Rt 4:13 - Chuj San Sebastian Bible

¹³ A win Booz, 'ix yij sb'a win yet' 'ix Rut, 'ix 'och 'ix yistloc winac. Xlajw cha, 'ix way win yet' 'ix, ax Jehová 'ix 'a'n yune 'ix, scuchn chan̈ 'ix yune'. Xlajw cha, x'alj jun swinc 'unn 'ix.

Chuj San Mateo Bible

¹³ Icha chi' ix aj yic'an ix Rut chi' vin̈aj Booz chi'. Ix lajvi chi', ix vay vin̈ yed' ix, axo Jehová ix ac'an svach'c'olal d'a ix, ix scuchanoch yune' ix, ix alji jun svinac unin ix.

Rt 4:13 Referans Kwoze

Gn 33:5

Xlajw cha, xyiln 'och Esaú eb' 'ix 'ix yet' eb' 'unin, sc'anb'n 'ixtic: —Ax pax jun tzo'n̈ eb' tic, ¿mach 'ay yic eb'? xchi. —Wunnal eb' xyac' qui Mam Dios, xchi win Jacob.

Gn 29:31

Ax xyiln Jehová to tzchab'c'ojlej Jacob 'ix Lea, yuj cha, 'ix yalni, to tz'unewi 'ix, ax pax 'ix Raquel may yune 'ix.

Rt 3:11

Ach 'ix man̈ ach xiwoc, yujto a 'a yol in chon̈b' tic, 'ojcab'ilch xo, to wach' a b'inaxi. Yuj cha, 'oj in b'o smasnil tas wan aln 'ayn tic.

Salmos 127:3

A eb' 'unn tz'alji, siylab' Dios eb' 'ayn̈ec, yi'nb'il cot qui tzaljc'ojlal yaj eb'.

Salmos 113:9

Ax eb' 'ix 'ix may xon yune', 'oj tzaljoc eb' 'ix yic 'oj 'och eb' 'ix nunb'ilal. ¡Alx cab' wach' paxti 'a Jehová!

A Ch'an̈ B'ab'el Libro Samuel 2:5

A eb' caw wal b'ut'n 'a yic yalan̈, ax ticnec tzchon̈ sb'a eb' majnil yic tz'ilchj jac tas tzc'uxu. A eb' 'ay swejel, ax ticnec, caw wal b'ut'n eb'. A 'ix 'ix man̈ 'unewumoc, ax ticnec 'ay ucwn̈ yune 'ix xyune'ej. A 'ix niwn xo yune', ax ticnec 'ix 'och wan 'ix yunewi.

A Ch'an̈ B'ab'el Libro Samuel 1:27

Yuj ton win 'unn tic in leslwi cha, ax Jehová 'ix 'el 'a sc'ojl ya'n tas 'ix in c'an 'a 'a.

Rt 4:12

Niwn cab' onnal 'oj yac' Jehová 'aych yet' 'ix. Q'uib' cab' sb'isl en̈tl yet' 'ix, 'icha 'ajnc sq'uib' sb'isl yin̈tl win Fares yune 'ix Tamar, win yunnal Judá, xchi eb'.

Gn 30:2

Yuj cha, xcot yowl Jacob 'a 'ix Raquel, xyaln win 'a 'ix 'ixtic: —¿Toc wal Dios in? A Dios a matz 'a'n jawc one cha, xchi winac.

Gn 25:21

A 'ix Rebeca cha, may yune 'ix, ax Isaac xleslwi 'a Jehová yic tzya'n Dios yunnal eb'. Ata xyab' Jehová slesal, yuj cha, scuchn chan̈ 'ix Rebeca chi yune b'i'an.

Gn 20:17

Ax Abraham 'ix leslwi 'a Dios, yuj cha, ax Dios 'ix 'a'n pax stzatzl Abimelec jun 'ejm xo yet' yistzil, yet' eb' 'ix schecb' winac, yic wach' tz'aj yalj pax yune eb' 'ix.