Ro 7:12 - Chuj San Sebastian Bible

¹² A jun ley cha, may jac spaltail. An̈jtona', 'ixta pax smasnil jun tzo'n̈ checnb'il 'ay 'a jun ley cha, caw tojol, caw wach'n̈ej.

Chuj San Mateo Bible

¹² A jun ley chi', malaj spaltail. An̈ejtona', icha pax chi' smasanil juntzan̈ checnab'il ay d'a jun ley chi', te tojol, te vach'.

Ro 7:12 Referans Kwoze

1 Ti 1:8

Cojtac, caw 'ay yopiso ley yic Moisés, toto yel tzqui yiclj 'icha wal tzyala.

Salmos 119:137

Mamin Jehová caw wal tojl a nab'en, ax jun tzo'n̈ a ley tic, caw wach' eb'.

Ro 7:14

Cojquec, a Yespíritu Dios 'a'jnac cot jun ley cha. Palta an tic, an̈ja wet' jun in tu nab'enal tic. 'Icha to chon̈b'iln 'och ya'malc servil maysch'olnil.

Salmos 119:172

'Oj in b'itn cab' yuj tas alb'il can o'oj, a smasnil a paxti', caw wal tojl eb'.

Ro 3:31

Yel toni tzon̈ colchjec, yujn̈ej to tzca'c 'och 'a qui c'ojol. Palta ¿tom yuj chi tztac' calnec, to man̈x 'a yopiso ley yic Moisés? Ma'ay, caw matz tac' calnec 'ixta'. Ticni a jun ley cha, to tzqui wach' 'a'jec 'och yopiso.

Nehemías 9:13

Xlajw cha, ach cot 'a satcha'an̈, ach 'eml 'a jolm witz Sinaí, ach paxtin 'emt 'a eb'; 'ix ac' a cuynb'il, a ley to caw yel yet' a checnb'il caw wal wach' 'a eb'.

Dt 10:12

Ax ticnec ex wit chon̈ab', ¿tas wal junc tznib'j Dios 'ayn̈ec? A tas tznib'j 'ayn̈ec, to 'ay cab' yel'ch 'a qui satec, tza'n on̈c 'ochn̈ej cab' yu'uj. Tzqui chamc'ojlejec, tzcalnec qui b'a 'a 'a, yet' wal smasnil qui c'ojlec yet' smasnil qui nab'enec,

Dt 4:8

¿Tom 'ay junc xo nacion̈ to 'ay sley mto 'ay schecnb'il tojl yalx 'icha jun wan waln can 'ayx tic?

Salmos 119:140

A jun tzo'n̈ a paxti tic, niwn ton wal yel'ch eb'. Yuj cha, tzin chamc'ojlan eb' an a checb' in tic.

Salmos 119:127

An xo tic, yel xo wal tzin chamc'ojlej jun tzo'n̈ a checnb'il tic 'a yib'n̈ q'uen oro caw wach'.

Salmos 119:38

A cab' 'ayn a checb' in tic, ata tzac' 'el'choc jun tzo'n̈ a paxti alb'il can oj 'a eb' to yiclum 'ayach.

Ro 12:2

Caw man̈x lajnoc tzcutjec qui b'eyb'al yet' eb' yic yolyib'n̈q'uinl tic. Yowlal tzqui chajec jelxc qui nab'en, sec 'oj wach' b'o qui b'eyb'alec 'a jun 'ejmn̈ej. Toto 'ixta tzcutjec qui b'a, 'oj wach' nachjc 'el cujec, tas tznib'j Dios 'ayn̈ec, atn tas wach', caw tzalj Dios yu'uj, may jac spaltail 'a 'a.

Ro 7:16

Palta a jun tzo'n̈ maysch'olnil tzin b'o cha, toto man̈ wach'c 'a in sat, tzyal 'el'chi, wojtac to caw wach' jun ley cha.

Salmos 119:86

Coln 'el 'a yol sc'ab' eb', yujto ton̈j tzchichn 'och eb' 'ayn 'a nab'an̈ej. Ax pax a checnb'il, yeln̈j pax eb' smasnil.