Ro 15:13 - Chuj San Sebastian Bible

¹³ A Dios, a yipc'ojlal yaj cujec. Tzin nib'ej a tzwach' 'a'n e tzaljc'ojlal, yet' e junc'ojlal, yujto tzeya'ch e c'ojl 'a 'a. Toto 'ixta', a 'oj e wach' 'a'c 'och yipc e c'ojol, yujto a Yespíritu tz'a'n spoder 'ayex.

Chuj San Mateo Bible

¹³ A Dios yipc'olal yaj cuuj. In gana, a svach' ac'an e tzalajc'olal yed' e junc'olal, yujto tzeyac'och e c'ol d'ay. Tato icha chi', ol e vach' aq'uejoch yipoc e c'ool, yujto a Yespíritu tz'ac'an spoder d'ayex.

Ro 15:13 Referans Kwoze

Ro 12:12

'Ay cab' qui tzaljc'ojlalec 'a smasnil tiempo, yujto tzca'c 'och Dios yipc qui c'ojol. Caw te'n tzcutjec qui b'a cab'n syail. May cab' b'a'n̈ tzcactjec qui leslwi 'a Dios.

2 Co 9:8

A Dios, tztac' ya'n smasnil tas 'ayx yuj swach'c'ojlal, tzya'n jantcn̈ej tas 'ay tz'och eyuj 'a smasnil tiempo. Caw tzyac' sobra 'ayex, yuj cha, til wal tas wach' 'aj tzex colwji.

Ro 14:17

A ticnec, 'ayn̈ecx 'och 'a yol sc'ab' Dios, yuj cha, man̈x smojc tzca'c 'och qui nab'en 'a jun tzo'n̈ tas tzqui c'uxec, mto tas tzcu'jec. Palta smoj tojl tzcutjec qui nab'en, junc'ojlal tzcutjec qui b'a. Tzqui chanec pax jun tzaljc'ojlal tzyac' Yespíritu Dios 'ayn̈ec.

Gl 5:22

Palta ax Yespíritu Dios, a tz'a'n qui chamc'ojlalec, qui tzaljc'ojlalec, yet' qui junc'ojlalec. Tzya'n pax ca'c techjoc tzann̈j tas tzjaw 'a quib'n̈ec. Yuj Yespíritu, tz'o'ch qui c'ojlec 'a eb' quit 'anma'il, wach' tzcutjec qui nab'en 'a eb'. Yu'uj, yiclum on̈ec,

Ro 15:5

A Dios tz'a'n qui te'nalec, tzya'n pax sniwnal qui c'ojlec. Tzin c'an 'a Dios eyu'uj yic tzcolwj eyet'oc, sec wach' 'ay junc'ojlal 'a e cal, 'icha tas tzch'oxjnac can Cristo Jesús.

Jn 14:1

'Ix yaln Jesús 'a eb' scuywum 'ixtic: —Man̈ eyac' somchjc 'el e nab'en. 'A'c 'och e c'ojl 'a Dios, tzeya'n pax 'och e c'ojl 'ayin.

Jn 14:27

A ticnec, tzwa'cn junc'ojlal 'a e pixan. Atn wal in junc'ojlal tic tzwa'cn 'ayex. Man̈ 'icha'oc jac junc'ojlal tz'ilchj 'a yolyib'n̈q'uinl tic, man̈ 'ixta'oc wic tic tzwa'cn 'ayex. Man̈ eyac' somchjoc 'el e nab'en, man̈ ex xiwoc.

Is 55:12

'Oj eyelt yet' e tzaljc'ojlal 'a 'aj 'ayx 'ec' 'icha presoal cha, junc'ojlal 'oj e paxt 'a e chon̈ab'. A yic 'oj ex yilnc 'och eb' lum niwc witz, eb' lum tzalctac, te niwc te', 'icha to 'oj spoc' eb' sc'ab' sb'itn chan̈ yuj stzaljc'ojlal yic 'oj ex yiln 'och eb'.

A Sb'ab'el Carta San Pedro 1:8

Ax xo, wach'xam man̈x 'ic eyil Jesucristo, palta 'ay e chamc'ojlal 'a 'a. Matz eyila, palta tzeya'ch e c'ojl 'a 'a. Caw tzex tzalji. A wal e tzaljc'ojlal cha, caw niwn yel'chi, man̈ jantcoc swach'il.

A Ch'an̈ Carta D'a Eb' Hebreo 6:11

Palta tzqui nib'j on̈, junjn ex, yelc'ojlal 'ixta tzeyutj e b'a 'a smasnil tiempo, sec wach' tz'acn 'oj e cha jun spac eyic wan e tan̈wni.

1 Ti 1:1

An Pablo in tic, schecb' in Jesucristo, yujto 'ixta yaj yaln can Dios qui Colmal, yet' Cajlil Jesucristo, atn tzca'c 'och yipc qui c'ojol.

Ef 1:2

Tzin nib'ej, a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

Jl 3:16

'Icha wal sc'an̈ c'u, 'ixta wal 'oj 'ab'xoc in jaj an Jehová in 'a lum tzaln Sión 'a Jerusalén. Ax satcha'an̈ yet' lum lum tic, caw 'oj 'ib'xoc eb'. Palta an 'oj in colcn eb' in chon̈ab', atn eb' israel.

1 Ts 1:5

A yic 'ec' calnc 'el wach' 'ab'x yic colnb'il 'ayx on̈, man̈toc ton̈j 'e'nc on̈ paxtinc on̈. Yujto a Yespíritu Dios 'ochnc quet' on̈. Caw cojc si'mb'il on̈, to caw yel jun 'ab'x tic. Eyojtac, chajtl 'ec' cutjnac qui b'eyb'al 'a e cal on̈, sec caw wach' eyico'.

Jeremías 14:8

Cojn ach tzach ca'ch yipc qui c'ojl on̈, cojn pax ach qui colmal aji yic 'ayn̈ 'och 'a qui yailal on̈. ¿Tas yuj 'icha xoj chuc chon̈b'al tzotj a b'a 'a yol qui chon̈b' tic on̈, 'icha xoj junc b'eymal 'anma to jun wal 'ac'wal tz'ec' wayoc? 'Ixta tzotj a b'a.

1 Co 2:4

In nib'ej, ma'ex in montej. Yuj cha, a yic in paxtin eyet'oc, man̈ jelnoc wutjnac in b'a yic waln 'el 'ayex. A Yespíritu Dios, a montjnacx yet' spoder.

A Ch'an̈ B'ab'el Libro Samuel 1:18

—Yuj wal dios 'ayach, xchi 'ix 'a winac. Xlajw xoj cha, 'ix pax 'ix 'a 'aj 'ay sposada cha, 'ix wa 'ix 'a tzaljc'ojlal, man̈x 'a scusc'ojlal 'ix.

Ro 15:19

'Ay pax jun tzo'n̈ milagro ch'oxb'il wuj 'a eb', yet' jun tzo'n̈ xo tas tzch'oxn 'el spoder Dios. Ax Yespíritu Dios 'ix yac' spoder 'ayin. 'Ixta xwutj 'ec' walnc 'el wach' 'ab'x yic Cristo 'a junjn chon̈ab'. A 'a Jerusalén, ata in b'ab'l yamj 'och waln 'eli. C'uxn x'ec' wal-l 'a junjn chon̈ab', masnto in c'och 'a chon̈b' Ilírico.