Ro 8:3 - Chuj San Sebastian Bible

³ Yuj qui tu nab'enalec tic, matz tac' qui yiclniec tas tzyal ley yic Moisés. Yuj cha, may yopiso jun ley chi on̈ scolnec. Palta ax Dios on̈ colnec. A 'a'jnac cot Yunnal, wul ya'nc 'och sb'a 'anma'il. Lajn sniwnal 'icha quic an̈ 'ajmul on̈c tic. A 'ix wul cham yuj qui mulec. A yic 'ix cham yet' sniwnal, 'ix ya'n ganar 'a yib'n̈ maysch'olnil, sec wach' man̈x 'a yaln maysch'olnil chi yic 'ayn̈ec.

Chuj San Mateo Bible

³ Yuj co chuc pensaril, max yal co c'anab'ajan tas syal ley Moisés. Yuj chi' malaj yopisio jun ley chi' on̈ scolani. Palta axo Dios ix on̈ colani. A ac'jinaccot Yuninal yed' snivanil icha co nivanil b'aj ayoch co chuc pensaril a on̈ anima on̈ tic. A Jesús ix ul cham yuj co mul. Ayic ix cham yed' snivanil ix yac' ganar d'a yib'an̈ chucal, yic vach' man̈xalaj yalan yic jun chucal chi' d'ayon̈.

Ro 8:3 Referans Kwoze

A Tas Sc'ulejnac Eb' Schecab' Jesús Hechos 13:39

A jun ley yic Moisés, caw matz tac' ya'n lajwc qui mulec. Palta tzann̈j mach tzya'ch sc'ojl 'a Jesucristo, c'uxn tz'ajx can lajwc smul eb' yu'uj.

Gl 3:13

'Ay cot ton yowl sc'ojl Dios 'a quib'n̈ec yuj jun ley cha, palta a Cristo on̈ colnec 'el 'a yol sc'ab' yowl sc'ojl cha. Yujto schajnac 'och yowl sc'ojl Dios 'a yib'n̈ qui jeloc. Yujto tzyal 'ixtc 'a Ch'an̈ U'un̈: A junc 'anma tzq'uet'un̈n 'a spenc te', 'ay ton cot yowl sc'ojl Dios 'a yib'an̈, xchi.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

A Ch'an̈ Carta D'a Eb' Hebreo 10:14

Yuj wal jun xajmb'al ya'jnac cha, on̈ tz'acwec 'a jun 'ejmn̈ej, yujto c'uxn x'ijx 'el qui mul 'ayn̈ec yu'uj.

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.

Ro 6:6

Cojquec, a jun qui nab'enec 'a yic yalan̈, a 'a sat Dios, t'un̈xnac q'ue yet' Cristo 'a spenc culus, sec wach' tzsatl qui tu nab'enalec, 'icha to caw tzchami. 'Ixta on̈ 'ajec, sec wach' man̈xtzac ca'c servil maysch'olnil ticnec.

Gl 3:21

Palta a ley yic Moisés, matz 'och 'ajc'ojlal 'a jun tzo'n̈ tas yaljnac can Dios, yic ya'n sti 'ayn̈ec. Q'uinloc 'ac'b'il junc ley 'aj tztac' qui chan qui q'uinlec 'a jun 'ejmn̈ej, toto 'ixta', tzyal am Dios to wach'n̈ec 'a sat, yujn̈ej tzqui yicljec jun ley cha.

Ro 8:32

A Dios ya'jnac 'och Yunnal 'a yol sc'ab' chaml cujec qui masnil. Wach'xam Yunnal, palta ma'ix scolo. Yujto ya'jnac cot Yunnal cha, yuj cha, cojquec to c'uxn 'oj yac' smasnil tas wach' 'ayn̈ec.

Ro 3:20

May junc mach wach' 'a sat Dios, yujn̈ej tzyiclj tas tzyal jun ley cha. Yujto a jun ley cha, cojn 'ay yopiso sch'oxni to 'ajmul on̈c qui masnil.

A Ch'an̈ Carta D'a Eb' Hebreo 2:14

A eb' tz'och yunnalc Dios yet'oc, chamlb'a yaj sniwnal eb'. Yuj cha, ax Jesús, yowlal 'ix 'och pax sniwnal chamlb'ail, 'icha sniwnal eb' cha. Yuj cha, a yic xchami, 'ix ya'n lajwc yopiso jun win 'aych syajlilc chamel, atn win diablo.

A Scarta San Pablo D'a Eb' Aj Filipos 2:7

Yuj cha, xyactn can smasnil yic cha, xcoti, wul ya'nc 'och sb'a checb'al. Wul ya'nc 'aljoc sb'a 'anma'il.

A Ch'an̈ Carta D'a Eb' Hebreo 10:12

A Jesucristo, junn̈j xajmb'al ya'jnac yuj qui mulc 'a jun 'ejmn̈ej. Xlajw cha, x'at 'em wocn 'a swach' c'ab' Dios.

A Ch'an̈ Carta D'a Eb' Hebreo 4:15

A jun tz'a'n 'och qui ti 'a Dios, tztac' tz'o'ch sc'ojl 'ayn̈ec yuj may qui te'nalec, yujto caw lajn x'aj yajx prowal 'icha 'on̈c tic, palta may jun 'ejmoc 'ochnc smul.

A Ch'an̈ Carta D'a Eb' Hebreo 2:17

Yuj cha, yowlal caw lajn x'aj 'icha an̈ 'anman̈n̈ec tic, sec tztac' yo'ch sc'ojl 'ayn̈ec, tojl tzyutj ya'n 'och qui ti 'a Dios. 'Ix ya'n cham sb'a xajmb'alil, yic tzyi'n 'el qui mulec.

Ro 9:3

Q'uinloc to tztac' in c'ann cot yowl sc'ojl Cristo 'a wib'n̈ ticnec, yic tzin 'el 'a yol sc'ab', sec tzcolchj 'el eb' wit chon̈b' cha. Q'uinloc 'ixta', tzyal in c'ojl wa'n in b'a yuj eb'.

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Jn 9:24

Xlajw cha, 'ix yawtn paxt ewin win 'ix jacw sat cha, 'ix yaln ewin 'ixtc 'a 'a: —Caw yel tzach paxtin 'a sat Dios. Yujto cojc on̈, caw 'ajmul jun winc tzal jacnc a sat cha, xchi ewin 'a 'a.

Mr 15:27

'Ay pax chawn̈ 'elc'm xt'un̈x q'ue yet'oc, jun 'a swach' c'ab', jun 'a surito, junjn sculsal junjn eb'.

Nm 28:22

Tz'ajx pax junc no mam chiwo xajmb'al-l yuj mul, sec tz'ajx lajwc e mul 'a eyib'an̈.

Ro 7:18

Wojtac, yuj jun in tu nab'enal tic, may jac tas wach', tzcheclj 'el 'ayin. Yujto caw tzin nib'j tzin b'o jun tzo'n̈ tas wach', palta matz tac' in b'oni.

Nm 21:9

Ax Moisés 'ix sb'o jun yechl chan nab'a bronce cha, 'ix slocn q'ue 'a sjolm jun te 'oy. Yuj cha, a yic tzchix eb' 'anma yuj no chan, tz'och q'ueln eb' 'a jun yechl chan nab'a bronce cha. Yuj cha, tzb'ox sc'ojl eb'.