Salmos 102:18 - Chuj San Sebastian Bible

¹⁸ Tz'ib'x cab' can jun tzo'n̈ tic 'a ch'an̈ libro, sec a eb' 'unn tot 'oj 'aljoc, 'oj yal eb' swach' paxti 'ayach.

Chuj San Mateo Bible

¹⁸ Tz'ib'chajocab'can d'a yol ch'an̈ uum tas ol sc'uloc Jehová yic vach' a eb' manto aljoclaj, ol yal vach' lolonel eb' d'ay.

Salmos 102:18 Referans Kwoze

Ro 15:4

Jantcn̈ej tas tz'ib'b'il can 'a Ch'an̈ Un̈ pecti', 'ay yopiso on̈ scuynec. A Ch'an̈ tz'a'n qui te'nalec, tzya'n pax sniwnal qui c'ojlec, sec wach' tzca'c 'och Dios yipc qui c'ojol.

Is 43:21

B'ob'ilx wu'uj, yic tzeyaln wach' paxti 'ayin.

A Schab'il Carta San Pedro 1:15

Yuj cha, tzwac' 'ip, sec wach' 'oj stac' e nan cot jun tzo'n̈ cuynb'il tic 'a smasnil tiempo, yic tox in paxi.

1 Co 10:11

Smasnil jun tzo'n̈ tas jawnc 'a yib'n̈ eb' qui mam quichm chi 'on̈, ch'oxnb'il yaj 'ayn̈ec. Tz'ib'b'il can jun tzo'n̈ chi 'a Ch'an̈ U'un̈, sec cojquec, to 'ay smay yoch qui mulec. Yujto an̈ec tic, 'ayn̈ecx 'ec' 'a jun slajb' tiempoal.

Ef 2:10

A Dios on̈ b'onec 'a scha'ejmal yuj Cristo Jesús, sec caw wach' tzcutjec qui b'eyb'al 'a 'a. Yictax pecti', snajnac cani, chajtl 'oj cutquec qui b'eyb'al.

Jn 20:31

'Ix tz'ib'x can jun tzo'n̈ tic, sec 'oj eya'ch 'a e c'ojol, to a Jesús atn Cristo, Yunnal Dios. Toto 'oj eya'ch 'a e c'ojol, 'oj e cha e q'uinl 'a jun 'ejmn̈ej 'a 'a.

Dn 9:2

A yic yab'lil xo yoch win Darío chi yajlil, an Daniel in tic, 'ayn 'och in cuy jun tzo'n̈ ch'an̈ libro yic Dios, tzin nan yuj tas yaljnac can Jehová 'a Jeremías atn jun schecab', chajtlto a chon̈b' Jerusalén 'oj ma'xoc 'ejm lan̈chjoc, ax scan 70 ab'il 'a sictaquil, xchi 'a ch'an̈ un̈ tz'ib'b'il can yuj Jeremías.

Is 43:7

Atn smasnil eb' wico', an in pitzjnac 'el eb', in b'on eb', yuj yi'nb'ilc chan̈ in b'i, 'oj in chioc.

Salmos 71:18

Man̈ in actc can in ch'ocoj, wach'xam 'ichm in xo, sacx xil in jolom, palta an̈j 'ijnoc 'oj wal-l a jelnal, yet' a tojlal 'a eb' tot 'oj 'aljoc.

Salmos 48:13

tzcham wal eyoch q'ueln 'a smuroal yet' 'a sdespachoal, sec wach' 'oj stac' eyaln yab'xil 'a eb' 'unn tot 'oj 'aljoc.

Ex 17:14

Xlajw cha, xyaln Jehová 'ixtc 'a Moisés: —Tz'ib'j can jun tzo'n̈ tic 'a junc u'un̈, sec 'oj naxoc coti. Al 'a Josué chajtlto an 'oj in satl eb' amalecita 'a jun 'ejmn̈ej; man̈x 'a b'a'n̈ 'oj alxoc cot eb', xchi Dios.

Salmos 69:34

A satcha'an̈, yet' lum lu'um, a mar, yet' pax smasnil tas cajn 'a junjn c'aj, yal cab' eb' wach' paxti 'a Dios.