Ro 7:25 - Chuj San Sebastian Bible

²⁵ Atn Dios, yet' Cajlil Jesucristo. Yuj cha, caw tzwac' yuj diosal 'a Dios ticnec. A ticnec, yet' in pixan tzwac' servil Dios. Palta ax jun in tu nab'enal tic, 'aych ya'malc servil jun 'icha ley toxn 'aych 'ayin, atn maysch'olnil.

Chuj San Mateo Bible

²⁵ An̈ej Dios syal yuuj, yuj Cajal Jesucristo. Yuj chi', svac' yuj diosal d'a Dios chi'. Icha vaj tic, a yed' in pensar, svac' servil Dios. Palta axo jun in chuc pensaril tic, ayoch yac'an servil chucal.

Ro 7:25 Referans Kwoze

A Scarta San Pablo D'a Eb' Aj Colosas 3:17

Tzann̈j tas tze b'o'o, yet' tas tzeyala, 'icha wal tznib'j Cajlil Jesús, 'ixta tzeyutj e b'a. An̈jtona yu'uj, tzlaj eyac' yuj diosal 'a qui Mam Dios.

Is 49:13

Ach satcha'an̈, 'el cab' aw 'a tzaljc'ojlal. Ach lu'um, tzaljan̈. Yet' ex witz, 'el cab' eyaw yuj tzaljc'ojlal, yujto a Jehová, wan ya'n sniwnal sc'ojl eb' schon̈ab'. Wan yo'ch sc'ojl 'a eb' yuj syailal.

1 Co 15:57

Palta caw ca'c yuj diosal 'a Dios, yujto a tz'a'n ca'c ganar yuj Cajlil Jesucristo.

Ro 6:17

Palta tzwac' yuj diosal 'a Dios eyu'uj. Yujto wach'xam eya'jnac servil maysch'olnil 'a yic yalan̈, ax ticnec, wal 'a smasnil e c'ojol, wan eyiclni jun tzo'n̈ cuynb'il 'ajtil ex 'ajx 'ochi.

Ro 6:14

A maysch'olnil, man̈x 'a yaln yic 'ayn̈ec, yujto man̈xtoc 'ayn̈ec 'ec' 'a yol sc'ab' ley yic Moisés. A 'a yol sc'ab' swach'c'ojlal Dios 'ayn̈ec 'ec' ticnec.

A Sb'ab'el Carta San Pedro 2:9

Palta an̈ec xo tic, junxn̈ej quin̈tl qui masnil 'a sat Dios, yujto sic'b'iln̈ec xo 'el yu'uj. 'Ayx copisoec ca'n 'och qui ti 'a Dios, tzca'nec servil qui Reyal. Caw junxn̈ej chon̈b'al cajc 'a sat Dios. Cojn wal 'a tzca'c servil. Yic on̈c xo qui masnil ticnec. 'Ixta tzon̈ 'ajec, sec wach' calnec 'eli, chajtlto man̈ jantcoc swach'l Dios. Yujto a on̈ 'awtnec 'elt 'a scal q'uic'q'uinal, yic on̈ 'ochc 'a jun sacq'uinl caw wach', atn jun yico'.

A Scarta San Pablo D'a Eb' Aj Filipos 3:3

Palta an̈ec xo, a 'a sat Dios 'ac'b'iln̈ec xo circuncidar 'a yel, yujto tzcalc qui b'a 'a Dios 'a 'esal. An̈j 'a Cristo Jesús 'aj tzon̈ tzaljec. Ax jun tas tzb'o 'a qui niwnalec, matz ca'c 'och xon jac yipc qui c'ojol.

2 Co 9:15

Calc yuj diosal 'a Dios, yujto a jun siyjnac cot 'ayn̈ec, man̈x 'a yalnb'il jantc swach'il.

Mt 1:21

A jun 'unn 'oj 'aljoc cha, winc 'unin. 'Oj ac' sb'ic JESÚS, yujto a 'oj colnc can 'elt eb' schon̈b' 'a yaln̈ smul, xchi jun ángel 'a José cha.

Is 49:9

Tzaln 'ixtc 'a eb' 'icha to 'aych 'a preso 'a scal q'uic'q'uinal: 'Eln̈ec can 'a libre, xa chi 'a eb'. A eb' in chon̈ab', caw 'ay tas 'oj sc'ux eb', lajn 'oj 'aj eb' 'icha no calnelu tztan̈wx wa 'a stitc b'e, mto 'a lum jolmctac witz may ste'al.

Is 12:1

A 'a jun tiempoal cha, ata 'oj eyal 'ixtic: Mamin Jehová, tzcal yuj diosal 'aych on̈; wach'xam xcot wal yowl 'a c'ojl 'a quib'n̈ on̈, ax ticnec tox x'ec' jun cha, to wan a'n pax sniwnal qui c'ojl on̈.

A Scarta San Pablo D'a Eb' Aj Filipos 4:6

Man̈ on̈ 'ochc 'il yuj junc tas. Jantcn̈ej tas tzqui na'ec, calc 'a Dios, tzon̈ leslwiec. A yic tzqui c'annec tas 'a 'a, yowlal tzca'c pax yuj diosal 'a 'a.

Ef 5:20

Smasnil tiempo, tzlaj eyac' yuj diosal 'a qui Mam Dios yuj jantcn̈ej tas tzlaj 'ec' 'ayex. A 'a sb'i Cajlil Jesucristo tzlaj eyac' yuj diosal.

Ro 8:2

A Yespíritu Dios a tz'a'n qui q'uinlec 'a jun 'ejmn̈ej, yujto junxn̈ej cajc yet' Cristo Jesús. Yuj spoder Yespíritu, on̈ colchjec 'elt 'a yol sc'ab' maysch'olnil, yet' 'a yol sc'ab' chamel.