Salmos 101:6 - Chuj San Sebastian Bible

⁶ 'Oj wil yet' in sat, mach eb' 'anma wach' sb'eyb'al 'a sat lum lum tic, a eb' 'oj wa'ch yopiso wet'oc. A eb' tojl snab'en, a eb' chi 'oj 'och in checb'oc.

Chuj San Mateo Bible

⁶ Ol vila' mach eb' c'anab'ajum d'a sat lum luum tic, a eb' ol munlaj ved'oc. An̈ej eb' vach' sb'eyb'al ol och in checab'oc.

Salmos 101:6 Referans Kwoze

Salmos 119:63

An tic, witb'eym in b'a yet' eb' tzyal sb'a 'ayach, atn eb' tzyiclni a checnb'il.

Apoc 21:3

Ax xwab'n yoch jun paxti 'a sdespacho Dios. Caw 'ip yaln 'ixtic: —'Ilto, a Dios 'ayc' yet' eb' 'anma ticnec. A 'oj cann̈j yet' eb'. Atn eb' chi schon̈b' yaji. Caw a Dios 'oj can 'a scal eb', atn wal sDiosal eb'.

Jn 17:24

Mamin, a eb' tzac' 'ayin, tzin nib'ej to 'oj 'aj eb' wet' 'a 'aj 'oj in c'ochi, sec 'oj yil eb' in wach'l 'ac'b'il oj 'ayin. Yujto chamc'ojlab'iln xon o'oj, yictax mantzac b'o yolyib'n̈q'uinl tic.

Jn 12:26

Toto 'ay mach tznib'j tzin 'a'n servil, yowlal tzb'eylb'ej in b'eyb'al tic. A eb' tzin 'a'n servil cha, 'oj 'aj eb' wet' 'a 'aj 'ayn 'eq'ui. Toto 'ay eb' tzin 'a'n servil, ax in Mam 'oj 'a'nc spac 'a eb', caw niwn yel'ch 'oj 'aj 'a sat.

Mt 24:45

Q'uinloc 'ay junc win patron̈ yet' eb' smoso. A eb' yiclum, eb' 'ay snab'en, atn eb' 'oj ya'ch win yopiso ya'n cuenta yatut, yet' smasnil tas 'ay 'a 'a. ¿Palta mach eb' yiclum chi tze na'a?

Salmos 15:4

Eb' tzpatquiln can 'el eb' patcab'il can 'el o'oj, palta yiclum tzyutj sb'a eb' 'a eb' 'ay xiwc'ojlal 'ayach. Matz jel eb' tas tzyala, palta tzyac' 'el'choc eb' sti', wach'xam tzcan eb' 'a yaln̈ yu'uj.

Pr 29:2

A yic tz'och eb' tojl snab'en 'a yopiso, caw wal tzalj eb' 'anma'; palta a yic tz'och eb' maysch'olnil yajlil, caw wal tzcus eb' 'anma cha.

Pr 28:28

A yic tz'och eb' maysch'olnil yajlil, tzlaj sc'ub'c 'el sb'a eb' 'anma yuj eb', palta a yic tzsatl eb' maysch'olnil cha, ax eb' tojl snab'en tzniwtj cha'an̈.

Salmos 34:15

A Jehová a tztan̈wni eb' 'anma wach' sb'eyb'al, tzmaclni pax yab' tas tzyal eb', yic tzyaln sb'a eb' 'a 'a.

Jn 14:3

'Oj lajwc in b'on can eyet'l chi ta', ax in japx jun 'ejm xo. Ax wul ex wi'nc wet'oc, sec wach' a 'aj 'ayn 'ec' cha, ata 'oj eyaj wet'oc.

Lv 14:42

Tzlajw cha, chucx q'uen q'uen tz'ochx can sjelc q'uen tzlipx 'elt cha, chucx pax lum lum tz'ochx can spixloc, sec tzmacchj can pax 'el yich te n̈a cha.