Ro 16:12 - Chuj San Sebastian Bible

¹² Tzwa'n pax 'at stzatzl sc'ojl canb' Trifena yet' Trifosa, yujto caw tzmunlj eb' 'a yic Cajlilec. Tzwa'n pax 'at stzatzl sc'ojl canb' Pérsida, chamc'ojlb'il wu'uj, yujto caw niwn xo smunljel 'a Cajlilec.

Chuj San Mateo Bible

¹² Svac'paxb'at stzatzil sc'ol eb' ix canab' Trifena yed' ix Trifosa. A eb' ix chi' smunlaj val eb' ix d'a yic Cajal Jesús. Svac'paxb'at yic ix canab' Pérsida. Xajan ix vuuj, nivanxo ix munlaj ix d'a yic Cajal Jesús.

Ro 16:12 Referans Kwoze

1 Co 16:16

Tzin tew wal 'ayex, to tzeyiclj tas tzyal eb'. Tzeyiclj pax jantcn̈ej eb' lajn tzyutj sb'a 'icha eb', yujto caw tzcolwj eb', tzmunlj eb' 'a Cajlilec.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.

1 Ti 4:10

Yuj wal jun tic, caw 'ip tzon̈ munlj 'a yic Dios, tzcab'n pax syal yu'uj. Yujto a Dios pitzan, a tzca'ch yipc qui c'ojol. A Dios, sColmal smasnil 'anma yaji. A wal eb' tzya'ch sc'ojl 'a 'a, 'oj colchjoc eb' yu'uj.

1 Ts 1:3

A 'a sat qui Mam Dios, tzqui na cot on̈, chajtlto caw tzex munlj 'a 'a, caw tzeya'ch 'a e c'ojol. Tzqui nan cot on̈ yic tzeya'n servil, yujto caw niwn e chamc'ojlal 'a 'a. An̈jtona', caw te'n tzeyutj e b'a, yujto an̈j Cajlil Jesucristo a tzeya'ch yipc e c'ojol.

A Scarta San Pablo D'a Eb' Aj Colosas 4:12

A jun eyit chon̈b' Epafras tic, 'aych ya'malc servil Cristo wet'oc. Yelc'ojlal caw tzleslwi eyu'uj, sec tzex wach' te'nb'i, sec wach' cojxn wal jun tzo'n̈ tas tznib'j Dios 'aj tze wach' 'a'j 'och e nab'en.

A Scarta San Pablo D'a Eb' Aj Colosas 1:29

Yuj wal jun tzo'n̈ tic, caw tzin munlji. Caw tzwac' 'ip wal 'a smasnil in c'ojol, yujto a Cristo tzyac' spoder 'ayin.

1 Co 15:10

Ax ticnec, yujn̈ej swach'c'ojlal Dios, 'ixtc waj ticnec. Palta man̈ nab'an̈ejoc 'ix sch'ox swach'c'ojlal tic 'ayin, yujto 'ec'b'al in munlj 'a yib'n̈ eb' witb'eym chi smasnil. Palta man̈oc in tzin munlj in ch'ocoj. A Dios tzmunlj wet' yuj swach'c'ojlal.

Mt 9:38

Yuj cha, leslwan̈c 'a jun 'aj munljel, sec 'oj schecb't eb' smunljum 'a scal eb', xchi Jesús.

Mt 5:47

An̈jtona', toto cojn eb' e wach'c'ojl 'aj wach' e paxtini, ¿tom 'ay yel'ch jun chi tze na 'ixta'? An̈jtona eb' man̈ 'ojtnacoc Dios, 'in 'ixta pax tzyutj sb'a eb'.

Ro 16:11

Tzwa'n pax 'at stzatzl sc'ojl jun wit chon̈ab' atn Herodión, yet' eb' yic win Narciso, win creyente xo.

Ro 16:13

Tzwa'n pax 'at stzatzl sc'ojl cu'tac Rufo, atn jun niwn yel'ch 'a scal eb' yit creyenteal, yet' pax snun. Ax snun cha, 'icha wal yune yutjnac in.