Salmos 1:5 - Chuj San Sebastian Bible

⁵ Yuj cha, a eb' tu sb'eyb'al, 'oj 'ochcn 'a yib'n̈ eb' yic 'oj 'och b'eyc'ojlal. A eb' tzb'on maysch'olnil, caw may xon yaln eb' yic sc'och 'a 'aj 'oj syam sb'a eb' tojl snab'en.

Chuj San Mateo Bible

⁵ Yuj chi' man̈xo ol yal-laj scolan sb'a eb' chuc chi' ayic ol ch'olb'itaj eb' d'a yichan̈ eb' anima tojol sb'eyb'al.

Salmos 1:5 Referans Kwoze

Salmos 5:5

A eb' b'an̈quintac, ma'oj stac' sc'och eb' 'a ojltac. Ach tic tza chacl eb' tzb'on maysch'olnil.

Mt 25:46

A eb' cha, 'oj 'atcn eb' 'a yailal 'a jun 'ejmn̈ej. Palta ax eb' tojl sb'eyb'al, 'oj scha eb' sq'uinl 'a jun 'ejmn̈ej, xchi Jesucristo 'a eb'.

Malaquías 3:18

Atta 'oj nachjoc 'el eyuj ax tic, chajtlto chuc spac yic eb' wach' sb'eyb'al tzin 'a'n servil, chuc pax spac yic eb' maysch'olnil sb'eyb'al matz in 'a'n servil, xchi Dios.

Mt 25:41

'Oj lajwc cha, ax waln 'a eb' 'ayc' 'a in surito: 'Eln̈ec ax tic 'a in tz'ey, yujto 'ay yowl sc'ojl Dios 'a eyib'an̈. 'Ixquec 'a jun c'ac' may b'a'n̈ tztupi, 'a jun lugar sb'ojnac Dios yico'oc win diablo, yet' eb' yángel winac.

Lc 21:36

Yuj cha, caw lista tzeyutj e b'a. Leslwan̈c 'a smasnil tiempo sec 'ay e te'nal yic wach' 'oj stac' e coln 'el e b'a 'a jun tzo'n̈ 'oj jawc cha. Ma'oj e q'uixw e c'och 'a wojltac an 'Ochnc in 'Anmal tic, xchi Jesús 'a eb'.

Mt 25:32

Ax junjn nacion̈al eb' 'anma', 'oj jawc eb' 'a wojltac. 'Icha junc 'ilm calnelu tzpoj 'elt no calnelu 'a scal no chiwo, 'ixta 'oj wutc in pojn snan̈l eb'.

Mt 13:49

'Ixta 'oj 'aj eb' 'anma', yic 'oj lajwc 'ec' yolyib'n̈q'uinl tic, 'oj cot eb' ángel wul yi'l eb' maysch'olnil 'a scal eb' wach'.

San Judas 1:15

Atta 'oj sb'eyc'ojloc smasnil 'anma'. Jantcn̈ej eb' maysch'olnil, 'oj ya'ch yailal 'a yib'n̈ eb' yuj smul, yujto maysch'olnil eb'. A eb' tu tzaln 'a spatc Cajlilc cha, eb' caw maysch'olnil snab'en, 'oj ya'ch pax yailal 'a yib'n̈ eb', xchi win Enoc cha.

Salmos 26:9

Man̈ junnjoc tzotj e'n 'ec' in q'uinl yet' eb' maysch'olnil sb'eyb'al. Man̈ in a mil cham yet' eb' milm cham 'anma'.

Salmos 9:16

Mamin Jehová, ach 'ojcax 'el yuj tas wach' tza b'o'o. Mun tzyalej sb'a eb' tzb'on maysch'olnil.

Salmos 24:3

¿Mach eb' tztac' sq'ue'ch 'a jun tzaln to yicn̈ej Jehová yaji? ¿Mach pax eb' tztac' yaj cajn 'a jun lugar to yic 'emmquilal yaji?