Rt 2:12 - Chuj San Sebastian Bible

¹² A Jehová a 'oj 'a'nc spac 'ayach, yuj smasnil a wach'c'ojlal. 'Ajx cab' spac a wach' nab'enal yuj Jehová qui Diosal an̈ israel on̈ tic on̈, jun 'aj tzach jaw wul a col a b'a, xchi Booz.

Chuj San Mateo Bible

¹² Aocab' Jehová co Diosal a on̈ israel on̈ tic tz'ac'an spac d'ayach yuj tas ix a c'ulej chi', syac'an svach'c'olal d'ayach, aton co Diosal b'aj ix ach javi a col a b'a tic, xchi vin̈.

Rt 2:12 Referans Kwoze

Salmos 36:7

Ach in Diosal, man̈x jantcoc satjub'tacl yilx a chamc'ojlal, yuj cha, a 'aych tzqui col qui b'a on̈, 'icha no cotc caxtiln̈ tzcol sb'a 'a yaln̈ sc'axl snun.

Salmos 91:4

'Oj on̈ sc'ub'c 'el yet' spoder, sec may tas 'oj qui'nec. 'Icha junc no caxtiln̈ tzmoy yune', 'ixta 'oj on̈ yutquec yet' spoder. 'Oj on̈ scolc 'el 'icha yaj yaln cani, 'icha tzyac' junc q'uen tzmacn sat jul-lab'.

Salmos 63:7

In a colo yujto 'ayn 'ec' 'a yaln̈ a poder, yuj cha, caw tzin tzalj 'a en̈l 'icha tzyac' no cotc caxtiln̈ 'a yaln̈ sc'axl snun.

Salmos 17:8

'Icha wal tzyutj junc mach sya'iln sc'ul yol sat, 'ixta tzin otej. C'ub'j in 'el yet' a poder, 'icha tzyutj no caxtiln̈ smoyn yune'.

Salmos 61:4

Tzin nib'j tzin 'aj cajn 'a atut 'a smasnil tiempo. Tzin col in b'a 'aych 'icha tzyutj scoln sb'a no yune caxtiln̈ 'a yaln̈ sc'axl snun.

A Ch'an̈ Carta D'a Eb' Hebreo 6:10

Yujto a Dios caw tojl snab'en. Ma'oj sat sc'ojl 'a jun tzo'n̈ tas xe b'o'o, yet' e chamc'ojlal xe ch'ox 'a 'a, yic ex colwj 'a eb' yic xo Dios quet'ec. An̈jtona', 'ixta tzeyutj e b'a ticnec.

A Ch'an̈ Carta D'a Eb' Hebreo 11:26

'Ix snan paxi, to wach' tzyab' syal sb'uchx yuj Cristo, atn jun 'oj jawoc, palta caw wach' yico'. Jantcn̈ej jun tzo'n̈ ricoal yic Egipto cha, may yel'ch 'a sat, yujto ya'jnac 'at snab'en 'a jun spac 'oj yac' Dios 'a 'a.

A Ch'an̈ B'ab'el Libro Samuel 24:19

Wal yel may junc mach, to a yic tz'ilchj junc 'ajc'ojl yu'uj, tzlajw cha, tzya'n 'el 'a libre. Yuj cha, ¡a cab' Jehová 'oj 'a'nc spac 'aych yuj jun a wach'c'ojlal 'ayn tic!

Rt 1:16

'Ix ta'w 'ix Rut 'a 'ix 'ixtic: —Man̈ ach tewc 'och 'ayin, yic tzach wactn cani. Tzann̈j 'aj 'oj a 'ati, 'oj in 'atn̈j et'oc. A 'aj 'oj a c'och cajan, 'oj in can cajn et' ta'. A 'a chon̈ab', a 'oj 'och in chon̈b'oc, a 'a Diosal a pax 'oj 'och in Diosaloc.

Salmos 57:1

Ach in Diosal, 'o'ch cab' a c'ojl 'ayin. A 'aych tzin col in b'a masnto tz'ec' jun yailal tic 'a wib'an̈. Tzin nib'j tzin col in b'a 'aych 'icha tzyutj scoln sb'a no yune caxtiln̈ 'a yaln̈ sc'axl snun.

A Ch'an̈ Carta D'a Eb' Hebreo 11:6

Toto matz ca'c 'och Dios 'a qui c'ojol, toxn matz tac' stzalj quet'ec. Yujto a eb' tzjaw 'a Dios, yowlal tzya'ch eb' 'a sc'ojol, to 'ay Dios cha. Tzya'n pax 'och eb' 'a sc'ojol, chajtlto a tz'a'n spac 'a eb' tznib'j c'och sb'a 'a 'a.

Lc 6:35

Palta ax xo tic, chamc'ojlejc eb' 'ajc'ojl yajch 'ayex. Wach'n̈j cab' tzeyutj e b'a. A yic tzeya'n junc tas majnil, man̈ e na', toto 'oj e chaxi. Toto 'ixta tzeyutj e b'a, caw niwn spac 'oj e cha'. Ax scheclj 'eli, to yunnal ex xo Dios, atn jun yel xo niwn yel'chi. 'In tzch'ox swach'c'ojlal pax 'a eb' maysch'olnil.

Mt 23:37

Ax wal tic ex 'aj Jerusalén, caw ton̈j tzlaj e jul cham eb' schecb' Dios yet' q'uen que'en, atn eb' tzchecx cot 'ayx yu'uj. Til xo wal 'ejm tzex wawtj cot 'ayin, 'icha junc caxtiln̈ tzyawtj cot yune', tzmoyni, palta toxn matz yal e c'ojol.

Mt 5:12

Tzaljan̈c si'mb'il, yujto caw niwn spac 'oj e cha 'a satcha'an̈. 'Icha tz'ajx 'och 'a eyib'n̈ ticnec, 'ixta 'ajxnac 'och 'a yib'n̈ eb' schecb' Dios 'a pecti'.

2 Ti 4:8

Al ticnec, 'ay jun spac wic molb'il xo, yujto tojl tzwutj in b'eyb'al. A Cajlil, caw tojl snab'en, a 'oj b'eyc'ojlanc smasnil 'anma'. A 'a yic jun c'u cha, 'oj in cha spac wic 'a 'a. Man̈ cojnoc in 'oj in cha spac wico'. Jantcn̈ej eb' caw tznib'j jawc Cajlil 'a scha'ejmal, 'oj scha eb' yic jun xo.

2 Ti 1:18

A 'a jun c'u yic 'oj jawc Jesucristo cha, comnoc 'oj 'o'ch sc'ojl Cajlil 'a Onesíforo cha. Ojtac, til wal 'ejm ya'jnacn servil 'a chon̈b' Efeso 'a 'aj 'aych 'ec' cha.

Mt 6:1

Tzeyil wal e b'a, man̈ cojnoc cab' 'a sat eb' 'anma wach' tzeyutj e b'a. Toto cojn 'a sat eb' wach' tzeyutj e b'a, may jac spac 'oj e cha 'a qui Mam 'ayc' 'a satcha'an̈.

Pr 23:18

Toto 'ixta tzeyutj e b'a, caw wach' 'oj eyel'chi, ax tas 'aych yipc e c'ojol, may b'a'n̈ 'oj lajwoc 'eq'ui.

Pr 11:18

Toto maysch'olnil tz'el sb'on junc mach, 'oj scha spac, atn tas man̈ nib'b'ilc yu'uj; ax toto wach' tas tzb'o'o, a wal tas yel xo wach', a chi 'oj scha spacoc.

Salmos 58:11

'Ixta to b'i'an ax yalx 'ixtic: Caw wal wach' yic eb' te'n xyutj sb'a sb'on tojlal. Caw yel 'ay jun Dios tzb'eyc'ojlan yolyib'n̈q'uinl tic, 'oj schioc.

Salmos 19:11

A tzon̈ tennec 'och wan 'a maysch'olnil; toto yiclum tzcutjec qui b'a 'a 'a, 'oj yac' pax spac 'ayn̈ec.

A Scarta San Pablo D'a Eb' Aj Colosas 2:18

'Ay eb' tznib'j 'oj 'i'nc 'ec' jun spac eyic 'oj yac' Dios, palta man̈ e cha tas tzyal eb' 'ayex. Caw 'emmquilal tzcob' yutc sb'a eb', tzya'n 'ejm sb'a eb' 'a jun tzo'n̈ ángel. Tzcomn 'a'n 'och sb'a eb' 'a scal jun tzo'n̈ tas man̈ yojcoc. Ton̈j tzcomn b'an̈j sb'a eb', yujto caw jeln eb' snani.

Rt 2:11

'Ix yaln win Booz 'a 'ix: —C'uxn xwab' smasnil tastc 'ix 'el a b'on yet' 'ix alib', yic tox 'ix cham win echmil. An̈jtona wojc paxi, to 'ix actjcan a mam a nun yet' a chon̈b' 'aj 'aljnac ach, yic tzach jaw cajn quet' 'a jun chon̈b' tic, jun to man̈ ojcoc xon 'a yictax pecti'.

Rt 2:13

Xlajw cha, 'ix ta'w 'ix 'a winac: —Caw wach' a nab'en 'ayin. A jun tzo'n̈ a paxti tzal 'ayn tic, caw tzjaw in tzaljc'ojlal yu'uj. Caw wach' a paxtin 'ayin, wach'xam man̈ in lajnoc yet' junc eb' 'ix a'mal servil tic, xchi 'ix Rut cha.

Rt 4:15

A tz'och yipc a c'ojol, an̈jtona', a pax 'oj a'n servil yic 'oj och chichm 'ixal, yujto yune 'ix alb' tic winac. Caw wal tzach schamc'ojlej 'ix, 'ec'b'al wal ach snan 'ix 'a yib'n ucwn̈oc one', xchi eb' 'ix.

Jeremías 31:16

Ach Raquel, man̈x ach 'oc'oc, man̈x ac' 'eltoc yal a sat, yujto an Jehová in, an tzwala to a tas 'ix a b'o yuj swach'loc eb' one cha, 'oj a cha spac. A eb' one cha, 'oj 'eltoc eb' 'a slum eb' 'ajc'ojol, ax sjapx cajn eb' 'a tic.

A Ch'an̈ B'ab'el Libro Samuel 24:20

A ticnec 'ix nachj 'el wu'uj, to ach 'oj och reyal. A opiso 'a yib'n̈ qui chon̈ab' may mach 'oj stac' yi'n 'ec' 'a yol a c'ab'.