Rt 4:11 - Chuj San Sebastian Bible

¹¹ 'Ix ta'w eb' yichm wincal chon̈b' cha, yet' smasnil eb' 'ayc' cha, 'ix yaln eb' 'ixtic: —Tic tzquila, testigo tzon̈ 'ajcni. Ya' cab' Jehová syaxilal 'a yib'n 'ix 'ix tz'ochcn 'a yol atut cha. Lajn cab' 'oj 'el'chc 'ix 'icha 'ix Raquel yet' 'ix Lea, 'a 'aj cotnn̈c quin̈tl an̈ israel on̈c tic. An̈jtona pax ach tic, niwn cab' tz'aj a b'inax 'a yol yic Efrata yet' 'a Belén.

Chuj San Mateo Bible

¹¹ Ix tac'vi eb' vin̈ yichamtac vinaquil chon̈ab' yed' masanil eb' ayec' chi' icha tic: —Testigo tzon̈ ajcani. A ix ix tz'ochcan d'a yol a pat chi', aocab' Jehová ol ac'an elc'och ix icha ix Raquel yed' ix Lea b'aj cotnac quin̈tilal a on̈ israel on̈ tic. An̈ejtona' a ach pax tic, nivanocab' tz'aj a b'inajcan d'a yol yic Efrata, aton chon̈ab' Belén tic.

Rt 4:11 Referans Kwoze

Gn 29:32

Scuchn chan̈ 'ix Lea yune', ax yic x'alj jun swinc 'unn 'ix, xya'n eb' sb'ic Rubén, yujto xyal 'ix 'ixtic: A Jehová, a x'ilni to patcab'iln 'el yuj wichmil, ax ticnec 'oj in chamc'ojlax yu'uj, xchi 'ix.

Mt 2:6

A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta niwquil yel'ch 'a yib'n̈ jun tzo'n̈ cha, yujto ata 'oj pitzwc chan̈ jun yajal, a 'oj 'och yilmalc in chon̈b' Israel, xchi 'a Ch'an̈ U'un̈, xchi eb'.

Miqueas 5:2

A Dios a tzaln 'ixtic: A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta ata 'oj cot jun yajal, ax wa'n 'och syajlilc chon̈b' Israel. 'Oj 'eltoc 'a scal jun 'in̈tal eb' israel cha, a jun cha, 'ayc' xon 'a yic pecti', xchi Dios.

Salmos 132:6

A 'a Efrata, ata xcab' yab'xil te scaxail trato, yuj cha, 'ix 'at quilnoc te 'on̈, ax 'a yol yic Jáar ata x'ilchj te cuj on̈.

Rt 1:2

A jun winc cha, Elimelec sb'i, ax yistzil Noemí sb'i, 'a chawn̈ yunnal cha, jun tzcuch Mahlón, ax junx tzcuch Quelión. 'Aj Efrata eb', atn tzcuch pax Belén. 'Ix c'och cajn eb' 'a yol yic lum Moab, axta xcan eb' ta'.

Dt 25:9

toto 'ixta', tzjaw 'ix 'a stz'ey winac, wal 'a sat eb' yichmtac wincal chon̈b' cha, tzyi'n 'el 'ix junc xan̈b' winac, tzupn 'och 'ix stzup 'a sat winac, tzyaln 'ix 'ixtic: 'Ixtc wal tz'aj eb' winc matz nib'j tzya'l yin̈tl yu'tac, xchi cab' 'ix.

Gn 24:60

'Ix yaln can eb' wach' paxti 'a yib'n̈ Rebeca chi 'ixtic: Ya' cab' Dios syaxilal 'a eb'an̈, 'oj och snunc smiyon̈al xo 'anma'. A smasnil one 'oj 'aljoc, a 'oj 'a'nc ganar eb' chon̈b' 'ajc'ojl yajch 'a eb', xchi eb' 'a 'ix.

Pr 14:1

A 'ix 'ix jeln snab'en, caw tzb'o 'ix yol yatut, ax 'ix may snab'en, ton̈j tzwach' 'a'j lajwc 'ejm yol yatut cha.

Gn 23:10

Chotn 'ec' xon pax win Efrón 'a scal eb' yit chon̈b' cha. 'Ix yaln win 'a Abraham chi 'a 'ip, sec wach' tzyab' eb' 'ayc' chi ta', yet' eb' tz'och 'a sti spuertail chon̈b' cha, 'ix yaln 'ixtic:

Gn 29:25

Ax yic sacb'eli, xyiln cot sb'a win Jacob to a 'ix Lea xway yet'oc, yuj cha, x'at yalnc 'a win Labán 'ixtic: —¿Tas yuj 'ixtc in otej? Yuj 'unx Raquel in munlj 'ayach. ¿Tas yuj tzin extej? xchi.

Pr 31:23

A win yichmil 'ix cha, caw wal 'ojcab'il win si'mb'il yuj eb' yajl 'a schon̈ab', 'aych win stz'acb'oc eb' niwc winc 'a yol schon̈b' cha.

Gn 29:16

A Labán cha, 'ay chawn̈ yisil; 'ix b'ab'el Lea sb'i 'ix, ax 'ix schab'il Raquel sb'i 'ix.

Gn 35:23

A eb' yunnal Jacob yet' 'ix Lea atn eb' tic, Rubén win b'ab'l winac, Simeón, Leví, Judá, Isacar yet' Zabulón.

Gn 35:24

A pax yunnal win yet' 'ix Raquel, atn José yet' Benjamín.

Dt 25:7

Palta toto a win winc chi matz yal sc'ojl tzyij 'ix smu cha, tztac' s'at 'ix 'at yal 'a eb' yichm wincal chon̈ab'. Tzyaln 'ix 'ixtic: A win in mu tic, matz yal sc'ojl win tzb'inax yu'tac 'a scal eb' quit chon̈b'ec; matz nib'j win tzwij in b'a yet'oc, 'icha yaln sleyal, xchi cab' 'ix.

A Ch'an̈ B'ab'el Libro Yic Yab'ixal Eb' Rey 21:8

Xlajw cha, stz'ib'n 'ix jun tzo'n̈ carta 'a sb'i win Acab, xya'n 'ejm 'ix seyo win 'a eb' ch'an̈ carta cha, 'ix ya'n 'at 'ix 'a ewin 'ichmtac winac, yet' 'a eb' yajl 'a jun chon̈b' 'aj cajn win Nabot cha.

1 Cr 2:51

yet' Salma, atn smam 'ichm eb' 'aj Belén, yet' Haref, atn smam 'ichm eb' 'aj Bet-gader.

Jeremías 32:10

'Ix in tz'ib'n can jun trato chi 'a jun u'un̈, xya'n eb' testigo sfirma 'a 'a; xin macn cani, 'ix wa'n can 'och seyoal.