Ro 15:30 - Chuj San Sebastian Bible

³⁰ Ex wu'tac, ex wanab', a Yespíritu Dios, a tz'a'n qui chamc'ojloquec qui b'a. Yu'uj, tzin tew 'at 'ayex, caw tzeyac' eyip eyoch wet' 'a lesal. Caw tzex leslwi 'a Dios wu'uj, yujto 'ixta tznib'j Cajlil Jesucristo.

Chuj San Mateo Bible

³⁰ Ex vuc'tac ex vanab', a Yespíritu Dios tz'ac'an co xajanej co b'a. Yuj chi' tzin tevi d'ayex to tzeyac' eyip eyoch ved' d'a lesal. Tzex lesalvi vuuj d'a Dios yujto icha chi' sgana Cajal Jesucristo.

Ro 15:30 Referans Kwoze

A Scarta San Pablo D'a Eb' Aj Colosas 4:12

A jun eyit chon̈b' Epafras tic, 'aych ya'malc servil Cristo wet'oc. Yelc'ojlal caw tzleslwi eyu'uj, sec tzex wach' te'nb'i, sec wach' cojxn wal jun tzo'n̈ tas tznib'j Dios 'aj tze wach' 'a'j 'och e nab'en.

2 Co 1:11

Caw tzex colwj quet' 'a lesl on̈. Toto niwn ex 'oj e leslwi cuj on̈, an̈jtona', niwn ex 'oj eyac' yuj diosal 'a Dios yuj swach'c'ojlal 'oj yac' 'ayn̈ on̈.

1 Ts 5:25

Ex wu'tac, ex wanab', caw tzex leslwi cuj ta 'on̈.

2 Co 4:11

Ya' sb'a pitzn on̈ on̈, smasnil tiempo 'aych chaml 'a quib'n̈ on̈, yujto junxn̈ej caj yet' Jesús on̈. Yuj cha, wach'xam 'oj cham qui niwnal tic on̈, palta wan scheclj 'el sq'uinl Jesús 'a qui niwnal tic on̈.

2 Ts 3:1

A ticnec, ex wu'tac, ex wanab', caw tzex leslwi cuj on̈, sec 'oj pucl spaxti Cajlilec 'a scal eb' 'anma smasnil muc'uc. Ax schan eb' 'a smasnil sc'ojol, 'icha eyutjnac e chani.

A Scarta San Pablo D'a Eb' Aj Filipos 2:1

A Cristo tzon̈ jucb'tzanec. Tzya'n sniwnal qui c'ojlec, 'ay schamc'ojlal 'ayn̈ec. Junxn̈ej tzon̈ 'ajc yet' Yespíritu ticnec. A tz'a'n qui chamc'ojlalec, sec tz'o'ch qui c'ojlec 'a eb' quit 'anma'il.

A Scarta San Pablo D'a Eb' Aj Colosas 2:1

Tzin nib'ej, tznachj 'el eyu'uj, chajtlto caw tzwac' 'ip ex wa'n servil, yet' eb' 'ay 'a chon̈b' Laodicea. Tzwa'n pax servil jantcn̈ej eb' creyente mant 'a 'aj tzin 'ilni.

2 Co 4:5

A yic tz'ec' calnc 'el on̈, man̈oc cab'xil tz'ec' cal-l on̈. Palta an̈j tic tzcal-l on̈, chajtlto a Jesucristo Cajlilec. Tzcaln cuj on̈, to eya'maln̈ej servil caj on̈, yujto 'ay qui chamc'ojlal 'a Jesús on̈.

2 Ti 4:1

A yic 'oj jawc pax Cajlil Jesucristo 'a scha'ejmal, ax swach' 'och reyal, ax sb'eyc'ojlan smasnil 'anma chamnc xo, yet' eb' pitznto. Yuj cha, a 'a sat Dios yet' 'a sat Cajlil Jesucristo, tzcham wal waln 'at 'ayach.

A Scarta San Pablo D'a Eb' Aj Colosas 1:8

A wul aljnac 'ayn̈ on̈, chajtlto caw 'ay e chamc'ojlal yuj Yespíritu Dios ta'.

Ef 6:19

Tzex leslwi pax wu'uj, sec 'oj yac' Dios nachjoc 'el wu'uj, tas 'oj wala', sec an̈ja te'n 'oj wutc waln 'el wach' 'ab'ix, atn jun ch'oxb'il yuj Dios 'ayn̈ec.

Gl 5:22

Palta ax Yespíritu Dios, a tz'a'n qui chamc'ojlalec, qui tzaljc'ojlalec, yet' qui junc'ojlalec. Tzya'n pax ca'c techjoc tzann̈j tas tzjaw 'a quib'n̈ec. Yuj Yespíritu, tz'o'ch qui c'ojlec 'a eb' quit 'anma'il, wach' tzcutjec qui nab'en 'a eb'. Yu'uj, yiclum on̈ec,

2 Co 12:10

Yuj cha, tzin tzalj ticnec, yujto may wel'chi. Wach'xam tzin b'uchxi, mto caw 'ay tas 'ay tz'och wu'uj. Toxn̈ej tz'ajx 'och yailal 'a wib'an̈, wach' cab' tzwab' syal yuj Cristo, palta caw tzin tzaljn̈ej. Yujto a yic may jac wel'chi, at wal ta caw tz'ajx in poder.

Salmos 143:10

Cuyn 'a tas 'icha tza nib'ej, yujto in Diosal ach. Ax Espíritu wach', a cab' tzin quetzn b'ey 'a jun b'e caw wach'.