Ro 9:4 - Chuj San Sebastian Bible

⁴ A eb' cha, yin̈tl Israel eb' wet'oc. A Dios si'jnac 'och eb' yunnaloc. Caw sch'oxjnac stzictznil 'a eb', yic yec' yet' eb'. A 'a'jnac can jun tzo'n̈ strato 'a eb'. Ya'jnac can pax sley 'a eb'. Yaljnac can 'a eb', tas tzyutj eb' yaln sb'a 'a 'a. 'Ay pax jun tzo'n̈ tas 'aj ya'jnac can sti 'a eb'.

Chuj San Mateo Bible

⁴ A eb' chi', yin̈tilal Israel eb' ved'oc. A Dios ac'jinacoch eb' yuninaloc, sch'oxnacpax sb'a yed' stziquiquial d'a scal eb', yac'annaccan juntzan̈ strato yed' eb'. Yac'annacpaxcan ley Moisés d'a eb'. Yalnaccan d'a eb' tas syutej yalan sb'a eb' d'ay. Ay pax juntzan̈ tas b'aj yac'naccan sti' d'a eb'.

Ro 9:4 Referans Kwoze

Ef 2:12

A 'a yic yalan̈, mant 'ayc 'och Cristo eyet'oc. May eyaln eyic yet' eb' wit israelal. May pax eyaln eyic 'a jun tzo'n̈ strato Dios 'ix yac' 'a eb', yic ya'n sti 'a eb'. 'Ayx 'ec' ton 'a yolyib'n̈q'uinl tic, palta may junc tas wach' eya'jnac 'och yipc e c'ojol, yujto mant 'ayc 'och Dios eyet'oc.

Salmos 147:19

An̈ israel on̈c tic, yin̈tl on̈c can Jacob, 'ix yac' qui Diosalec cojcoquec 'el spaxti', sley yet' schecnb'il.

Ro 9:6

Wach'xam matz colchj eb' wit israelal smasnil, palta matz tac' calnec, to ma'ix 'el'ch jun tzo'n̈ tas 'aj ya'jnac can Dios sti 'a eb'. Yujto a eb' yin̈tl Israel cha, man̈ smasnilc eb' yel israel 'a sat Dios.

Gn 17:2

'Oj wac' jun in trato et'oc, to niwn en̈tl 'oj 'eloc, xchi 'a 'a.

A Tas Sc'ulejnac Eb' Schecab' Jesús Hechos 2:39

Yujto 'ixta yutjnac ya'n can sti 'ayx quet' on̈, yet' 'a eyunnal, yet' pax 'a smasnil mach 'ay 'a najat. Yujto a Cajlil qui Diosalec, tzyac' Yespíritu 'a jantcn̈ej mach tzyawtj 'och yico'oc, xchi Pedro 'a eb'.

Dt 7:6

Yujto an̈ec tic, sic'b'iln̈ec 'eli, yuj cochc schon̈b'oc Jehová qui Diosalec. Sic'b'iln̈ec 'elt 'a scal jun tzo'n̈ xo chon̈b' 'ay 'a sat lum lum tic, sec to yicn̈ej tzon̈ 'ajec.

Ex 4:22

Tzlajw cha, ax aln 'a win rey cha. To an Jehová in an tzwal 'ixtic: A eb' israel tic, 'icha to in b'ab'l 'unnal yaj eb'.

A Ch'an̈ Carta D'a Eb' Hebreo 9:1

A 'a jun b'ab'l trato, 'ay jun tzo'n̈ checnb'il tzyala, tas tzyutj eb' ya'w servil 'a jun scajnub' Dios 'ay 'a sat lum tic.

Salmos 89:3

'Ay jun a trato b'ob'il oj yet' David, atn jun a checb' sic'b'il 'el o'oj, ata aljnac can 'ixtic:

A Ch'an̈ B'ab'el Libro Yic Yab'ixal Eb' Rey 8:11

Ax eb' ya'mal 'och sti eb' 'anma cha, man̈x 'ic stac' smunlj eb' 'a yojl jun n̈a cha, yujto caw wal xb'ut'j 'el yojl chi yuj stzictznil Jehová.

Ro 8:15

Man̈x yowlalc tzon̈ xiwec, yujto a Espíritu qui chajnaquec, ma'on̈ ya'c pax 'och ya'malc servil ley yic Moisés jun 'ejm xo. Palta a Espíritu tic, a on̈ 'a'nec 'och yunnaloc Dios. Yuj wal Espíritu tic, tzon̈ 'awjec 'a Dios 'ixtic: Mamin, xqui chic 'a 'a.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

Jeremías 31:33

Atn junx in trato tic 'oj in b'o yet' eb' 'a yic 'oj jawc jun tiempoal cha: An Jehová in, an tzwala, to 'oj wa'cn 'och jun tzo'n̈ in checnb'il chi 'a snab'en eb', 'icha to 'oj in tz'ib'c can 'och 'a spixn eb'. An 'oj woch sDiosalc eb', ax yoch pax eb' in chon̈b'oc.

Dt 14:1

An̈ec tic, yunnaln̈ec xo Jehová Dios, man̈ ca'c lajwc qui niwnal yuj junc chamnc 'anma', man̈ qui joxlec xil qui jolm 'a snan̈l qui sat.

Gn 17:7

A jun in trato tzwac' et' tic, yet' smasnil pax eb' en̈tl 'a smasnil tiempo, to a Diosal in, sDiosal in pax eb' en̈tl cha.

A Ch'an̈ Carta D'a Eb' Hebreo 9:10

Yujto a jun tzo'n̈ checnb'il cha, ton̈j tzyal yuj tas tzc'ux eb', yet' tas tzyu'j eb'. Tzyaln paxi, chajtl tz'aj sb'icx 'el jun tzo'n̈ tas. A jun tzo'n̈ checnb'il cha, yicn̈ej sniwnal eb'. 'Ayn̈j yopiso jun tzo'n̈ checnb'il chi yuj eb', masnto xjelx yuj Dios.

A Ch'an̈ Carta D'a Eb' Hebreo 9:3

Ax 'a spatquil 'och junx te schab'l cortina, ata 'ay jun Lugar to cojn Dios 'ay yico'.

Jn 1:47

Ax 'ix yiln 'at Jesús, wan sc'och Natanael 'a 'a. 'Ix yaln yuj 'ixtic: —A jun tzjaw tic, caw yel israel 'a sat Dios, may 'aj chab'sat tzyutj sb'a, xchi Jesús.

Mt 21:33

'A'c 'och e chicn 'a junx 'ab'x tic 'oj wal 'ayex. 'Ay jun winc 'ix 'awn jun tzo'n̈ uva 'a slu'um. 'Ix smacn scol-lal. Sb'on jun te'lab' 'el yal uva cha. 'Ix sb'on pax q'ue jun yet'l eb' tan̈m uva chan̈ x'aji. Xlajw cha, xya'n can win slum chi majnil yet' te uva chi 'a jun tzo'n̈ eb' munljum winac. 'Ix 'atcn win 'a junx lugar 'a najat.

Os 11:1

'Ix yaln pax Dios 'ixtic: A yic 'icha to caw 'unn to jun chon̈b' Israel tic, caw 'ay in chamc'ojlal 'a 'a, 'icha to wunnal yaji. A 'a Egipto, atta 'ix wawtj coti.

Jeremías 31:20

An Jehová in, an tzwala to a eb' 'aj Efraín tic, 'icha to wunnal yaj eb', caw xajn eb' wu'uj, yel xo chamc'ojlb'il eb' wu'uj. Wach'xam tzwac' cuenta eb', palta matz wactj in nani, caw ya tzwab' yuj eb', yujto caw niwn tz'o'ch in c'ojl 'a eb'.

Jeremías 31:9

Wan xoj sleslwi eb', wan xoj yoc' eb' ax sjaw eb'. An xo 'oj wi't eb' 'aj 'ay a a tz'el yoctac, 'a jun b'e caw wal pan̈an, man̈x 'a 'aj 'oj stench eb' yoc. Yujto an tic, Mamb'il waj 'a chon̈b' Israel, ax chon̈b' Efraín, 'icha to in b'ab'l 'unnal yaji.

Is 60:19

Ata', man̈x 'a tz'och yoc c'u eyuj 'a c'ual, man̈x 'a tz'och yoc 'uj eyuj 'a 'ac'wal, yujto an Jehová in, an 'oj wac' in sacq'uinlal 'ayx 'a jun 'ejmn̈ej; an e Diosal in tic, an 'oj ex wac' b'inaxoc.

Is 46:3

Yuj cha, tzyaln Dios 'ixtic: Ex yin̈tl Jacob, e masnil ex cann̈c to can 'a chon̈b' Israel, 'ab'c tas 'oj wal 'ayex: An 'et'jnacx xoni yic 'ayx to 'ec' 'a yol sc'ojl e nun, mec'b'ilx wu'uj yictax ex 'alji.

Is 41:8

Tzyal Dios 'ixtic: Ex israel yin̈tl can Jacob 'ab'xnan̈c 'a tas tzwala, caw yel in checb' eyaji, an si'jnacx 'eli, ax tic yin̈tl ex can in wach'c'ojl Abraham.

Is 5:2

St'oc jun slum cha, si'n 'el sq'uenal scal, sb'on 'och scol-lal, xyawn jun tzo'n̈ uva caw wach' yin̈tl 'a lu'um. Xlajw cha, sb'on chan̈ jun yet'l 'a cha'an̈, sec ata tztan̈wx te uva cha. Sb'on pax jun ste'lab' 'aj tzte'x 'el yalil te uva cha. A win in wach'c'ojl cha, xcob' stan̈wc win ya'n te sat caw wach', palta ax x'aji, caw wal paj te sat cha.

Salmos 90:16

An̈ a checb' on̈ tic yet' eb' quin̈tl on̈, 'ac' cojcoc 'el a b'ob'en to satjub'tac yilxi.

Salmos 89:34

Ma'oj in ju 'in trato yet'oc. 'Oj wac' 'el'choc in paxti wa'jnac 'a 'a.

Salmos 78:61

Schan sc'ojl Dios yec' te scaxail trato yuj eb' 'ajc'ojl cha, atn te tzch'oxn 'el stzictznial yet' spoder.

Salmos 73:1

Caw yel wach' snab'en Dios 'a 'ayn̈ an̈ israel on̈c tic, yet' 'a eb' to tojl yaj snab'en.

Salmos 63:2

Tzin nib'j tzach wil 'a a cajnub', 'oj cham wal in c'ojl wiln a poder yet' a tzictznial.

Nehemías 13:29

Yuj cha, xwaln pax 'ixtc 'a in lesal: Ach in Diosal na cot jun tzo'n̈ eb' x'a'n juwc 'el jun 'opiso yic tzya'n 'och eb' sti eb' 'anma 'ayach, yet' a trato xa b'o yet' eb', yet' eb' levita, xin chi.

Dt 31:16

'Ix yaln Jehová 'a Moisés 'ixtic: Ach tic jab'xoj wal 'oj a chami, ax jun chon̈b'al eb' 'anma tic, 'oj ya'cn 'at sb'a eb' 'a sdiosal jun tzo'n̈ chuc chon̈b'al 'ayc' 'a sat lum lum 'aj 'oj c'och cajn eb' cha. Yuj cha, ax in yactn can eb', ax sjun 'el eb' in trato 'ix in b'o yet'oc.

Dt 29:14

Palta man̈ cojnoc eyet' ax tic tzb'o Jehová jun strato tic,

Dt 29:1

Atn jun tzo'n̈ paxti tic xyac' Jehová yal Moisés 'a eb' yit chon̈ab', yic 'ayc' eb' 'a yol smacb'en lum Moab; atn strato Dios chi sb'ojnac yet' eb' israel yic 'ayc' eb' 'a yich witz Sinaí.

Nm 7:89

A yic tz'och Moisés paxtinc yet' Dios 'a yol Mantiado, tzyab' spaxtin 'elt Dios chi 'a snan̈l chawn̈ yechl querubín 'a yib'n̈ smacl scaxail trato 'a 'aj tz'ajx lajwc mul.

Ex 40:34

Xlajw cha, 'ix 'eml jun 'asn 'a yib'n̈ Mantiado 'aj tzchaj sb'a Dios yet' eb' 'anma', 'ix macchj 'el yojl chi yuj stzictznil Jehová.

Ex 34:27

'Ix yaln Jehová 'ixtc 'a Moisés: Tz'ib'j smasnil jun tzo'n̈ paxti tic, yujto a eb' 'aych yipnub'alc in trato b'ob'il wuj et'oc, yet' pax eb' et israelal tic, xchi.

Ex 12:25

A yic 'oj e c'och 'a sat lum lum 'aj ya'jnac Jehová sti ya'n eyico'oc, yowlal 'oj eyiclcn̈ej jun q'uin̈ tic.

Gn 32:28

Xyaln win 'a Jacob 'ixtic: —A ticnec man̈x 'oj a b'ic Jacob. Palta Israel 'oj a b'i'oc, yujto stac' 'a'n owl yet' Dios, yet' pax 'anma', xchi winac.

Gn 17:10

Atn jun in trato tic tzwac' et'oc, yowlal tzyiclj smasnil eb' en̈til, smasnil winc 'unin, yowlal tz'ajx 'och yechl sniwnal.

Gn 15:18

Atn 'a yic jun c'u cha, 'ix yac' Jehová strato 'a jun 'ejmn̈ej yet' Abram, 'ix yaln 'a 'ixtic: —A jun lum tic, 'oj wac' 'a eb' en̈til, atta tzcot lum 'a sti a b'eymal a yic Egipto, masnto 'a sti a niwquil a Éufrates.

Ro 3:2

Ma'ay, 'oj walb't 'ayex tas yaji. A wal 'a eb' 'aj ya'jnac Dios spaxti'.

Dt 4:13

Ata 'ix yac' Jehová cojcoc 'el strato, atn jun lajn̈e checnb'il. 'Ix stz'ib'j 'och 'a chapachn̈ q'uen q'ue'en. 'Ix yalni to yowlal tzqui b'eylb'ejec.

Ez 1:28

'icha yilx chacpan 'a scal 'asun yic tzya'n n̈ab', 'ixta yilx sc'ac'l jun chi 'a stitac. 'Ixta wal xwutj wiln stzictznil Jehová. A yic xwiln cha, in 'em n̈ojn 'a sat lu'um, axn cha, 'ix wab'n spaxtin 'ayin.

2 Co 11:22

Hebreo ton eb', palta hebreo in jun xo. Israel ton eb', palta israel in jun xo. Yin̈tl ton Abraham eb', palta yin̈tl in pax Abraham yet' eb'.

Gl 3:16

Ax Dios, ya'jnac can sti 'a Abraham yet' 'a yin̈til. Ma'ix yal 'a Ch'an̈ U'un̈: A jun tzo'n̈ eb' en̈til, man̈ xchioc. Yujto man̈ niwnoc eb' yin̈tl 'aj xyala. Palta xyal 'ixtic: A en̈til, xchi. Yujto jun wal yin̈tl Abraham chi 'aj xyala, atn Cristo.

A Ch'an̈ Carta D'a Eb' Hebreo 9:5

Ax 'a yib'n̈ jun caxa cha, ata b'ob'il q'ue jun tzo'n̈ yechl querubín, sec chequel, to 'ayc' Dios ta'. Jen̈n 'at sc'axl eb' 'a yib'n̈ jun yet'l 'aj tz'ajx lajwc smul eb' quit chon̈b'ec. Colb'il wal jun tzo'n̈ tic tzwalb't 'ayx yuj chajtl yilx jun cha.

A Ch'an̈ Carta D'a Eb' Hebreo 9:6

A yic yoch yopiso jun tzo'n̈ cha, a eb' ya'mal 'och sti eb' quit chon̈b'ec 'a Dios, junjn c'u 'ochnc eb' 'a jun b'ab'l cuarto cha. Ata ya'jnac servil eb' Dios.