Ro 14:12 - Chuj San Sebastian Bible

¹² Yuj cha, junjn on̈ec yowlal 'oj ca'c 'och qui cuenta 'a Dios.

Chuj San Mateo Bible

¹² Yuj chi', yovalil junjun on̈ ol cal d'a Dios tastac ix co c'ulej.

Ro 14:12 Referans Kwoze

A Sb'ab'el Carta San Pedro 4:5

Palta yowlal 'oj yal q'uet eb' smul 'a Dios. Yujto lista xo yaj sb'eyc'ojlan smasnil 'anma', eb' pitzan yet' eb' chamnc xo.

Mt 12:36

Yuj cha, tzwal 'ayex, at yic 'oj jawc jun c'u yic b'eyc'ojlal, jantcn̈ej jun tzo'n̈ paxti may yopiso tzlaj eyala', c'uxn 'oj e b'eyc'ojlax yu'uj.

Mt 16:27

Yujto an 'Ochnc in 'Anmal tic, a yet' spoder in Mam 'oj in jaw yet' eb' wángel. Ax wa'n spac 'a junjn 'anma', a tzyala tastc 'ix sb'o eb'.

Gl 6:5

Yujto junjn on̈ec, yowlal 'oj ca'c 'och qui cuenta 'a Dios, a tzyal tas 'ac'b'il 'a yol qui c'ab'.

Lc 16:2

Yuj cha, xyawtn cot win jun smayltoma chi 'a 'a. 'Ix yaln 'ixtc a winac: 'Ay wal jun tzo'n̈ tas tzwab' speclal o'oj. Yuj cha, a jun tzo'n̈ munljel tic 'aych 'a yol a c'ab' wu'uj, yowlal 'oj a'x can 'ayin, yujto man̈x 'oj a munlj 'a jun opiso tic, xchi winac.

Ec 11:9

Ex quelmtac yet' ex cob'stac, tzaljan̈ec ya' sb'a caw te'n eyip; 'a'c tzaljoc e c'ojl 'a tas wach' ya' sb'a tztac' eyu'uj. 'Ixquec 'aj tze nib'j tzex 'ati, yet' tas tze nib'j tze b'o'o, palta tzeyojcan pax 'eli, to 'oj ex sb'eyc'ojloc Dios yuj smasnil jun tzo'n̈ tze b'o cha.

2 Co 5:10

Yujto yowlal 'oj qui c'ochc 'a yojltac sdespacho Cristo, sec junjn on̈ec, 'oj qui chac spac tastc tzqui b'o'o, yic 'ayn̈ect 'ec' 'a jun qui niwnalec tic. A tzyala, toto wach' tzqui b'o'o, mto maysch'olnil.