, man̈x 'a swach'il. Man̈ munoc sjujnac sb'a 'ixta', yujto a Dios 'a'jnac juwoc. Palta 'ay wal jun tiempoal tan̈b'il sjawi,

Is 66:22

Yujto 'icha wal yilx jun 'ac' satcha'an̈ yet' jun 'ac' yolyib'n̈q'uinl 'oj in b'o', to 'oj cann̈j 'a jun 'ejmn̈ej, 'ixta 'oj 'aj e b'inax yet' eyin̈tl 'a smasnil tiempo.

Salmos 102:12

Ach xo pax Mamin Jehová, yajl ach 'a jun 'ejmn̈ej. 'Oj naxoc cot a b'i yuj junjn c'aj eb' 'anma tz'ec' 'a sat lum lum tic.

Is 65:17

'Ab'ec, 'oj in b'o junx 'ac' satcha'an̈ yet' junx 'ac' yolyib'n̈q'uinal. A jun 'ayc' tic, 'oj 'ec'oc, man̈x 'a mach 'oj nanc coti, 'oj 'atcn 'a satc'ojlal.

Ex 3:14

'Ix ta'w pax Jehová 'ixtc 'a Moisés: —AN TIC 'AYNÑEJ XON 'EQ'UI. 'Ixta tzotj aln 'a eb' et chon̈b' cha: AN TON TIC, an tzach in checb'ti, xchi Dios.

A Ch'an̈ Schab'il Libro Yic Yab'ixal Eb' Rey 19:15

'Ix leslwi win 'ixtic: Mamin Jehová, qui Diosal ach an̈ israel on̈ tic on̈, b'achn 'ec' a despacho 'a scal eb' querubín, cojxn̈ej ach Dios ach 'a yib'n̈ smasnil nacion̈ 'a yolyib'n̈q'uinl tic. Ach 'ix a b'o satcha'an̈ yet' lum lu'um.

Job 38:4

¿'Ajtil 'aych 'eq'ui yic xin b'on 'ejm yipnub'al yich lum lum tic? Al wab'i', tom yel xo niwn tas ojtac.