Ro 2:17 - Chuj San Sebastian Bible

¹⁷ Palta 'ayx tzeyalch wal e b'a israelal si'mb'il, cojxn ley yic Moisés tzeya'ch wal yipc e c'ojol, caw tzeyij chan̈ e b'a, yujto schon̈b' ex Dios.

Chuj San Mateo Bible

¹⁷ Palta ayex tzeyic'chaan̈ e b'a, yujto israel ex, an̈ej val ley Moisés tzeyac'och yipoc e c'ool. Tzeyic'anpax chaan̈ e b'a, yujto schon̈ab' ex Dios.

Ro 2:17 Referans Kwoze

Ro 2:23

Eyojc xon ley yic Moisés, yuj cha, caw tze b'an̈ e b'a. Palta matz eyiclj tas tzyal jun ley cha. Yuj wal cha, caw tzb'uchx Dios eyu'uj.

Miqueas 3:11

A eb' juez yaj 'a yol chon̈ab', man̈ wach'c tzyutj eb' sb'onyaj junc 'anma', tzchaj eb' q'uen c'ultac tumin. An̈jtona eb' tz'a'n 'och qui ti 'a Dios, yujn̈ej schan eb' tumin, yuj cha, tzcuywj eb'. 'Ixta pax eb' tzyalch sb'a schecb'oc Dios, yujn̈ej schan eb' tumin, yuj cha, tzyaln eb' tas tz'aj 'el'ch junc mach. Tzyaln pax eb' to 'aych Dios yet' eb', yuj cha, tzyaln eb' 'ixtic: A Jehová 'aych quet'ec, yuj cha, may yailal 'oj 'ec' 'a quib'n̈ec, xchi cob' eb'.

Apoc 2:9

[Wojtac, jantcn̈ej tas tze b'o'o.] Wojtac, caw tzeyab' syal wu'uj. Caw meb'a 'ex, palta wal yel rico ex 'a sat Dios. Wojc paxi, chajtl tzex 'aj e b'uchx yuj eb' tzyalch sb'a israelal. Palta a eb' cha, atn win Satanás wan ya'n servil eb'.

Ro 9:32

¿Tas yuj 'ixta tz'ajcn eb' tze na'a? Tzcann̈j eb' 'ixta', yujto matz ya'ch eb' sc'ojl 'a Cristo. Snan eb' to tztac' yoch eb' wach'l 'a sat Dios, yuj jun tzo'n̈ tas mun tzb'o eb'. Yuj cha, 'icha junc q'uen 'aj tztench eb' yoc, 'ixta Cristo 'a sat eb'.

Jn 5:45

Xe natlaji, to an 'oj ex wac' queja 'a in Mam. Yujto 'ay junx 'oj eya'n queja 'a 'a, atn Moisés, jun tzeya'ch cob' yipc e c'ojol.

Mt 3:9

Man̈ laj eyal 'ixtic: May pena, an̈ec tic yin̈tl on̈ec can Abraham, man̈ xe chioc. Yujto an tzwal 'ayex, toto tznib'j Dios, tztac' tz'och jun tzo'n̈ q'uen q'uen tic yin̈tloc Abraham e jeloc.

Apoc 3:9

Yuj cha, a eb' tz'a'n servil win Satanás, atn eb' tzyalch sb'a israelal, 'oj wa't eb' 'ayex. Ax yem cumn eb' 'a eyojltac. 'Ixta 'oj wutc eb', sec 'oj nachjc 'el yuj eb', chajtlto chamc'ojlb'ilx wu'uj.

Apoc 3:1

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Sardis: A jun 'aych ucwn̈ Yespíritu Dios 'a 'a, atn jun yamb'il uque c'anal yu'uj, a tzaln 'ayx 'ixtic: Wojtac, jantcn̈ej tas tze b'o'o. Wojtac, a 'a sat eb' eyit 'anma'il, caw pitzn ex. Palta ax 'a in sat, chamnc ex xo.

Ef 2:11

Yuj cha, nac coti, tas 'ajnc ex man̈ ex israeloc 'a yic yalan̈. A eb' wit israelal, yaljnac eb' eyu'uj, chajtlto man̈ ex yico'oc Dios, yujto man̈toc 'ac'b'ilx circuncidar. Yujto a eb' cha, tzya'ch eb' jun senya circuncisión sb'i 'a sniwnal.

Gl 2:15

An̈ tic on̈, israel on̈ yuj quin̈tl on̈. Yuj cha, man̈ on̈ lajnoc 'icha ex man̈ ex israeloc, yujto man̈ ex yiclumoc 'a sley Moisés.

2 Co 11:22

Hebreo ton eb', palta hebreo in jun xo. Israel ton eb', palta israel in jun xo. Yin̈tl ton Abraham eb', palta yin̈tl in pax Abraham yet' eb'.

Jn 8:41

Ax tic, a tas tzb'o jun e mam, an̈j tze b'o yet'oc, xchi Jesús 'a eb'. —Palta an̈ tic on̈, man̈ mitz' 'unnoc caj on̈. Junn̈j qui mam on̈, atn Dios, xchi eb' 'a 'a.

Jn 8:33

Palta xyaln pax eb' 'ixtc 'a 'a: —An̈ tic on̈, yin̈tl on̈ pax Abraham et' on̈. May jun 'ejmoc on̈ 'och ya'malc servil junc 'anma 'on̈. Yuj cha, ¿tas yuj tzal to 'oj quijx 'el 'a libre chi 'on̈? xchi eb'.

Jn 7:19

A Moisés, a 'a'jnac can sley Dios 'ayex. Palta 'in may junc ex tzeyiclj tas tzyal jun ley cha. ¿Tas yuj tze nib'j tzin e mila? xchi Jesús 'a eb'.

Lc 10:28

—Wach' ton xotj aln 'ayin. Toto tza yiclj jun tzo'n̈ tic, 'oj a cha a q'uinl 'a jun 'ejmn̈ej, xchi Jesús 'a winac.

Sofonías 3:11

Ex in chon̈ab', a 'a yic jun c'ul cha, man̈x 'oj e q'uixw yuj e maysch'olnilal, atn 'aj tenmtac xeyutj e b'a 'ayin. A yic cha, 'oj wi'l eb' tzalj yet' sb'an̈quinal 'a e cal, man̈x b'a'n̈ 'oj e b'an̈ e b'a 'a lum tzaln 'a 'aj tz'och 'emmquilal 'ayin.

Is 45:25

Cojn 'ayn an Jehová in, ata 'oj yic' eb' yin̈tl Israel tojlal, 'oj yac' eb' tzaljoc sc'ojl wu'uj, xchi Dios.

Salmos 135:4

A si'jnacn̈ 'el an̈ yin̈tl on̈c Jacob tic, sec tzon̈ 'ochc yico'oc.

Jn 5:39

Yelc'ojlal tze cuy ton Ch'an̈ Un̈ tz'ib'b'il cani, yujto tze na'a, to ata 'oj 'ilchjoc e q'uinl 'a jun 'ejmn̈ej. Palta wach'xam tzyal Ch'an̈ Un̈ chi wab'xil,

Ro 3:27

A ticnec, ¿tom tztac' qui b'an̈nec qui b'a tze na'a? Toxn matz tac'a. Yujto man̈ yujoc qui yiclniec ley yic Moisés, tzon̈ colchjec, palta yujn̈ej to tzca'c 'och qui c'ojl 'a Jesús. Yuj cha, matz tac' qui b'an̈nec qui b'a.