Ro 3:29 - Chuj San Sebastian Bible

²⁹ A Dios, man̈ sDiosalocn̈ej eb' israel sch'ocoj, sDiosal pax eb' man̈ israeloc. Caw yel qui Diosalec qui masnil,

Chuj San Mateo Bible

²⁹ A Dios, ¿tocval an̈ej eb' vetisraelal ay yico'? Maay, sDiosal pax eb' man̈ israeloc. Co Diosal ton yaj co masanil.

Ro 3:29 Referans Kwoze

A Scarta San Pablo D'a Eb' Aj Colosas 3:11

Yuj cha, may yel'chi, toto israel on̈, mto man̈ on̈ israeloc. Wach' cab' 'ay mach 'ac'b'il circuncidar, wach' cab' 'ay mach ma'ay. Wach'xam chuc chon̈b'al, wach'xam cab'nal 'anma', mto moso to man̈ yico'oc sb'a, toxn̈ej yicn̈ej sb'a, may yel'ch jun tzo'n̈ tic. Cojxn Cristo 'ay yel'chi, yujto a 'aych 'a qui pixn junjn on̈ec.

Zacarías 2:11

A yic 'oj jawc jun c'ul cha, til wal nacion̈ 'oj jawc 'a Jehová, ax yoch eb' schon̈b'oc, ax yaj cajn Dios 'a e cal b'i'an. 'Ixtnta 'oj 'aj snachj 'el eyu'uj, chajtlto a Jehová tztac' yuj smasnil, a in checn cot 'ayex.

Ef 3:6

Atn jun tzo'n̈ 'oj wal tic, 'ix 'ajx cojcoc 'el on̈. Ax xo man̈ ex israeloc, a yic tzeya'n 'och e c'ojl 'a jun wach' 'ab'x yic colnb'il tic, tzex 'och yunnalc Dios quet' an̈ israel on̈ tic tzlaj ca'ch qui c'ojl 'a on̈. Yu'uj, ax e chan e q'uinl quet' on̈. 'Icha to junxn̈ej 'anmal quilxec 'a sat. Ya'jnac can Dios sti yuj tas tzyac' 'ayn̈ yuj Cristo Jesús. Ax xo, junn̈j tzeyutj e chan pax jun tic quet' on̈.

Gl 3:14

'Ixta x'aj Cristo Jesús, sec yu'uj, ax ya'n Dios syaxilal 'ayx man̈ ex israeloc, 'icha yutjnac ya'n 'a Abraham pecti'. An̈jtona', yuj Cristo chab'il Yespíritu Dios cujec qui masnil, 'icha yutjnac ya'n can sti'.

Ro 15:16

A 'a'jnac wopiso wa'n servil Jesucristo 'a scal eb' man̈ israeloc. 'Ay wopiso waln 'el wach' 'ab'x yic Dios, sec wach' 'ay eb' man̈ israeloc 'oj wi'ch 'a yol sc'ab'. 'Icha junc xajmb'al caw wach' 'a sat Dios, tz'ajx 'a 'a, 'ixta eb' 'a sat, yujto a Yespíritu tz'i'n 'och eb' yico'oc.

Ro 10:12

Wach'xam israel on̈ec, wach'xam man̈ on̈ israeloc, lajn on̈c qui masnil 'a sat Dios. Yujto a Cajlilec, Yajl yaj 'a quib'n̈ec qui masnil. Tzann̈j on̈ tzcalc qui b'a 'a 'a, til wal swach'c'ojlal tzyac' 'ayn̈ec.

Ro 1:16

An tic, matz in q'uixw yuj jun wach' 'ab'x tic, yujto 'aych spoder Dios yet'oc, yic wach' tzcolchj 'el jantcn̈ej eb' tzya'ch sc'ojl 'a 'a. A wal eb' wit israelal, yel xo wal 'ay yaln eb' yic 'a jun colnb'il tic, yet' pax eb' man̈ israeloc, 'ay pax yaln eb' yic 'a 'a.

Jeremías 16:19

Xwaln 'ixtc 'a Dios: Mamin Jehová, caw ach 'aych 'och wipoc, in tan̈mal 'aji. Ach tzin a colo, yic 'ayn 'och 'a in yailal. 'Oj jawc jun tzo'n̈ nacion̈ cajn 'a 'aj tzlajw c'och sti lum lum tic, ax wul yaln eb' 'aych 'ixtic: Cojn jun tzo'n̈ comn dios may jac yopiso, may jac tztac' yu'uj, a chi schajnac eb' qui mam quichm smacloc.

A Tas Sc'ulejnac Eb' Schecab' Jesús Hechos 26:17

A ticnec, tzach in checb't 'a eb' man̈ israeloc. 'Oj ach in col 'elt 'a yol sc'ab' eb', yet' 'a yol sc'ab' eb' et israelal.

A Tas Sc'ulejnac Eb' Schecab' Jesús Hechos 22:21

Palta xyaln pax Cajlilec 'ayn 'ixtic: 'Ixic, yujto tzach in checb't 'a scal eb' man̈ israeloc 'a najat, xchi 'ayin, xchi Pablo 'a eb'.

A Tas Sc'ulejnac Eb' Schecab' Jesús Hechos 9:15

Palta xyaln pax Cajlil chi 'ixtic: —'Ixic, yujto a Saulo cha, sic'b'il 'el wu'uj, sec wach' 'oj yal-l wab'xil 'a scal eb' man̈ israeloc, yet' 'a sat eb' rey, yet' pax 'a scal eb' yit israelal.

Mt 28:19

Yuj cha, 'ixquec cuywjoc 'a junjn chon̈ab', sec 'oj laj 'och eb' in cuywumoc. Tzlaj eyac' bautisar eb' 'a sb'i Dios Mamb'il, 'a sb'i Dios 'Unnab'il, an ton tic, yet' 'a sb'i Yespíritu Dios.

Mt 22:32

An ton tic sDiosal in Abraham, sDiosal in Isaac, sDiosal in pax Jacob, xchi. Yuj cha, wach'xam chamnc ewinac, cojtac to man̈ satnc 'el ewin 'a jun 'ejmn̈ej, yujto yaljnac, to sDiosal ewin yaji, xchi Jesús 'a ewinac.

Malaquías 1:11

An tzwala to niwn wel'ch 'a sat smasnil nacion̈ 'a yolyib'n̈q'uinal. A wal tas caw wach' a chi tzyac' tz'a eb' xajmb'alil, yet' ya'n eb' yofrendaoc 'ayin, yujto caw niwn wel'ch 'a sat eb'.

Os 1:10

Palta 'ay jun c'ual, 'oj niwtjoc pax sb'isl eb' israel tic, lajn 'oj 'aj eb' 'icha yarenail sti a mar, man̈x 'a mach 'oj stac' sb'isni. A yic cob' tzwaln 'a eb' 'ixtic: Man̈ ex in chon̈b'oc, xin chi 'a eb'; a pax ta 'oj alxoc 'ixtc yuj eb': A eb' 'anma tic, caw yel yunnal jun Dios pitzn eb', 'oj schioc.

Jeremías 31:33

Atn junx in trato tic 'oj in b'o yet' eb' 'a yic 'oj jawc jun tiempoal cha: An Jehová in, an tzwala, to 'oj wa'cn 'och jun tzo'n̈ in checnb'il chi 'a snab'en eb', 'icha to 'oj in tz'ib'c can 'och 'a spixn eb'. An 'oj woch sDiosalc eb', ax yoch pax eb' in chon̈b'oc.

Is 54:5

A jun mach ex b'oni, a 'icha 'ichmilab'il yaj 'ayex, atn Jehová tztac' yuj smasnil; qui colmal an̈ israel on̈ tic, qui Diosalec; sDiosal pax smasnil tas 'ay 'a sat lum lum tic.

Salmos 72:17

B'inax cab' sb'i win rey 'a smasnil tiempo, ya' sb'a 'ayt 'ec' c'u. Smasnil nacion̈ 'a yolyib'n̈q'uinl tic, scha cab' eb' yaxilal yuj winac, yal cab' eb', chajtlto wach' yic eb' yuj winac.

Salmos 67:2

yic wach' a smasnil jun tzo'n̈ nacion̈ 'ay 'a sat lum lum tic, tzyojquej 'el eb' tas wal a nib'b'en, yet' pax colnb'il tzac'a.

Salmos 22:7

A eb' tzin 'ilni ton̈j tzin sb'uch eb', tzin yetz'tan eb', tzyucn eb' sjolom, tzyaln eb' 'ixtic:

Gn 17:18

Xlajw cha, xyaln win 'ixtc 'a Dios: —Octom wal tz'el 'a a c'ojol, tzac' stzatzl win Ismael tic. Comnoc wach' tz'el'ch can winac, xchi.

A Tas Sc'ulejnac Eb' Schecab' Jesús Hechos 10:34

Yuj cha, 'ix syamn 'och Pedro yaln 'a eb' 'ixtic: —A ticnec wojtac, wal yel, lajnn̈ej yel'ch smasnil 'anma 'a sat Dios.