Salmos 10:17 - Chuj San Sebastian Bible

¹⁷ Ach wal tzab' slesl eb' 'emmquilal yeq'ui, tza'n ste'nal eb', tzab'n pax tas tzyal eb'.

Chuj San Mateo Bible

^17-18 Mamin Jehová, a ach ton val tzab' slesal eb' anima emnaquil, a ach ton val tzac' yip eb'. A ach ton val tzab' yalan sb'a eb' tz'ixtaji yed' eb' unin man̈xalaj smam. A achton ol il tas ol ajcan eb' chuc chamelb'a yaji, yic vach' man̈xo ol xib'tejlaj eb' emnaquil eb'.

Salmos 10:17 Referans Kwoze

Salmos 145:19

A eb' yiclum 'ayach, tzac' tas tznib'j eb'. A yic tzc'ann eb' a colwal, yajn̈j cha, tzach colwj 'a eb'.

2 Cr 34:27

'ix a'ch wal 'a a c'ojol, xe'n 'ejm a b'a 'a wojltac an Dios in, yic 'ix ab'ni to 'ay yowl in c'ojl 'a yib'n̈ jun lugar tic, yet' 'a yib'n̈ eb' cajn 'a 'a. Yujto ach 'och 'emmquilal 'a wojltac, xa tzilnjat a pichul, caw ach 'oq'ui, an̈jtona 'in, 'ix wab' tas 'ix ala. An Jehová in, an tzwala.

Salmos 34:15

A Jehová a tztan̈wni eb' 'anma wach' sb'eyb'al, tzmaclni pax yab' tas tzyal eb', yic tzyaln sb'a eb' 'a 'a.

A Sb'ab'el Carta San Pedro 3:12

A Jehová a tztan̈wni eb' 'anma wach' sb'eyb'al, tzmaclni pax yab' tas tzyal eb', yic tzyaln sb'a eb' 'a 'a, palta 'ay cot yowl sc'ojl 'a yib'n̈ eb' tzb'on maysch'olnil, xchi 'a Ch'an̈.

Is 65:24

A yic mantzac in yawtj eb', toxn b'ab'l in ta'w 'a eb'; a yic mantzac lajw spaxtin eb' 'ayin, wojc xo tas chi tzyal eb'.

Salmos 37:4

Tzalj coyc 'a Jehová, ax 'oj 'a'n 'el'choc tas tzqui nib'jec.

1 Cr 29:18

Mamin Jehová, qui Diosal ach yet' Abraham, yet' Isaac yet' pax Israel, atn eb' qui mam quichm on̈, 'ac' jawc 'a snab'en eb' a chon̈b' tic, 'el cab' 'a sc'ojl eb' ya'nn̈ej yico', 'ac' wal ya'chn̈ej eb' sc'ojl 'ayach.

Salmos 9:12

A Jehová tzya'chn̈ej syailal eb' milm cham 'anma', man̈ ton̈joc tzyab'i yic tzyaln sb'a eb' 'aych 'a syailal.

A Sb'ab'el Carta San Pedro 5:5

Ex quelmtac, ex cob'stac, yiclum tzeyutj e b'a 'a eb' anciano. Ax xo e masnil, 'emmquilal tzlaj eyutc pax e b'a 'ayx junjn ex. Yujto tzyal 'ixtc 'a Ch'an̈ U'un̈: A Dios, tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb', xchi.

Santiago 4:10

Tzeyij 'ejm e b'a 'a sat Cajlil. Toto 'ixta', a 'oj eyi'n cha'an̈.

Pr 16:1

An̈ 'anman̈ec tic, 'ay calnec quic qui nanec tas tzqui b'o'o, palta a Jehová a tztac' yalni tas tz'aj 'el'chi.

Salmos 102:17

'Oj a cha ab' slesl eb' may mach tzcolwj yet'oc, may mach 'oj stac' stenn 'och wan slesl eb' cha.

2 Cr 30:12

A eb' 'anma 'aj Judá, a Dios 'ix 'a'n sna eb' to tojl tzyutj eb' snab'en, sec tzyiclj eb' checnb'il xyal win rey yet' eb' yajl yaj yet'oc, a tzyal tas 'ix yutj Jehová yalni.

Santiago 4:6

Yuj cha, yel xo niwn swach'c'ojlal tzyac' 'ayn̈ec. A Ch'an̈ U'un̈ tzaln pax 'ixtic: A Dios tzchac sb'a yet' eb' b'an̈quintac yeq'ui. Palta ax 'a eb' 'emmquilal yeq'ui, tzyac' swach'c'ojlal 'a eb', xchi.

Ef 3:12

Yuj Cristo, 'ayx calnec quic caln qui b'a 'a Dios, matz on̈ xiwec, yujto 'aych qui c'ojlec 'a Cristo.

Ef 2:18

Yuj cha, wach'xam israel on̈ec, wach'xam ma'ay, yuj Cristo 'ayx calnec quic caln qui b'a 'a qui Mam Dios ticnec, yujto junn̈j Yespíritu xya' cot 'ayn̈ec.

Ro 8:26

An̈jtona Yespíritu Dios, caw tz'och quet'ec, 'a 'aj man̈ tz'acnoc qui nab'en. Yujto man̈ cojcoquec tas tzcutjec qui leslwi 'icha tznib'j Dios. 'Ay 'aj ton̈j tzlaj jaw si'snoc qui c'ojlec, yujto matz nachj 'el cujec, tas tzcutjec caln qui b'a 'a Dios. Yuj cha, ax Yespíritu Dios, a tzleslwi cujec.

Mt 5:3

A eb' tznachj 'el yu'uj, to man̈ wach'c eb' 'a sat Dios, caw wach' yic eb', yujto 'ayx 'och eb' 'a yol sc'ab' jun 'aj satcha'an̈.

Pr 15:8

A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.

Pr 10:24

A eb' maysch'olnil sb'eyb'al, a tas 'aj tzxiw eb', a jun tzo'n̈ chi tzjaw 'a yib'n̈ eb', ax eb' wach' snab'en, tz'el'ch tas tznib'j eb'.

Salmos 9:18

Palta a eb' meb'a', man̈ ye'n̈joc tz'atcn eb' 'a satc'ojlal o'oj, 'oj jawc sc'ul schan eb' tas 'aych yipc sc'ojol.

2 Cr 29:36

Caw 'ix tzalj Ezequías yet' smasnil eb' chon̈ab', yuj tas 'ix sb'o Dios yet' eb' chon̈b' cha, yujto yajn̈ej x'el'ch smasnil tas 'ix b'o'i.