Ro 8:9 - Chuj San Sebastian Bible

⁹ Palta an̈ec tic, man̈xtzac qui b'eylb'ejec qui tu nab'enal. An̈j tas tznib'j Yespíritu Dios, an̈j tzqui b'eylb'ejec, yujto a 'aych 'ayn̈ec. A eb' man̈ 'ayc 'och Yespíritu Cristo 'a 'a, man̈ yico'oc Cristo eb'.

Chuj San Mateo Bible

⁹ Palta a on̈ tic, maxtzac cac' sgana jun chuc pensaril chi'. An̈ej sgana Yespíritu Dios sco b'eyb'alej, yujto a ayoch d'ayon̈. A eb' man̈ ayococh Yespíritu Cristo d'ay, man̈ yicoc Cristo eb'.

Ro 8:9 Referans Kwoze

Gl 4:6

A Dios, ya'jnac cot Yespíritu Yunnal 'a qui pixn junjn on̈ec, sec chequel, to yunnaln̈ec xo. Ax Yespíritu cha, a yic tz'awji: Mamin, Mamin, xchi.

1 Co 3:16

¿Tom man̈ eyojcoc, to yatut Yespíritu Dios eyaji, a Yespíritu chi cajn 'ec' 'a e cal?

2 Ti 1:14

A jun tzo'n̈ cuynb'il x'ajx 'och 'a yol a c'ab' yuj Dios, caw tza tan̈wej. Ax Yespíritu Dios, 'oj 'och et'oc, yujto a 'aych 'a qui pixn junjn on̈.

1 Co 6:19

Eyojc xoni, to a qui niwnalec tic, to yatut Yespíritu Dios yaji. A 'aych 'a 'a, yujto a Dios 'a'jnac 'och 'ayn̈ junjn on̈ec. Man̈x quico'oquec qui b'a ticnec,

Ro 8:11

A Dios a 'a'jnac pitzwc pax Jesús 'a scal eb' chamnac. Toto a Yespíritu Dios chi 'aych 'ayn̈ec, atn jun 'a'jnac pitzwc pax Cristo cha, 'oj yac' pitzwc pax qui niwnalec yic chaml yaj tic, yujto a 'aych 'ayn̈ec.

Jn 14:17

A eb' yic xon yolyib'n̈q'uinl tic, ma'oj stac' schan eb' jun tic, yujto matz tac' yiln eb', man̈ yojcoc eb'. Ax xo tic, eyojc xo Yespíritu tic, yujto 'ayc' xon eyet'oc. A 'oj 'ochcn 'ayx 'a jun 'ejmn̈ej.

Ef 1:13

Ax xo paxi, yic eyab'n jun 'ab'x caw yel, atn yab'xil qui colnb'il, eya'n 'och e c'ojl 'a Cristo quet' on̈. Yuj cha, junxn̈ej ex 'aj yet'oc. 'Ix 'och Yespíritu Dios 'a e pixan, 'icha tz'aj yajx 'och junc seyo 'a junc tas. Yuj cha, chequel, to yic ex xo Dios. Yujto ya'jnac can Dios sti', to tzya' cot 'ayn̈ec.

Gl 5:24

An̈ yic on̈c xo Cristo, man̈x 'a yel'ch qui tu nab'enal 'ayn̈ec, yet' jun tzo'n̈ maysch'olnil tzqui nib'jec 'ochi. 'Icha to 'ac'b'ilx 'och 'a spenc culs cujec.

Ef 2:22

Ax xo, man̈ ex 'ichcta 'a yic yalan̈. Al ticnec, junxn̈ej eyaj yet'oc. Ex 'och yatutoc qui Mam Dios quet' on̈, yujto a x'och cajn 'ayn̈ec qui masnil yet' Yespíritu.

Ro 8:2

A Yespíritu Dios a tz'a'n qui q'uinlec 'a jun 'ejmn̈ej, yujto junxn̈ej cajc yet' Cristo Jesús. Yuj spoder Yespíritu, on̈ colchjec 'elt 'a yol sc'ab' maysch'olnil, yet' 'a yol sc'ab' chamel.

Jn 3:6

A eb' tz'alj 'a snun, 'anman̈ej eb'. Palta ax eb' tz'alj pax yuj Yespíritu Dios, espíritu tz'aj 'el'ch eb'.

A Scarta San Pablo D'a Eb' Aj Filipos 1:19

yujto wojtac, wach'xam tzwab' syal ticnec, palta caw wach' 'oj waji, yujto wan e leslwi wu'uj. 'Ixta 'oj waji, yujto a Yespíritu Jesucristo 'aych wet'oc.

1 Jn 4:13

A 'a'jnac Yespíritu 'ayn̈ec, yuj cha, cojquec, to junn̈j cajc yet'oc, junn̈j yaj pax quet' junjn on̈ec.

Ez 11:19

'Oj wac' jun e nab'en caw wach', caw 'a'to, ax wi'n can 'el jun e nab'en to caw wal tzatz 'icha q'uen q'ue'en,

Lc 11:13

Ax tic, wach'xam may e ch'olnil, palta eyojc tas tzeyutj eya'n jun tzo'n̈ tas wach' a eb' eyunnal. Ax qui Mamc 'ayc' 'a satcha'an̈, yel xo wal 'oj yac' Yespíritu 'a eb' tzc'ann 'a 'a, xchi Jesús 'a eb'.

1 Jn 4:4

Ex chamc'ojlb'il wu'uj, yic on̈c xo Dios ticnec. Tox 'ix can eb' 'a'm 'es chi 'a yaln̈ cujec. Yujto a jun 'aych 'ayn̈ec, 'ec'b'al xo spoder 'a yib'n̈ jun 'aych 'a eb' yic yolyib'n̈q'uinl tic.

1 Co 15:23

'Ay stiempoal 'ix pitzw pax Cristo. An̈jtona', 'ay stiempoal 'oj qui pitzwec pax jun xo. A Cristo cha, b'ab'l pitzwnac. Ax 'a yic 'oj jawc jun 'ejm xo, atta 'oj pitzwc pax smasnil eb' yico'.

1 Jn 3:24

Toto tzqui yicljec jun tzo'n̈ schecnb'il, to 'ixta', junn̈j cajc yet'oc, junn̈j yaj pax quet' junjn on̈ec. Cojquec to 'aych 'ayn̈ec, yujto ya'jnac Yespíritu 'ayn̈ junjn on̈ec.

2 Co 6:16

A jun tzo'n̈ tzalx 'och diosal, caw may yaln eb' yic 'a yatut Dios. Yujto an̈ec tic, yatut on̈ec Dios pitzan, 'icha yaj yaln can 'ixtic: 'Oj in can cajn 'a scal eb', ax in b'eyc' yet' eb'. 'Oj woch sDiosalc eb', ax yoch eb' in chon̈b'oc, xchi.

Jn 3:34

Yujto a jun cha, a Dios checjnac coti. Yuj cha, a spaxti Dios tzyala. A jun cha, tz'acn ya'jnac Dios Yespíritu 'a 'a.

A Sb'ab'el Carta San Pedro 1:11

A Yespíritu Cristo 'aych 'a eb'. A 'a'jnac nachjc 'el yuj eb', chajtlto yowlal tzyab' syail. Tzlajw cha, ax scheclj 'eli, chajtlto man̈ jantcoc swach'il. Ax eb' cha, caw ya'ljnac eb' snan 'eli, mach jun chi tzjaw cha, yet' 'aja stiempoal tzjawi.

Apoc 20:15

Jantcn̈ej eb' man̈ tz'ib'b'ilc sb'i 'a jun libro yic q'uinl 'a jun 'ejmn̈ej, an̈jta xjulx can 'at eb'.

Apoc 13:8

Smasnil 'anma 'a yolyib'n̈q'uinal, 'ix yal sb'a eb' 'a jun noc' sb'i cha. Palta ax eb' tz'ib'b'ilx can sb'i 'a jun libro yic q'uinl 'a jun 'ejmn̈ej, ma'ix yal sb'a eb' 'a 'a. A eb' cha, yictax mantzac b'o yolyib'n̈q'uinal, tz'ib'b'ilx can sb'i eb' 'a ch'an̈ libro yic jun tzcuch Calnelu, atn jun milb'il chamoc.

2 Co 10:7

Ax xo, cojxn tas tzeyil yet' e sat tztac' snachj 'el eyu'uj. Toto 'ayx tze na'a, to cojn ex caw yic ex Cristo, nachj cab' 'el eyu'uj, to an̈jtona', yic on̈ pax Cristo on̈.

Jn 14:23

Yuj cha, 'ix yaln pax 'a 'ixtic: —A eb' 'ay schamc'ojlal 'ayin, tzyiclni eb' tas tzwala. Yuj cha, ax in Mam, tzchamc'ojlan pax eb', ax woch cajn yet' in Mam chi 'a eb'.

A Tas Sc'ulejnac Eb' Schecab' Jesús Hechos 16:7

Yic xc'och eb' 'a sti mon̈jon yic Misia, snan eb' ta', to tz'at eb' 'a yol yic Bitinia. Palta ax Yespíritu Jesús, ma'ix chan 'at eb' ta'.

Ro 7:5

A 'a yic yalan̈, an̈j qui tu nab'enalec qui b'eylb'ejnac. Yuj wal ley yic Moisés, spitzw jun tzo'n̈ maysch'olnil qui nib'jnaquec 'och yet' qui niwnalec tic. A jun tzo'n̈ chi tzon̈ 'i'nec 'at 'a chaml 'a jun 'ejmn̈ej.

Ro 8:1

A ticnec, an̈ec junxn̈ej cajc yet' Cristo Jesús, man̈x 'ayc 'och yailal 'a quib'n̈ec.

1 Co 6:17

Palta a yic tzca'nec qui b'a 'a Cajlil, junxn̈ej tzon̈ 'ajc can yet' 'a 'esal.

Ef 3:17

Tzin c'ann pax 'a 'a, sec 'oj wach' 'och cajn Cristo 'a e pixan, yujto 'aych e c'ojl 'a 'a. Toto 'ixta', 'oj wach' q'uib' e chamc'ojlal. 'Icha junc te caw niwn sch'an̈lyib', 'ixta 'oj eyaji.