Rt 1:6 - Chuj San Sebastian Bible

⁶ Xlajw cha, 'ix yab'n 'ix Noemí yet' eb' 'ix yalb' 'a lum Moab, ax xyab'n eb' speclal to a Jehová tox 'ix 'o'ch sc'ojl 'a chon̈b' Israel; man̈x 'a wejl ta', 'ayx pax tas tzcuxxi.

Chuj San Mateo Bible

⁶ Axo ix yab'an ix Noemí chi' to ix oc'xi sc'ool Jehová d'a chon̈ab' Israel, man̈xalaj vejel ta'.

Rt 1:6 Referans Kwoze

Salmos 132:15

'Oj wac' in yaxilal 'a yib'n̈ eb' 'anma', caw 'oj yac' sobra tas 'oj sc'ux eb'. A eb' meb'a 'a scal eb', 'oj b'ut'joc eb' si'mb'il.

Salmos 111:5

A tz'a'n tas tzc'ux eb' yiclum tzyutj sb'a 'a 'a, yujto tzna cot strato yet' eb'.

Ex 4:31

A yic xyab'n eb' chon̈b' chi tas xyal eb' chawn̈ cha, 'ix ya'n 'och eb' 'anma chi 'a sc'ojol, chajtlto 'ix 'ilx cot eb' yuj Dios, yujto caw 'oltac tz'aj eb' 'a 'aj 'ayc' cha. Yuj cha, 'ix 'em n̈ojn eb', xya'n 'ejm sb'a eb' 'a Dios.

Ex 3:16

'Ixic, 'at yamb'tzej eb' yichm wincal chon̈b' Israel, tzaln 'a eb' 'ixtic: A Jehová qui Diosalec yet' eb' qui mam quicham, atn Abraham, Isaac yet' Jacob, a 'ix sch'ox sb'a 'ayin, 'ix yaln 'ixtic: Wal yel tzwil tas tz'aj eyixtx 'a Egipto.

Lc 19:44

C'uxn 'oj smac' 'ejm lan̈chjoc eb' jun chon̈b' tic 'a sat lu'um. Ax smilx cham eb' 'anma yuj eb'. A q'uen q'uen tusb'il 'och 'a jun tzo'n̈ n̈a 'a jun chon̈b' tic, toxn man̈x 'a junc 'oj can 'a yib'n̈ yit q'uenal cha. 'Ixta 'oj 'ajcni, yujto a 'a jun tiempoal tic, 'ix snib'j Dios tzch'ox swach'c'ojlal 'ayex, palta matz nachj 'el eyu'uj, xchi Jesús.

Lc 1:68

Calc wach' paxti 'a Cajlil, atn 'a qui Diosalec an̈ israel on̈c tic, yujto xjaw 'ayn̈ an̈ schon̈b' on̈c tic, yic tzon̈ scolnec 'eli.

Mt 6:11

Tzac' tas tzqui c'ux 'a jun c'u tic on̈.

Jeremías 29:10

Tzwaln pax junx tic: A yic 'oj tz'acwc 70 ab'il e c'och 'a Babilonia cha, ax in colwj pax eyet'oc, 'oj wac' 'el'choc in ti wa'jnac cani, chajtlto 'oj ex wi'x meltzjoc 'a tic jun 'ejm xo.

Is 55:10

A 'in paxti', ma'oj meltzjoc 'ayn 'a to may tas tzb'o yu'uj, palta to 'oj yac' 'el'choc tas nab'il wu'uj, 'icha yaj in nani. Lajn yaj 'icha n̈ab' tzcot 'a satcha'an̈ yet' sacb'acum, man̈xtzac meltzj eb' 'aj tzcot cha. Ton̈j tzyu'j 'ejm lum lum tic, tzyaxb' sat lu'um, sec tzlaj pac' snich te 'awb'ente', tzya'n te sat, tz'elx can 'in̈t 'a te', sec tz'awx pax muc'uc, mto yic tzc'uxn eb' 'anma'. 'Ixta yaj in paxti tic.

Sofonías 2:7

A eb' 'oj can to 'a eb' yin̈tl Judá, 'oj yic' eb' smacl lum ta'. Ata 'oj stan̈wc wa eb' scalnelu, ax 'a 'ac'wal, a 'a eb' te n̈a 'ay 'a Ascalón, ata 'oj way eb', yujto a Jehová sDiosal eb', a 'oj tan̈wnoc eb', ax yi'n pax q'ue'ch eb'.

Salmos 146:7

A tzb'on yaj eb' tz'ixtxi, a tz'a'n pax tas tzc'ux eb' caw 'ay swejel. Tzcoln 'elt eb' 'icha preso yaji.

Salmos 145:15

Tan̈b'il yuj smasnil 'anma', janc' tzac' tas tzc'ux eb' 'a 'icha yorail.

A Ch'an̈ B'ab'el Libro Samuel 2:21

Ax Jehová xyac' swach'c'ojlal 'a yib'n̈ 'ix Ana, 'ix 'alj 'oxwn̈ swinc 'unin yet' chawn̈ 'ix 'unin. Ax win Samuel 'ipn sq'uib' win 'a scajnub' Jehová.

Gn 50:25

Xlajw cha, xyaln 'a eb' yican cha, to tzyac' eb' sti 'a 'a; xyaln 'a eb' 'ixtic: Wal yel a Dios 'oj jawc colwjoc eyet'oc. A yic 'oj ujc jun cha, yic tzex 'at cha, tzeyij 'at in niwnal tic eyet'oc, xchi José.

Gn 48:15

Xyaln can win wach' paxti 'a yib'n̈ José 'ixtic: A Dios 'aj syicljnac in mam 'ichm Abraham, yet' in mam Isaac, a tzin tan̈wni yictax in 'alji yet' yic in b'ey cot 'a wojltac.

Gn 28:20

Atn 'a jun lugar chi 'aj 'ix ya'cn Jacob sti', 'ix yaln can 'ixtic: Toto tz'och Dios wet'oc, tzin stan̈wni 'a 'aj tzin 'at tic, tzya'n tas 'oj in c'uxu', tzya'n pax in pichul,

Gn 21:1

'Icha yutjnac Jehová Dios yaln 'a 'ix Sara, to 'oj 'aljoc junc yune 'ix, 'ixta ton x'aj 'el'chi.

A Sb'ab'el Carta San Pedro 2:12

Caw wach'n̈j tzcutjec qui b'eyb'al yil eb' mant 'ojtnacoc Dios. A ticnec, tzyal eb' to maysch'olnil tzcutjec qui b'a. Palta toto tzyil eb' qui wach' b'eyb'alec, 'oj yal eb' wach' paxti 'a Dios yic 'oj jawoc.

1 Ti 6:8

Yuj cha, toto tzchax tas tzqui c'ux 'a junjn c'u, toto 'ay pax qui pichul, tzalj con̈.

Salmos 147:14

A tz'a'n junc'ojlal a qui lugar 'aj 'ayn̈ec, tzya'n qui wa 'ixm trigo caw wach'.

Pr 30:8

Man̈ in a chaj 'och 'a'm 'esal, yet' 'a 'ixtj 'anma'. Man̈ in a'ch ricoal, man̈ in a'ch pax meb'a'il. Cojn tas 'ay tz'och wuj 'a junjn c'u, a chi tzac' 'ayin.

Rt 1:5

ax x'aji, 'ix cham pax win Mahlón yet' win Quelión. 'Ixta 'ix 'aj 'ix Noemí scan sch'ocoj. Man̈x 'a junc yune 'ix, man̈x 'a pax yichmil 'ix.

Rt 1:7

Yuj cha, xya'n 'och 'ix 'a sc'ojl smeltzj 'a chon̈b' Judá. Ajun chawn̈ eb' 'ix yalb' 'ix chi yet'oc, yic 'ix 'elt 'ix 'a 'aj 'ayc' cha.

Salmos 102:14

A eb' a checb' tic, caw 'ay schamc'ojlal eb' 'a eb' q'uen q'uen yic Sión; yuj cha, caw ya tzyab' eb' yujto tz'ixtx 'eli.

Jl 2:19

ax yaln 'ixtic: 'Oj wac' e trigo, yal eyuva, eyaceite, masnto 'oj e b'ut'ji. Man̈x 'oj wac' b'uchwjoc eb' chuc chon̈b'al 'ayex.