Ro 5:1 - Chuj San Sebastian Bible

¹ A ticnec, tox 'ix yal Dios to wach'n̈ec 'a sat, yujto tzca'c 'och qui c'ojl 'a 'a. Yuj cha, junc'ojlal xoj tzon̈ 'ajc yet'oc, yujn̈ej Cajlil Jesucristo.

Chuj San Mateo Bible

¹ A ticnaic, toxo ix yal Dios to vach' on̈ d'a yichan̈, yujto scac'och d'a co c'ool. Yuj chi' junc'olalxo tzon̈ aj yed'oc, yujn̈ej Cajal Jesucristo.

Ro 5:1 Referans Kwoze

Is 32:17

Yujto tzb'eylb'ax tojlal cha, yuj cha, 'ay junc'ojlal, tzaljc'ojlal, yet' wach' nab'enal 'a smasnil tiempo.

Ro 15:13

A Dios, a yipc'ojlal yaj cujec. Tzin nib'ej a tzwach' 'a'n e tzaljc'ojlal, yet' e junc'ojlal, yujto tzeya'ch e c'ojl 'a 'a. Toto 'ixta', a 'oj e wach' 'a'c 'och yipc e c'ojol, yujto a Yespíritu tz'a'n spoder 'ayex.

Jn 16:33

'Ix wal smasnil jun tzo'n̈ tic 'ayex, sec wach' junc'ojlal xoj 'oj 'aj e pixn wu'uj. A 'a yolyib'n̈q'uinl tic, 'oj eyab' ton syail. Palta te'n tzeyutj e b'a, yujto a jun yolyib'n̈q'uinl tic, 'ix can 'a yaln̈ wu'uj, xchi 'a eb'.

A Scarta San Pablo D'a Eb' Aj Colosas 1:20

Tznib'j pax Dios, yuj Cristo junxn̈ej 'oj 'aj smasnil tas yet'oc, eb' 'ay 'a satcha'an̈, yet' eb' 'ay 'a yolyib'n̈q'uinl tic. Yuj wal cha, xcham Cristo 'a spenc te culus. 'Ix 'elcn schiq'uil, sec wach' junc'ojlal xoj 'oj 'aj smasnil yet' Dios.

Ro 6:23

Toto a maysch'olnil tzqui b'o'ec, 'oj qui chac stojol, atn chaml 'a jun 'ejmn̈ej. Palta ax jun siylab' tzyac' Dios 'ayn̈ec, atn qui q'uinlec 'a jun 'ejmn̈ej, yujto junxn̈ej cajc yet' Cristo Jesús, atn Cajlilec.

Ro 14:17

A ticnec, 'ayn̈ecx 'och 'a yol sc'ab' Dios, yuj cha, man̈x smojc tzca'c 'och qui nab'en 'a jun tzo'n̈ tas tzqui c'uxec, mto tas tzcu'jec. Palta smoj tojl tzcutjec qui nab'en, junc'ojlal tzcutjec qui b'a. Tzqui chanec pax jun tzaljc'ojlal tzyac' Yespíritu Dios 'ayn̈ec.

2 Ts 3:16

A Cajlilec 'a'm junc'ojlal. Tzin nib'ej, c'uxn tzyac' sjunc'ojlal 'ayx 'a smasnil tiempo. 'Och cab' eyet' e masnil ta'.

Jn 14:27

A ticnec, tzwa'cn junc'ojlal 'a e pixan. Atn wal in junc'ojlal tic tzwa'cn 'ayex. Man̈ 'icha'oc jac junc'ojlal tz'ilchj 'a yolyib'n̈q'uinl tic, man̈ 'ixta'oc wic tic tzwa'cn 'ayex. Man̈ eyac' somchjoc 'el e nab'en, man̈ ex xiwoc.

Ro 4:5

Palta ax Dios, wach'xam matz on̈ munljec 'a 'a, cojn toto tzca'c 'och 'a qui c'ojol, to 'ixta', wach'n̈ec 'a sat. 'Ixta tz'aj junjn mach to tz'och smul 'a sat Dios, toto tzya'ch wal sc'ojl 'a 'a.

A Scarta San Pablo D'a Eb' Aj Colosas 3:15

A Dios a 'awtjnacn̈ec 'och yico'oc, sec junc'ojlal tzon̈ 'ajc qui masnil, yujto junxn̈ej cajc 'a yol sc'ab' Cristo. Yuj cha, caw wach' tzlaj cutquec qui b'a 'a qui cal, sec tzyac' Cristo sjunc'ojlal 'a qui pixnec. An̈jtona', tzca'nec yuj diosal 'a 'a.

Is 54:13

'Oj in cuy eb' 'a swach'il, caw wach' oj 'aj 'el'ch eb'.

Ro 15:33

A Dios 'a'm junc'ojlal, tzin nib'ej a tz'och eyet' e masnil ta'. 'Ixta cab' tz'aji.

A Tas Sc'ulejnac Eb' Schecab' Jesús Hechos 10:36

A Dios 'a'jnac can spaxti 'ayn̈ an̈ israel on̈ tic on̈. Yaljnac 'ayn̈ on̈, to 'ay junc'ojlal yuj Jesucristo, atn Cajlilec qui masnil.

A Scarta San Pablo D'a Eb' Aj Filipos 3:9

Junxn̈ej tzin 'ajcn yet'oc. A ticnec, tzyal Dios to wach'n 'a sat, yujn̈ej to tzwa'ch in c'ojl 'a Cristo, man̈ yujoc to tzin yiclj tas tzyal ley yic Moisés. Palta yujn̈ej to tzwa'ch in c'ojl 'a Cristo, tzin 'och wach'l 'a sat Dios.

Is 27:5

Toto tznib'j eb' 'ajc'ojl in colwal, 'och cab' eb' 'a junc'ojlal wet'oc. An tzwala, to tzyij 'ejm sb'a eb', xchi Dios.

1 Ts 5:23

A Dios 'a'm junc'ojlal. Tzqui nib'j on̈, a tzex wach' 'i'n 'och yico'oc si'mb'il. Tzqui nib'j pax on̈, a tz'a'n cuenta e pixan, e nab'en, yet' pax e niwnal, sec may jac e mul ax sjaw Cajlil Jesucristo.

Ro 5:18

Yuj cha, yuj smul win Adán yajx can 'och yailal 'a yib'n̈ smasnil 'anma'. Palta 'ay wal jun tas caw wach' sb'ojnac Jesucristo. Yuj wal jun cha, tzyal Dios to wach'n̈ec 'a sat, tzya'n pax qui q'uinlec 'a jun 'ejmn̈ej.

Lc 19:42

'Ix yaln 'ixtic: A wal 'a jun c'u tic ex 'aj chon̈ab', octom wal xnachj 'el eyu'uj, chajtl tzeyutj e chan sjunc'ojlal Dios. Palta a ticnec, man̈xtzac stac' snachj 'el eyu'uj, yujto c'ub'b'ilx 'el 'ayex.

Ro 1:7

Tic tzin tz'ib'j 'at jun in carta tic 'ayx e masnil ex 'aj Roma, ex chamc'ojlb'ilx xo yuj Dios. A 'awtjnac ex, yic wach' an̈j 'ayx yico'. Tzin nib'ej a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

Lc 19:38

Xlaj yalnc eb' 'ixtic: —¡Calc wach' paxti 'a qui Reylec checb'il cot yuj Cajlil! Caw 'ay junc'ojlal 'a satcha'an̈, caw niwn yel'ch qui Diosalec ta', xchi eb'.

Is 55:12

'Oj eyelt yet' e tzaljc'ojlal 'a 'aj 'ayx 'ec' 'icha presoal cha, junc'ojlal 'oj e paxt 'a e chon̈ab'. A yic 'oj ex yilnc 'och eb' lum niwc witz, eb' lum tzalctac, te niwc te', 'icha to 'oj spoc' eb' sc'ab' sb'itn chan̈ yuj stzaljc'ojlal yic 'oj ex yiln 'och eb'.

Gl 2:16

Palta cojquec, may junc mach tz'och wach'l 'a sat Dios, yujn̈ej syiclni ley yic Moisés cha. Cojxn eb' tzya'ch sc'ojl 'a Jesucristo, an̈j eb' wach' 'a sat Dios. An̈jtona an̈ tic on̈, tzca'ch pax qui c'ojl 'a Jesucristo eyet' on̈, sec wach'n̈ pax 'a sat Dios on̈. Yujn̈ej ca'n 'och qui c'ojl 'a Cristo on̈, wach'n̈ 'a sat Dios on̈. Man̈ yujoc qui yiclni ley yic Moisés, wach'n̈ on̈. Yujto may junc mach wach' 'a sat Dios, yujn̈ej to tzyiclj tas tzyal jun ley cha.

Jn 20:31

'Ix tz'ib'x can jun tzo'n̈ tic, sec 'oj eya'ch 'a e c'ojol, to a Jesús atn Cristo, Yunnal Dios. Toto 'oj eya'ch 'a e c'ojol, 'oj e cha e q'uinl 'a jun 'ejmn̈ej 'a 'a.

Ro 10:10

Tzyal Dios to wach'n̈ec 'a sat, yujn̈ej to tzca'c 'och qui c'ojl 'a Cristo yet' smasnil qui pixan. Tzon̈ colchjec, yujto tzcalc yet' qui ti', to a Jesucristo Cajlilec.

Ro 3:30

yujto junn̈j Dios 'ay. Tzann̈j 'anma'il, wach'xam israel, wach'xam ma'ay, cojn toto tzya'ch eb' sc'ojl 'a Jesús, wach' eb' 'a sat Dios.

Ro 1:17

A jun wach' 'ab'x tic, a tz'a'n nachjc 'el cujec, to tzon̈ yalc Dios wach'il, yujn̈ej to tzca'c 'och qui c'ojl 'a 'a. May junc xo tas tzqui b'o'ec cojn to tzqui wach' 'a'jec 'och 'a qui c'ojol. Yujto 'ixtc yaln 'a Ch'an̈ U'un̈: A eb' tz'a'n 'och Dios 'a sc'ojol, wach' eb' 'a sat. Yuj wal cha, 'ay sq'uinl eb' 'a jun 'ejmn̈ej, xchi Dios 'a Ch'an̈.

Habacuc 2:4

Tz'ib'j can paxi, chajtlto a eb' maysch'olnil sb'eyb'al, caw wal tzb'an̈ sb'a eb', palta ax eb' tojl snab'en, pitznn̈ej eb', yujto tzin ya'ch eb' 'a sc'ojol, xchi Dios.

A Ch'an̈ Carta D'a Eb' Hebreo 13:20

A Dios 'a'm junc'ojlal. A 'a'jnac pitzwc pax Cajlil Jesucristo 'a scal eb' chamnac. A Jesucristo, 'icha 'Ilm Calnelu yaj 'ayn̈ec, caw niwn yel'chi. Yuj schiq'uil, 'ix 'el'ch jun strato Dios 'aycn 'a jun 'ejmn̈ej.

Ef 2:7

'Ixta xyutj Dios 'ayn̈ec, sec wach' a yic 'oj jawc jun tiempoal, an̈j 'ijnoc 'oj sch'oxo', to niwn schamc'ojlal 'ayn̈ec. Ax sch'oxn pax swach'c'ojlal 'ayn̈ec, yujto junxn̈ej cajc yet' Cristo Jesús.

Gl 3:25

Man̈x on̈ 'ayc 'ec' 'a yol sc'ab' jun 'a'jnacn̈ec cuenta cha, yujto 'ayx 'och qui c'ojlec 'a Cristo ticnec.

Ro 10:15

¿Tas 'oj yutc eb' 'at yalnc 'el wach' 'ab'ix, toto may mach tzchecn 'at eb'? Yuj cha, tzyaln pax 'a Ch'an̈ Un̈ chi 'ixtic: Til wal sja'l yilxi yic tzjaw junc win alm 'ab'ix, junc 'et'jnac wach' 'ab'ix, [atn yab'xil junc'ojlal], xchi.

Ro 9:30

Al ticnec 'oj walb't 'ayex, tas tzyal 'el'ch jun tzo'n̈ tzwal tic: A eb' man̈ israeloc, matz na eb' tas tzyutj eb' yoch wach'l 'a sat Dios. Palta 'ay eb' tzyal Dios to wach' 'a sat. 'Ixta tzyal Dios yuj eb', yujto tzya'ch eb' sc'ojl 'a 'a.

Lc 2:14

¡Alx cab' wach' paxti 'a Dios 'a satcha'an̈! ¡Ax 'a yolyib'n̈q'uinl tic, 'ay cab' junc'ojlal 'a eb' 'aj tzch'ox swach'c'ojlal! xchi eb'.

Zacarías 6:13

Caw a 'oj b'onc sjel watut cha, 'oj b'inaxc wal si'mb'il. 'Oj 'em wocn ya'n reyl 'a sdespacho, ax 'a smoch sdespacho cha, ata 'oj 'em wocn jun ya'mal 'och sti eb' 'anma 'a Dios, junxn̈ej yaj snab'en eb' schawn̈il.

Ro 3:22

Yujn̈ej to tzca'c 'och qui c'ojl 'a Jesucristo, wach'n̈ec 'a sat Dios, yujto tzann̈j mach tz'a'n 'och 'a sc'ojol, wach' eb' 'a sat. Lajn on̈cn̈ej qui masnil an̈ 'anman̈ec tic 'a sat Dios.

Jn 5:24

Wal yel tzwal 'ayex, a eb' tz'ab'n in paxti', tzya'n 'och eb' sc'ojl 'a jun checjnacn coti, atn eb' chi 'ay sq'uinl 'a jun 'ejmn̈ej. Man̈x 'oj 'at eb' 'a yailal, yujto tox 'ix 'el eb' 'a yol sc'ab' chamel, 'ix schaj eb' sq'uinal.

Salmos 122:6

Alc 'ixtic: 'Ay cab' junc'ojlal 'a chon̈b' Jerusalén, ax eb' cajn 'a jun chon̈b' tic, may cab' tas tzna eb'.

Job 21:21

Yujto jun 'ejmn̈ej tzchamcn eb', toc 'ayt tas wach' yutn eb', wach'xam 'ay tas tzjaw 'a yib'n̈ eb' yunnal eb' cha.

Ro 5:11

Man̈ cojnoc yuj jun tzo'n̈ tic tzon̈ tzaljec, tzon̈ tzaljec pax 'a Dios yuj Cajlil Jesucristo, yujto yu'uj, junc'ojlal xoj cajc yet' Dios ticnec.

Gl 5:22

Palta ax Yespíritu Dios, a tz'a'n qui chamc'ojlalec, qui tzaljc'ojlalec, yet' qui junc'ojlalec. Tzya'n pax ca'c techjoc tzann̈j tas tzjaw 'a quib'n̈ec. Yuj Yespíritu, tz'o'ch qui c'ojlec 'a eb' quit 'anma'il, wach' tzcutjec qui nab'en 'a eb'. Yu'uj, yiclum on̈ec,