Ro 3:4 - Chuj San Sebastian Bible

⁴ Caw wal tz'el'chi. Wach'xam junjn mach tzyac' 'es, ax Dios caw yel tzyac' 'el'choc jantcn̈ej tas tzyala. A 'a Ch'an̈ U'un̈, ata tzyal 'ixtic: Mamin, a yic tzach b'eyc'ojlwi, tzcheclj 'eli to caw yel tojl ach, matz tac' yalx tu paxti 'aych yuj jun a b'eyc'ojlal cha, xchi.

Chuj San Mateo Bible

⁴ Elnacc'och tas syala'. Vach'chom syesej junjun anima, palta a Dios yeln̈ej syala', tz'eln̈ejc'och masanil tas syala'. Icha tic syalcan d'a Slolonel Tz'ib'ab'ilcani: Mamin, ayic tza ch'olb'itan eb' anima scheclajeli to yel tojol ach. Ayic tza ch'olb'itan eb', max yal-laj yalji chucal d'ayach, xchi.

Ro 3:4 Referans Kwoze

Salmos 51:4

Caw 'ix 'och wal in mul 'ayach, 'ix in b'o tas tu 'a a sat. Yuj cha, smoj wal in a b'eyc'ojlani, matz tac' yalx tu paxti 'aych yuj jun a b'eyc'ojlal cha.

Salmos 116:11

Yuj cha, 'a sji'lti'al xwalni to smasnil 'anma', 'a'm 'es eb'.

Gl 2:17

Tzqui nib'j on̈, yuj Cristo, tzyaln Dios, to wach'n̈ 'a sat on̈. Yuj cha, tzcheclj 'eli to qui masnil an̈ israel on̈ tic on̈, 'ajmul on̈ pax eyet' on̈. Palta ¿tom a Cristo tzon̈ 'a'n 'och 'ajmulal on̈? Caw ma'ay.

A Ch'an̈ Carta D'a Eb' Hebreo 6:18

Caw ya'jnac Dios sti', slocjnac sb'i, yuj cha, a tas yaljnac, may b'a'n̈ 'oj jelxoc, yujto a Dios, matz tac' ya'n 'es. A tas yaljnac cha, caw tzyac' sniwnal qui c'ojlec, yujto ca'jnaquec qui b'a 'a 'a, tzon̈ scolni. Wan qui tan̈wniec tas 'oj yac' 'ayn̈ec, yujto a tzca'c 'och yipc qui c'ojol.

Tito 1:2

'Ixta tzwutj in b'a, sec tzya'ch eb' 'anma yipc sc'ojol, to 'oj qui cha qui q'uinl 'a jun 'ejmn̈ej. A Dios, may 'aj tzyac' 'es jun 'ejmoc. A yic mantzac sb'o yolyib'n̈q'uinl tic, ya'jnac can sti', to 'oj yac' qui q'uinal.

Dt 32:4

'Icha junc q'uen niwquil q'uen 'aych quen̈loc, 'ixta yaj Jehová 'ayn̈ec; tz'el'chn̈ej tas tzyala, caw tojln̈ej tas tzb'o'o. A Dios wach'n̈j tzyutj paxtinc sb'a, matz yac' 'es; tojln̈ej 'a smasnil.

Job 36:3

'Oj in c'anlb'oc jun tzo'n̈ in jelnal caw wal yel xo niwan, yic tzin ch'oxn 'eli, to tojl tas tzb'o Dios, atn jun b'ojnac in.

Jn 3:33

Toto 'ay eb' tzchan 'ab'nc 'a 'a, tzyac' testigoal sb'a eb' yu'uj, chajtlto caw yel tzyal Dios.

Salmos 119:160

A smasnil tas alb'il can oj 'a a paxti', caw yeln̈j eb', may b'a'n̈ to 'ay slajb' eb'.

Apoc 3:7

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Filadelfia: 'Ay jun caw wach'n̈ej, caw yel. A syawe win rey David a 'ayc' 'a yol sc'ab'. A yic tzjacni, may mach tztac' scomn macni. Ax yic tzmacni, may mach tztac' scomn jacn paxi. A tzaln 'ayx 'ixtic:

1 Jn 5:20

An̈jtona', cojquec paxi, wulnc 'ec' Yunnal Dios 'a yolyib'n̈q'uinl tic. A xjacn qui nab'enec, sec wach' tzcojquejec 'el Dios caw yel. Yuj cha, junn̈j cajc yet' jun caw yel cha, atn Jesucristo Yunnal. A jun cha, caw yel Dios. A tz'a'n qui q'uinlec 'a jun 'ejmn̈ej.

Ro 9:14

Palta ¿tas tze na'a? ¿Tom man̈ tojloc Dios 'ixta'? Ma'ay, caw tojol.

Salmos 138:2

'Oj wem cumn 'a yol atut yic 'oj walnc wach' paxti 'aych yuj a chamc'ojlal yet' a wach'il, yujto niwn yel'ch a b'i yet' a paxti 'a yib'n̈ jun tzo'n̈ xo tas.

Miqueas 7:20

'Ayn̈j 'ec' a wach'c'ojlal yet' a chamc'ojlal 'ayn̈ on̈ Mamin, 'icha otjnac a'n can a ti 'a eb' qui mam quichm 'a yictax pecti 'on̈, atn 'a Abraham yet' 'a Jacob, xchi Miqueas.

Salmos 100:5

Yujto a Jehová caw wach' snab'en; a schamc'ojlal may xon slajub'. Tzyac' 'el'chocn̈ej sti ya'jnac can 'ayn̈ec.

1 Jn 5:10

An̈ec tzca'c 'och qui c'ojl 'a Yunnal Dios, cojquec si'mb'il, to yel tzyal Dios yu'uj. Palta ax eb' matz ya'ch xon sc'ojl 'a Yunnal cha, wan yaln eb', to a Dios tzyac' 'es. Yujto matz ya'ch eb' sc'ojl 'a tas tzyal yuj Yunnal.

Gl 2:21

Matz tac' calnec, to nab'an̈ej sch'oxjnac Dios swach'c'ojlal 'a eb' wit israelal. Q'uinloc yujn̈ej qui yiclniec ley yic Moisés, tzyaln Dios, to wach'n̈ec 'a sat, to 'ixta', nab'an̈ej xcham Cristo cujec.

Ro 6:15

A ticnec, 'ayn̈ec 'ec' 'a yol sc'ab' swach'c'ojlal Dios, man̈xoc 'a yol sc'ab' ley yic Moisés. Palta ¿tas tze na'a? ¿Tom yuj cha, tztac' an̈ja qui b'onec maysch'olnil? Ma'ay, caw wal man̈xtzac stac'a.

Ro 3:31

Yel toni tzon̈ colchjec, yujn̈ej to tzca'c 'och 'a qui c'ojol. Palta ¿tom yuj chi tztac' calnec, to man̈x 'a yopiso ley yic Moisés? Ma'ay, caw matz tac' calnec 'ixta'. Ticni a jun ley cha, to tzqui wach' 'a'jec 'och yopiso.

Mt 11:19

Xlajw cha, in jaw an 'Ochnc in 'Anmal tic. An xo tic, tzin wan̈ej, tzwu'jn̈ej tas. Palta tzyal eb' 'ixtc wu'uj: A Jesús cha, cojn wal snib'n wa sb'a, 'u'm 'an̈ paxi. Caw swach'c'ojl sb'a yet' eb' tecm 'el tumin, yet' jun tzo'n̈ xo eb' maysch'olnil sb'eyb'al, xchi eb' wu'uj. Palta a eb' 'ay sjelnal Dios 'a 'a, tzcheclj 'el sjelnal eb' chi yuj tastc tzb'o'o, xchi Jesús 'a eb'.

Job 40:8

¿An̈ja am tza te'wtzej a b'a alni to man̈ tojloc tzwutj ach in b'onyaji, yujto may a mul 'a tzotj alni?

Gl 6:14

Palta an xo tic, may junc tas 'aj tzin b'an̈ in b'a 'a spatic. Cojxn schamlil Cajlil Jesucristo 'a spenc culus a tzin b'an̈a. Yuj schamlil cha, man̈x 'a yaln yolyib'n̈q'uinl tic yic 'ayin, 'icha to chamnc xo 'a in sat. An xo tic, 'icha to chamnc in pax 'a yolyib'n̈q'uinl tic jun xo, yujto man̈x 'a waln wic 'a 'a.

Ro 11:1

A eb' schon̈b' Dios cha, ¿tom patcab'il can 'el eb' yuj 'a jun 'ejmn̈ej? Ma'ay. 'Ilt in an tic, israel in yet' eb', yin̈tl in pax Abraham yet' eb'. Yic in junc'aj xo eb' yin̈tl Benjamín.

Salmos 62:9

Caw matz tac' ca'nec 'och eb' quit 'anmal yipc qui c'ojol, wach'xam meb'a eb' mto rico eb'. Lajn eb' 'icha junc tas man̈ alc xon jab'oc tz'ejm 'a yojl junc libra, wach'xam junxn̈ej tzcutjec quechtan eb' smasnil, toxn matz 'ejm xon jun libra chi yuj eb'.

2 Co 1:18

Tzyil Dios, may jun 'ejmoc tzcal 'ixtc 'ayx on̈: Inye ¿tom xqui chi 'on̈? Tzcaln pax on̈, to ma'ay.

Ro 11:11

Tzin c'anb'j 'ayex, a yic sjuw 'el eb' israel cha, ¿tom caw juwnac 'el eb' 'a jun 'ejmn̈ej? Ma'ay. Yujto juwnac 'el eb', yuj cha, 'ay eb' man̈ israeloc tzcolchji. Ax eb' israel 'oj 'ilnoc, 'oj tz'a sc'ojl eb' yilni.

Ro 7:7

Palta ¿tas tze na'a? A ley yic Moisés, ¿tom maysch'olnil tze na'a? Caw ma'ay. Yujn̈ej jun ley cha, tznachj 'el cujec to maysch'olnil tas tzqui b'o'ec. Q'uinloc 'ay junc tas tzin nib'j 'och ticnec. Wojtac, to maysch'olnil wan in b'oni, yujto tzyal jun ley chi 'ixtic: Man̈ a nib'c 'och junc tas, xchi. Q'uinloc may tas tzyala, to 'ixta', man̈ wojcoc, toto maysch'olnil tas wan in nani.

Ro 6:2

Ma'ay, caw wal matz tac'a. A 'a sat Dios chamnc on̈c xo, man̈x 'a yaln maysch'olnil yic 'ayn̈ec. Yuj cha, ¿tom an̈ja tzat stac' qui b'eylb'anec maysch'olnil?

Lc 20:16

A win 'aj lum chi 'oj 'atoc, ax 'at ya'nc lajwc win ewinac, ax ya'n can pax win slum chi majnil 'a jun tzo'n̈ xo, xchi Jesús 'a eb'. Xlajw yab'n eb' jun tzo'n̈ cha, 'ix yaln eb' 'ixtic: —¡'Ay, comnoc man̈ 'ichcta tz'aji!, xchi eb'.

Ro 7:13

Palta ¿tas tze na'a? ¿Tom a jun wach' chi x'i'n cot chaml 'a wib'an̈? Ma'ay, caw man̈o'oc. Atn jun tzo'n̈ maysch'olnil toxn 'aych 'ayin, a 'ix 'i'n cot 'a wib'an̈. 'Ixta x'aj scheclj 'eli, to yel maysch'olnil jun tzo'n̈ cha. A jun tzo'n̈ chi 'ix 'i'n cot chaml 'a wib'n̈ yuj jun wach' cha. 'Ixta tzyutj jun ley chi sch'oxn 'eli, to a jun tzo'n̈ maysch'olnil cha, caw tu'.

1 Co 6:15

'In eyojc xoni, a qui niwnalec tic, 'icha to sniwnal Cristo yaji. Yuj cha, ¿tom tztac' qui'nec 'at sniwnal Cristo, tz'at ca'noc yitb'eymoc junc 'ix 'ajmul 'ix, sec junxn̈ej tz'aj yet' 'ix? May ton b'i'an.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.