Ro 15:19 - Chuj San Sebastian Bible

¹⁹ 'Ay pax jun tzo'n̈ milagro ch'oxb'il wuj 'a eb', yet' jun tzo'n̈ xo tas tzch'oxn 'el spoder Dios. Ax Yespíritu Dios 'ix yac' spoder 'ayin. 'Ixta xwutj 'ec' walnc 'el wach' 'ab'x yic Cristo 'a junjn chon̈ab'. A 'a Jerusalén, ata in b'ab'l yamj 'och waln 'eli. C'uxn x'ec' wal-l 'a junjn chon̈ab', masnto in c'och 'a chon̈b' Ilírico.

Chuj San Mateo Bible

¹⁹ Aton juntzan̈ milagro ix in ch'ox d'a eb', yed' juntzan̈xo tas sch'oxanel spoder Dios. A Yespíritu Dios ix yac' spoder d'ayin. Icha chi' ix vutej ec' valanel vach' ab'ix yic Cristo d'a junjun chon̈ab'. A d'a Jerusalén ix in b'ab'laj yamejoch valaneli. Ix laj in ec' d'a junjun chon̈ab', masanto ix in c'och d'a yol yic Ilírico.

Ro 15:19 Referans Kwoze

2 Co 12:12

A yic wec' 'a e cal, caw te'n wutjnac in b'a in munlj ta'. In b'ojnac jun tzo'n̈ milagro yet' jun tzo'n̈ xo tastc tzch'oxn 'el spoder Dios, caw satnc e c'ojl eyiln jun tzo'n̈ in b'ojnac cha. Yuj jun tzo'n̈ cha, tzcheclj 'eli, to yel schecb' in Cristo.

A Ch'an̈ Carta D'a Eb' Hebreo 2:4

An̈jtona Dios, ya'jnac testigoal sb'a yuj jun 'ab'x tic. Sch'oxjnac jun tzo'n̈ milagro, yet' jun tzo'n̈ tas tzsat qui c'ojlec quilni, sec chequel to caw niwn yel'ch jun 'ab'x tic. An̈jtona pax Yespíritu, tzyac' pax testigoal sb'a, yujto tzyac' copiso junjn on̈ec, a tzyala, tas tznib'j tzyac'a.

Gl 3:5

A Dios ya'jnac Yespíritu 'ayn̈ec. Sch'oxn pax jun tzo'n̈ milagro 'a qui calec. Palta ¿tasm yuj tze na'a? Man̈ yujoc qui yiclni ley yic Moisés, palta yuj ca'nec 'och qui c'ojl 'a jun wach' 'ab'x alb'il 'ayn̈ec.

2 Ti 4:17

Palta ax Cajlil, a 'ix 'och wet'oc. 'Ix colwj wet'oc. Yuj cha, xin wach' aln 'el wach' 'ab'x yic colnb'il. A wal eb' man̈ israeloc, c'uxn xlaj yab' eb' smasnil. A 'a jun 'el, 'icha to yamchjnacn yuj junc no león, 'ijn schin 'ejm no'. Palta ax Cajlil, a 'in coln can 'el 'a yol sti no'.

A Tas Sc'ulejnac Eb' Schecab' Jesús Hechos 20:6

An̈ xo tic on̈, a 'a chon̈b' Filipos xqui tan̈wj quil jun q'uin̈ on̈, yic tzwax 'ixm pan may yich. Xlajwn̈ej yec' jun q'uin̈ cha, on̈ 'at 'a yol barco on̈. O'e c'u on̈ b'ey 'a yib'n̈ a on̈. 'Ixta to b'i'an, on̈ c'och 'a chon̈b' Troas. Ata xqui yamx qui b'a yet' eb' xb'ab'lj cuj chi on̈. Uque c'u on̈ 'och wan ta on̈.

A Tas Sc'ulejnac Eb' Schecab' Jesús Hechos 17:10

Ax 'a sq'uic'b'alil, 'ix checx 'at Pablo yet' Silas yuj eb' creyente 'a chon̈b' Berea. Yic xc'och eb' ta', 'ix 'och eb' 'a yol scapiya eb' yit israelal.

A Tas Sc'ulejnac Eb' Schecab' Jesús Hechos 20:20

Palta eyojtac, ma'in 'och wan waln smasnil jun tzo'n̈ cuynb'il caw wach' 'ayex, yuj yoch e te'nal. C'uxn xwal-l spaxti Dios 'ayx 'a sat eb' chon̈ab', yet' pax 'a yol eyatut.

A Tas Sc'ulejnac Eb' Schecab' Jesús Hechos 19:1

Yic 'ayc' Apolos 'a Corinto cha, 'ix 'ec' Pablo 'a jun tzo'n̈ chon̈b' 'ay 'a tzalctac. Xlajw cha, xc'och 'a chon̈b' Efeso. Ata 'ix 'ilchj jun tzo'n̈ eb' creyente yu'uj.

A Tas Sc'ulejnac Eb' Schecab' Jesús Hechos 18:19

Yic xc'och eb' 'a chon̈b' Efeso, 'ix can Priscila yet' Aquila. Ax Pablo 'ix 'at 'a scapiya eb' yit israelal. Ata xpaxtin yet' eb' 'ayc' ta'.

A Tas Sc'ulejnac Eb' Schecab' Jesús Hechos 18:1

Xlajw cha, x'el Pablo 'a Atenas cha, ax 'a chon̈b' Corinto 'ix c'ochi.

A Tas Sc'ulejnac Eb' Schecab' Jesús Hechos 17:15

'Ay eb' creyente x'at yet' Pablo cha. 'Ix yi'n 'at eb' 'a chon̈b' Atenas. Xlajw sc'och eb' ta', 'ix yaln 'at Pablo 'a eb' 'ixtic: —Tzeyal 'a Silas yet' 'a Timoteo, to tzcot eb' muc'uc, xchi 'a eb'. Xlajw cha, 'ix meltzj pax eb'.

A Tas Sc'ulejnac Eb' Schecab' Jesús Hechos 16:18

Til wal 'ejm x'ec' 'ix quet'oc. An̈j wal jun chi tzyal 'ix 'a junjn 'ejem. Ax Pablo, man̈xtzac techj yuj yab'ni. Yuj cha, 'ix meltzj 'at q'ueln 'a 'ix. 'Ix yaln 'ixtc 'a jun demonio chi 'aych 'a 'ix: —Tzwal 'ayach, yuj spoder Jesucristo, 'eln̈ 'a 'ix, xchi. Yajn̈j wal cha, x'el 'a 'ix.

A Tas Sc'ulejnac Eb' Schecab' Jesús Hechos 15:12

Yic 'ix yab'n eb' jun tzo'n̈ tic, sictac x'aj eb' smasnil. 'Ix yab'n eb' tas 'ix yal Bernabé yet' Pablo. 'Ix yaln eb' chajtlto til wal milagro 'ix sb'o Dios yet' eb', yic x'ec' eb' 'a scal eb' man̈ israeloc.

A Tas Sc'ulejnac Eb' Schecab' Jesús Hechos 14:25

'Ix yaln 'el eb' spaxti Dios 'a chon̈b' Perge. Xlajw cha, x'emx wul eb' 'a chon̈b' Atalia.

A Tas Sc'ulejnac Eb' Schecab' Jesús Hechos 14:20

Palta ax yic xc'och oynjoc eb' creyente 'a 'a, 'ix q'uex wa'an. 'Ix 'ochx 'a yol chon̈b' jun 'ejm xo. Ax 'a junx c'u, 'ix 'atx yet' Bernabé 'a chon̈b' Derbe.

A Tas Sc'ulejnac Eb' Schecab' Jesús Hechos 14:10

Yuj cha, caw 'ip xyutj yaln 'a win 'ixtic: —Q'uen̈ wa'an, tojl tzach 'aj chan̈ lin̈an, xchi. Yajn̈j wal cha, 'ix q'ue wan lin̈njoc winac. 'Ix syamn 'och win sb'eyq'ui.

A Tas Sc'ulejnac Eb' Schecab' Jesús Hechos 14:6

Palta xyab' eb' speclal jun xalx 'a spatc cha. Yuj cha, x'at eb' 'eloc. 'Ix c'och eb' 'a chon̈b' Listra yet' 'a Derbe, 'a yol yic Licaonia. 'Ix 'ec' eb' 'a jun tzo'n̈ chon̈b' 'a sla'nil jun lugar cha.

A Tas Sc'ulejnac Eb' Schecab' Jesús Hechos 13:51

Ax Pablo yet' Bernabé, 'ix sma'cn 'el eb' spoccal yoc, yic tzch'oxn can 'el eb', to man̈x 'a yaln eb' yic 'a eb' 'anma cha. Xlajw cha, x'at eb' 'a chon̈b' Iconio.

A Tas Sc'ulejnac Eb' Schecab' Jesús Hechos 13:14

'Ix 'elx eb' 'a Perge cha, 'ix c'och eb' 'a chon̈b' Antioquía 'a yol yic Pisidia. Ax 'a yic sc'ul 'iljelal, x'och eb' 'a yol scapiya eb' yit israelal, x'em wocn eb' ta'.

A Tas Sc'ulejnac Eb' Schecab' Jesús Hechos 1:8

Palta 'oj yac' Dios spoder 'ayex, yic 'oj 'ochcn Yespíritu 'ayx junjn ex. 'Oj lajwc cha, ax eyaln 'el wab'xil 'a Jerusalén tic, 'a smasnil yol yic Judea yet' 'a Samaria, masnto 'a jun tzo'n̈ xo lugar 'a 'aj tzlajw c'och yolyib'n̈q'uinl tic, xchi 'a eb'.

Jn 4:48

Palta xyaln Jesús 'ixtc 'a winac: —Q'uinloc matz eyil jun tzo'n̈ milagro, jun tzo'n̈ tzch'oxn 'el in poder, toto 'ixta', matz eya'ch e c'ojl 'ayin, xchi 'a winac.

Mt 12:28

Palta yujn̈ej Yespíritu Dios, tzin pechn 'el ewin demonio cha. Yuj cha, tzcheclji, to tox 'ix syamch Dios ya'n Yajlil 'a e cal.

A Sb'ab'el Carta San Pedro 1:12

Palta x'ajx nachjc 'el yuj eb', to a jun tzo'n̈ yaljnac can eb' cha, man̈ yico'oc eb', palta to quiquec. Al ticnec, 'ix wach' alx 'el 'ayex, tas yaj qui colnb'ilec tic. A eb' tzaln 'el wach' 'ab'x yic colnb'il, a eb' 'ix aln 'ayex. A Yespíritu Dios checb'il cot 'a satcha'an̈, a x'och yet' eb', yic xyaln 'el eb'. An̈jtona eb' ángel, tznib'j pax eb' tznachj 'el jun tzo'n̈ tic yu'uj.

A Scarta San Pablo D'a Eb' Aj Colosas 1:25

In 'ajx 'och ya'malc servil eb' wit creyenteal smasnil. Ya'jnac Dios jun wopiso tic, sec tzex wac' servil, yujto tznib'ej, to tzin wach' alj 'el spaxti'.

Ro 15:24

Yuj cha, tzin na'a, a yic 'oj in 'at 'a España, 'oj 'ec' ex wila', sec 'oj jawc in tzaljc'ojlal eyet' ta'. 'Oj lajwc in can jaye'oc c'u eyet' ta', tzin nib'j 'oj e colwj 'ayin, sec 'oj in c'och 'a España cha.

Ro 15:13

A Dios, a yipc'ojlal yaj cujec. Tzin nib'ej a tzwach' 'a'n e tzaljc'ojlal, yet' e junc'ojlal, yujto tzeya'ch e c'ojl 'a 'a. Toto 'ixta', a 'oj e wach' 'a'c 'och yipc e c'ojol, yujto a Yespíritu tz'a'n spoder 'ayex.

Ro 15:16

A 'a'jnac wopiso wa'n servil Jesucristo 'a scal eb' man̈ israeloc. 'Ay wopiso waln 'el wach' 'ab'x yic Dios, sec wach' 'ay eb' man̈ israeloc 'oj wi'ch 'a yol sc'ab'. 'Icha junc xajmb'al caw wach' 'a sat Dios, tz'ajx 'a 'a, 'ixta eb' 'a sat, yujto a Yespíritu tz'i'n 'och eb' yico'oc.

1 Co 2:4

In nib'ej, ma'ex in montej. Yuj cha, a yic in paxtin eyet'oc, man̈ jelnoc wutjnac in b'a yic waln 'el 'ayex. A Yespíritu Dios, a montjnacx yet' spoder.

1 Ts 1:5

A yic 'ec' calnc 'el wach' 'ab'x yic colnb'il 'ayx on̈, man̈toc ton̈j 'e'nc on̈ paxtinc on̈. Yujto a Yespíritu Dios 'ochnc quet' on̈. Caw cojc si'mb'il on̈, to caw yel jun 'ab'x tic. Eyojtac, chajtl 'ec' cutjnac qui b'eyb'al 'a e cal on̈, sec caw wach' eyico'.