Ro 7:14 - Chuj San Sebastian Bible

¹⁴ Cojquec, a Yespíritu Dios 'a'jnac cot jun ley cha. Palta an tic, an̈ja wet' jun in tu nab'enal tic. 'Icha to chon̈b'iln 'och ya'malc servil maysch'olnil.

Chuj San Mateo Bible

¹⁴ Cojtac to a Yespíritu Dios ac'jinaccot jun ley chi'. Palta a in tic an̈eja' ved' jun in chuc pensaril tic. Ichato chon̈b'il in och vac'an servil chucal.

Ro 7:14 Referans Kwoze

A Ch'an̈ B'ab'el Libro Yic Yab'ixal Eb' Rey 21:25

(Wal yel, may junc rey 'ixta xyutj sb'a 'icha win Acab, yujto xmontchj win yuj yistzil yic ste'wtzan sb'a sb'on tas tu 'a sat Jehová.

A Ch'an̈ Schab'il Libro Yic Yab'ixal Eb' Rey 17:17

An̈jtona', 'ix ya'n eb' tz'a yunnal yet' yisl xajmb'al-l 'a jun tzo'n̈ comn dios cha, scuyn sb'a eb' snan 'el junc paxti', yet' 'ajchumal, 'ix swach' 'a'j 'at sb'a eb' 'a scal maysch'olnil 'a sat Jehová. 'Ixtnta 'ix yutj eb' stzuntzn cot yowl sc'ojl Dios 'a yib'an̈.

A Ch'an̈ B'ab'el Libro Yic Yab'ixal Eb' Rey 21:20

'Ix yaln win Acab 'ixtc 'a Elías cha: —Ach 'ajc'ojol, a ticnec in 'ilchj pax o'oj, xchi Acab. —Xyaln Elías chi 'ixtc 'a winac: Ach 'ilchj ton b'i'an, yujto yel xo wal xa te'wtzej a b'a a tas tu 'ix a b'o 'a sat Jehová.

Ro 7:18

Wojtac, yuj jun in tu nab'enal tic, may jac tas wach', tzcheclj 'el 'ayin. Yujto caw tzin nib'j tzin b'o jun tzo'n̈ tas wach', palta matz tac' in b'oni.

Is 52:3

A Jehová a tzaln 'ixtic: May xon junc centavo tumn xin chaj 'a e patic, yic ex 'ijx can 'at mosoal; an̈jtona', may pax tumn 'oj wac'a', yic tzex in coln can pax 'eli.

Ef 3:8

Jantcn̈ej eb' yic xo Dios wet'oc, yel xo 'ec'b'al yel'ch eb' 'a wib'an̈. Toxn may junc eb' yel xo niwn wel'ch 'a 'a. Palta yuj swach'c'ojlal Dios, ya'jnac wopiso tic. Yuj cha, tz'ec' walnc 'el 'a e cal ax man̈ ex israeloc, chajtlto man̈ jantcoc swach'l Cristo.

Mt 5:28

Palta an tzwal 'ayex, tzann̈j mach tz'och q'ueln 'a junc 'ix, tznib'n 'ochi, a jun cha, tox x'och 'ajmulal yet' 'ix 'a snab'en.

Mt 5:22

Palta an tzwal 'ayex, tzann̈j mach tzchichn 'och 'a junc yit 'anma'il, yowlal 'oj b'eyc'ojlaxoc. Tzann̈j mach tzb'uchwj 'a junc yit 'anma'il, 'oj b'eyc'ojlaxc yuj eb' sat yajal. Tzann̈j mach tzb'aj junc yit 'anma'il, 'ay smay tz'at 'a infierno 'a scal c'ac'.

Is 50:1

A Jehová a tzaln 'ixtc 'a schon̈ab': Ex Israel, ¿tzam e na to an pechjnacx 'el 'icha junc winc tzpechl yistzil? Toto 'ixta' ¿'ajtil 'ay yun̈al pojjb'al 'a in cal eyet'oc? ¿Tzam e na'a to an tzex in chon̈b't yuj in b'oc yic tzex 'och mosoal? Ax tic yuj e mul eyijx 'at 'icha presoal, yuj e maysch'olnilal ex in pechn 'eli.

Pr 30:5

A Dios a tztan̈wni eb' tz'a'n 'och sc'ojl 'a 'a, smasnil tas 'aj tzyac' sti', smoj wal ca'nec 'och yipc qui c'ojol.

Salmos 119:25

A wal tzwutj wab'ni, to wan xo in chami, palta 'ac' wal in q'uinl 'icha wal yaj aln 'a a paxti'.

Lc 7:6

Yuj cha, 'ix 'at Jesús yet' eb', palta yic jab'xoj sc'och eb' 'a yatut win cha, 'ix schecn cot win jaywn̈ eb' swach'c'ojl 'a 'a. Xya'n win yal eb' 'a Jesús 'ixtic: Mamin, man̈ extc a b'a a jaw 'ayin, yujto man̈ in mojc tzach jaw 'a yol watut.

Lc 5:8

Yic 'ix yiln Simón Pedro jun cha, 'ix 'em cumn 'a yojltac Jesús, 'ix yaln 'ixtic: —Mamin, mamtzac ej 'el a b'a 'a in tz'ey, yujto an tic caw 'ajmul in, xchi.

Mt 18:25

Palta a jun winc cha, caw may stumin, man̈xtzac stac' ya'n meltzjoc jun tzo'n̈ sb'oc cha. Yuj cha, tzyaln win rey cha, to yowlal tzchon̈x 'el win yet' yistzil, yet' yunnal yet' jantcn̈ej tas 'ay 'a 'a, sec toq'ue tztup sb'oc win cha.

Mt 16:23

Palta x'och wal q'ueln Jesús 'a 'a, 'ix yaln 'ixtic: —Ach Satanás 'eln̈ 'a in tz'ey, yujto tza nib'j tzac' juwc 'el in nab'en. Man̈oc jun tzo'n̈ tas yic Dios 'aj tza'ch a nab'en. An̈j jun tzo'n̈ yic 'anma 'aj 'aych a nab'en, xchi 'a 'a.

Am 2:6

A Jehová tzaln 'ixtic: A wal eb' israel tic, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. A eb' meb'a wach' snab'en 'a scal eb', 'in tzchon̈x 'el eb' yuj eb', yujn̈ej to matz techj stojn eb' sb'oc 'a eb', wach'xam yujn̈ej jun mojn̈oc xan̈ab'.

Is 6:5

Yuj cha, xwaln 'ixtic: 'Oltacn wali, tecn 'oj in chami, yujto xwilch jun Rey yet' in sat, atn Jehová tzta'n̈j yuj smasnil. An xo tic, nab'a 'anma 'in, tu tas tzlaj 'elt 'a in ti', cajn in 'ec' pax 'a scal eb' 'anma tu spaxtin tic, xin chi.

Pr 30:2

An tic, yel xo may jac in nab'en 'a yib'n̈ eb' wit 'anma'il, matz q'ue'ch in nab'en 'icha eb'.

Salmos 51:6

Caw 'ay a chamc'ojlal 'a eb' to a yet' smasnil sc'ojol tzb'on stojlal, yuj cha, 'ac' wal a jelnal 'ayin.

Job 42:6

Yuj cha, tznachj 'el wu'uj to may jac wel'chi, yel xo wach' tzin 'emwocn 'a sat lu'um, mto 'a scal stan̈il c'ac' yic tzin nan in b'a yuj tas xwala, xchi Job.

Dt 6:5

Chamc'ojlejc Jehová qui Diosalec yet' smasnil e c'ojol, yet' smasnil e nab'en yet' smasnil eyip.

Lv 19:18

An Jehová in, an tzwala. Man̈ e pac e b'a 'a eb' eyit 'anma'il. A eyico', to tze chamc'ojlej eb', 'icha wal tzeyutj eya'iln e b'a.

Ex 22:3

Palta toto c'ul tzyamchji, ax tz'aji tzmilxi, to 'ixta', 'ay pax yowlal schami. A junc 'elc'm tzyamchji, yowlal tztoj tas 'ix yel'j cha, palta toto may stumin, tztac' schon̈x 'eli, sec tztac' stojn tas tzyel'j cha.

Gn 40:15

Yujto an tic, ton̈j 'elc'b'iln cot 'a scal eb' hebreo, man̈ in mojc 'ayn 'och 'a preso tic, yujto may xon jac tas tu xin b'o'o, xchi José cha.

Gn 37:36

Ax yic xc'och ewin madianita 'a Egipto, xchon̈n can ewin José 'a win Potifar, win syajlil eb' soldado win sreyl Egipto cha.

Gn 37:27

Wach' to tzqui chon̈c 'el 'a eb' ismaelita tzjaw cha; man̈ qui milc chamoc, yujto cu'taquec qui b'a yet'oc, xchi Judá. Xchan sc'ojl smasnil eb' yu'tac 'a tas xyal cha.

A Ch'an̈ Carta D'a Eb' Hebreo 4:12

A spaxti Dios pitzn yaji, caw 'ay spoder. 'Icha junc espada caw jay ye 'a schab'il, 'ixta yaj spaxti tic. Yuj cha, 'icha to tztecx 'och 'a qui pixnec, yet' 'a qui nab'enec, 'icha junc espada tztecx 'och 'ayn̈ec. Yujto a tzch'oxn 'eli tas tzqui na junjn on̈ec, yet' tas tzlaj qui nib'jec.

Ro 3:9

¿Tas tze na'a? An̈ israel on̈c tic, ¿tom yel xo wach'n̈ec 'a yib'n̈ eb' man̈ israeloc? Ma'ay, 'ayn̈ec 'ec' 'a yol sc'ab' maysch'olnil.

Ro 6:6

Cojquec, a jun qui nab'enec 'a yic yalan̈, a 'a sat Dios, t'un̈xnac q'ue yet' Cristo 'a spenc culus, sec wach' tzsatl qui tu nab'enalec, 'icha to caw tzchami. 'Ixta on̈ 'ajec, sec wach' man̈xtzac ca'c servil maysch'olnil ticnec.

Gl 4:3

An̈jtona', 'ixta on̈ec. A 'a yic yalan̈, 'icha to 'unn on̈ec, yujto on̈ 'ajxec mandar yuj jun b'eyb'al yic yolyib'n̈q'uinl tic.

Lv 13:12

Palta toto tox xtacj sat jun yab'il cha, tox 'ix b'ut'j 'el smasnil sniwnal yu'uj, a tzyal tas tzyutj win ya'mal 'och sti eb' 'anma chi yiln 'ochi, tztac' xo yaln winac to man̈x 'a smay, tztac' yoch 'a scal yit 'anma'il.

Lv 13:16

Palta toto a schib'jal jun 'anma cha, tzsacb' pax 'el jun 'ejm xo, yowlal tzcotx 'a win ya'mal 'och sti eb' 'anma cha.