Ro 14:1 - Chuj San Sebastian Bible

¹ 'Ay eb' creyente mant 'a ste'nal, yujto mantzac nachj 'el wal scuynb'il Cristo yuj eb'. A eb' 'ixta cha, chajec 'och eb' eyet'oc. Palta man̈ comnoc tze tej e b'a yet' eb' yuj jun tzo'n̈ tas mantzac nachj 'el yuj eb'.

Chuj San Mateo Bible

¹ Ay eb' creyente manto tec'anoclaj, yujto manto nachajel sc'ayb'ub'al Cristo yuj eb'. A eb' icha chi', chaec och eb' eyed'oc. Man̈ e telaj e b'a yed' eb' yuj juntzan̈ tas manto nachajel yuj eb'.

Ro 14:1 Referans Kwoze

Ro 15:1

An̈ec tic, te'n on̈c xo 'a yic Dios, yujto tznachj 'el cujec, to may yowlal jun tzo'n̈ cha. Palta 'ay eb' mant 'a ste'nal, tzxiw eb' yu'uj. Yuj cha, yowlal tzca'c techjoc tas tzna eb', sec matz somchj 'el eb' cujec. Matz tac' qui comn b'onec 'icha tzqui nib'ej.

1 Co 9:22

Ax yic 'ayn 'ec' 'a scal eb' mant 'a ste'nal 'a screyenteal, lajn tzwutj in b'a yet' eb'. 'Icha to mant 'a in te'nal jun xo, sec 'ay eb' tzmontchj wu'uj. Tzann̈j eb' 'aj tzin 'eq'ui, lajnn̈ej tzwutj in b'a yet' eb' smasnil, sec toq'ue 'ay eb' 'oj colchjoc can 'el wu'uj.

Ro 15:7

Yuj cha, yowlal tzqui chajec 'och smasnil eb' quit creyenteal quet'oc, yujto 'ixta on̈ yutjec Cristo on̈ schan 'och yico'oc, sec tzcheclj 'eli, to caw niwn swach'l Dios.

Ro 14:21

Yuj cha, toto 'ay eb' tzsomchj 'el snab'en, yujto tzqui chic chib'ej, mto yuj tzcu'jec yal uva jawnc sti', mto yuj junc xo tas tzlaj qui b'o'ec, yel xo wach' tzcactjec can qui b'on jun tzo'n̈ cha.

2 Jn 1:10

Toto 'ay eb' tzc'och 'ayex, to chuc cuynb'ilal tz'ec' yal eb', man̈ e chach eb' 'a yol eyatut. Man̈ e c'an swachc'ojlal Dios 'a yibn̈ eb'.

Ro 4:19

A win Abraham cha, jab'xoj wal yel win 'a jun ciente ab'il. Yojtac to caw 'ichm xo, yojc paxi to caw chichm xo pax 'ix Sara. 'Icha to man̈x b'a'n̈ 'oj 'aljoc junc yunnal eb', palta an̈ja ya'jnac 'och win 'a sc'ojl yuj tas yaljnac Dios 'a 'a.

Lc 17:2

Toto 'ay mach tz'a'n juwc 'el snab'en junc eb' 'unn to, octom tzjalx 'och junc niwquil q'uen cha 'a sjaj, tzjulx can 'at 'a yojl a mar yic mantzac juw 'el snab'en jun chi yu'uj, toto 'ixta', yel xo wal wach' yico'.

Mt 14:31

Yajn̈j wal cha, xwul 'och yamnjoc Jesús 'a sc'ab', 'ix yaln 'ixtc 'a 'a: —Ach tic jab' wal tza'ch a c'ojl 'a Dios. ¿Tas yuj xa chab'c'ojlej a b'a? xchi 'a 'a.

Mt 12:20

'Ay eb' caw 'oltac, 'icha junc te 'aj tzpacchji, mto 'icha junc cantil wan stupi, 'ixta 'eb'. Palta a 'oj colwjoc 'a eb', ma'oj yixtc eb'. 'Ixta 'oj yutc sb'a, masnto 'oj 'och Yajlil. Ax ya'n yajlil 'a stojlal.

Is 42:3

'Ay wal eb' caw 'oltac, 'icha junc te 'aj tzpacchji, mto 'icha junc cantil wan stupi, 'ixta eb'. Palta a 'oj colwjoc 'a eb', ma'oj yixtc eb', wal yel 'oj yac' tojlal 'a eb'.

Is 40:11

'Oj jawc 'icha junc 'ilm calnelu to xajn scalnelu yu'uj, tzme'n b'eyc'oc no cotc calnelu chi 'a sn̈i sc'ojol, ax no nun calnelu tot 'aljnac yune', caw tztan̈wx no yu'uj. 'Ixta yaj Jehová quet'ec.

Job 4:3

Yujto til wal 'anma 'aj xac' jun tzo'n̈ cuynb'il, xlaj a'nc snab'en eb' 'anma somchjnac 'eli.

Ez 34:16

'Oj in sayc' eb' satnc can 'ati, ax in molb'tzan eb' sactzicnac yajcn 'at cha, 'oj wan̈tc eb' lajwnac, eb' wecchil, ax wa'n yip eb' may yip, palta 'oj in satl eb' yajl yaj 'a scal eb', atn eb' tzlaj 'ixtn eb' in chon̈ab'. Caw wach' 'oj wutc in tan̈wni eb' in chon̈b' cha.

Ez 34:4

Matz colwj eb' 'a no may yip, matz yil eb' no 'aych syab'il, matz yan̈tj eb' no lajwnac, yet' no wecchil. Matz sayc' eb' no tzsatcn 'ati, matz molb'tzej eb' no tzpuccn 'ati; a yic eb' ton̈j tzmac' eb' e no'.

A Scarta San Pablo D'a Eb' Aj Filipos 2:29

Caw tzaljc'ojlal tze chaj sc'ochx 'ayx ta', yujto eyu'tac e b'a yet' 'a yol sc'ab' Cajlilec. Jantcn̈ej eb' lajn snab'en yet'oc, 'ay cab' yel'ch eb' 'a e sat.

Jn 13:20

Wal yel tzwal 'ayex, a mach tzchan eb' in checab', tzyal 'el'chi, an tzin schaj eb'. A eb' tzin chan cha, tzchaj pax eb' jun checjnacn coti, xchi Jesús.

Mt 18:10

Caw man̈ e patquilc can 'el eb' 'unn tic. An tzwal 'ayex, a eb' ángel tztan̈wni junjn eb', 'ayc'n̈ej eb' 'a yojltac qui Mam Dios 'a satcha'an̈.

Zacarías 11:16

Yujto 'oj wa'ch junc yilmal jun nacion̈ tic, junc tu 'oj yutc sb'a 'icha junc 'ilm calnelu, toxn matz 'och 'il yuj no calnelu tzsatcn 'ati, matz 'at sayc' no', matz yan̈tj win no lajwnac, matz yac' wa win pax no tzcham yuj wejel. A yico', a wal no caw b'aq'uech a no tzchi 'ejmi, man̈x xon jac yoc no tzcan yu'uj.

Mr 7:19

'In man̈oc 'a qui nab'enec tzc'ochi, ton̈j tz'ejm 'a yol qui c'ojol, yajn̈ej tz'elx cani, xchi 'a eb'. 'Ixta xyutj yalni, chajtlto jantcn̈ej tas tzc'uxxi, may yowlal yuj Dios.

A Tas Sc'ulejnac Eb' Schecab' Jesús Hechos 28:2

Ax eb' 'aj lugar cha, caw wach' xyutj eb' snab'en 'ayn̈ on̈. 'Ix ya'ch eb' jun niwquil c'ac', yujto caw si'ic, 'ay pax n̈ab'. On̈ yawtn 'at eb' c'achnoc on̈.

Ro 11:15

A eb' israel cha, patcab'il can 'el eb' yuj Dios jun tiempoal. Yuj wal cha, smasnil jun tzo'n̈ xo 'anma', tztac' junc'ojlal tz'aj eb' yet' Dios. Ax 'a yic 'oj chaxoc pax 'och eb' israel chi jun 'ejm xo, man̈ jantcoc am wal swach'l 'oj scha eb' 'anma smasnil. 'Icha to 'oj pitzwc pax eb' 'a scal eb' chamnac, yujto caw niwn swach'l 'oj scha eb'.

Ro 14:2

Yujto a eb' creyente 'ayx ste'nal, yojc eb', to tzann̈j tas tztac' sc'uxn eb'. Palta 'ay pax eb' mant 'a ste'nal. Yuj cha, tzat xiw eb' schin chib'ej, cojxn jun tzo'n̈ te 'itj tzlo eb'.

Ro 14:3

An̈ec tzqui c'uxc smasnil tas, matz tac' qui b'uchwjec 'a eb' matz c'uxn jun tzo'n̈ cha. An̈jtona', a eb' matz c'uxn jun tzo'n̈ cha, matz tac' sb'uchwj pax eb' 'ayn̈ec, yujto chab'iln̈ec yuj Dios yet' eb'.

1 Ts 5:14

Ex wu'tac, ex wanab', tzcham wal caln 'at 'ayx on̈, to tze xib'tj chan̈ eb' matz nib'j sb'o smunljel. Tzeya'n pax sniwnal sc'ojl eb' 'ay scusc'ojlal. Tzeyac' ste'nal eb' mant 'a yip 'a screyenteal. Caw niwn tzeyutj e c'ojl 'a eb' smasnil.

A Ch'an̈ Carta D'a Eb' Hebreo 5:14

Ax jun tzo'n̈ cuynb'il ya snachji, lajn 'icha tas tzc'ux eb' 'anma te'n xo. Yuj cha, a eb' tzcuyn jun tzo'n̈ cha, atn eb' te'n xo snab'en. C'aync xo eb' snan 'eli 'aj 'ay jun tzo'n̈ tas wach', 'aj 'ay pax jun tzo'n̈ tas maych'olnil.