Ro 12:8 - Chuj San Sebastian Bible

⁸ A mach tztac' ya'n snab'enoc eb', yowlal caw tzmunlj 'a yopiso cha. A mach tztac' scolwj 'a eb' meb'a', yelc'ojlal cab' tzcolwj 'a eb'. A mach 'ay yopiso ya'n cuenta eb' yit creyenteal, caw tzyac' 'ip ya'n cuenta eb'. An̈jtona', a mach tz'o'ch sc'ojl 'a eb' 'aych 'a syailal, yowlal tzcolwj 'a eb' 'a tzaljc'ojlal.

Chuj San Mateo Bible

⁸ Tato ay junoc mach tz'iptzitan eb' yetcreyenteal, yovalil syac' yip smunlaj d'a yopisio chi'. Tato ay mach sian junoc tas d'a eb' ay stzapan smajanil, yed' ocab' d'a smasanil sc'ool siej. A mach ay yopisio scuchb'an eb' yetcreyenteal, yac'ocab' yip scuchb'an eb'. An̈ejtona', a mach tz'oc' sc'ool d'a eb' ayoch d'a syaelal, yovalil scolvaj d'a eb' d'a tzalajc'olal.

Ro 12:8 Referans Kwoze

2 Co 9:7

Junjn on̈ec, yowlal tzca'c 'icha tzqui nac yet' qui nab'en. Man̈ cusc'ojlaloc tzcutj ca'ni. Man̈ yujoc tzqui na'a, to tzon̈ 'ajx pural tzca'ni, yujto a Dios, tzchamc'ojlan eb' tzalji tzya'n yico'.

1 Ti 5:17

A eb' anciano wach' tzyutj ya'n cuenta eb' yit creyenteal, yowlal caw 'ay yel'ch eb' 'a sat eb' creyente smasnil, tzyac' eb' yip scuywji, tzyaln 'el eb' spaxti Dios, yowlal yel xo niwn cab' yel'ch eb' 'a sat eb' yit creyenteal.

1 Co 12:28

Yuj cha, 'ayn̈ec xyac' Dios copisoec 'a yiglesia. B'ab'el, 'ayn̈ec schecb' Cristo cajec. Schab'il, 'ayn̈ec tz'ajx copisoec caln 'el spaxti Dios. Yoxil, 'ayn̈ec cuywjum on̈ec. An̈jtona' 'ayn̈ec tzqui ch'oxl milagro. 'Ayn̈ec tztac' ca'n b'oxc sc'ojl eb' ya'ay. 'Ayn̈ec tztac' tzon̈ colwji. 'Ayn̈ec tzon̈ 'a'w cuenta. 'Ayn̈ec pax tztac' tzon̈ paxtinec 'a jun tzo'n̈ chucchc ti'al.

A Ch'an̈ Carta D'a Eb' Hebreo 13:17

Caw tzeyiclj tas tzyal eb' tzex 'a'n cuenta. Yiclum tzeyutj e b'a 'a eb'. Yujto a eb' cha, wan ex stan̈wni eb'. Yojc eb', chajtlto 'oj yac' eb' scuenta 'a Dios. Wach' tzeyutj e b'a, sec tzalj eb' yiln jun munljel cha, sec matz cus eb'. Toto tzeyac' cus eb' yuj e tenmtaquil, caw man̈ wach'c eyico'.

A Tas Sc'ulejnac Eb' Schecab' Jesús Hechos 15:32

Ax Judas yet' Silas, a Dios tz'a'n yal-l eb' spaxti'. Yuj cha, xya'n pax eb' sniwnal sc'ojl eb' creyente cha. Til wal tas 'ix yal eb' 'a scal eb', xya'n eb' ste'nal eb' creyente cha.

A Tas Sc'ulejnac Eb' Schecab' Jesús Hechos 13:15

Ata x'awtx ley yic Moisés, yet' jun tzo'n̈ tas tz'ib'b'il can yuj eb' schecb' Dios pecti'. Xlajw cha, ax eb' yajl yaj 'a capiya cha, 'ix ya'n eb' yal jun winc 'ixtc 'a Pablo yet' 'a Bernabé: —Ex wit chon̈ab', toto 'ay junc tas tze nib'j tzeyac' scuy eb' 'anma', tztac' eyaln 'el ticnec, xchi.

A Ch'an̈ Carta D'a Eb' Hebreo 13:24

Tic tzwa't stzatzl sc'ojl junjn eb' schecb' Dios tzex 'iln ta'. Tzwa'n pax 'at stzatzl e c'ojl e masnil ex yic xo Dios wet'oc. Yet' pax eb' 'aj Italia, tic tzya't pax eb' stzatzl e c'ojol.

A Ch'an̈ Carta D'a Eb' Hebreo 13:22

Ex wu'tac, ex wanab', tzin tew 'at 'ayex, caw niwn tzeyutj e c'ojl 'a jun tzo'n̈ paxti tzwalb't 'ayx tic, yic tzwa'n e nab'enoc. Janc'n̈ej tas tzwalb't 'ayx 'a jun in carta tic.

A Ch'an̈ Carta D'a Eb' Hebreo 13:7

Tze na cot eb' laj 'e'nc ex scuyu', eb' laj aljnac 'el spaxti Dios 'ayex. Tze na coti, tas 'ajnc eb' yuj swach' b'eyb'al. 'Icha yutjnac eb' ya'n 'och sc'ojl 'a Dios, 'ixta tzeyutj e b'a jun xo.

A Ch'an̈ Carta D'a Eb' Hebreo 10:25

Matz tac' cactnec can qui yamn qui b'a, 'icha sb'eyb'al jun tzo'n̈ xo eb'. Yowlal tzlaj ca'laquec qui nab'en. Ca'c wal 'ip, yujto tzquilc jun tzo'n̈ senya tzch'oxo, to jab'xoj sjaw sc'ul sjaw Cajlilec.

2 Co 8:12

Toto tz'el 'a qui c'ojlec ca'n cofrenda, caw tzalj Dios yet'oc, a tzyala tas 'ay 'ayn̈ec. Matz c'ana, toto may tas 'ay 'ayn̈ec.

1 Co 14:3

Palta a mach tzaln 'el spaxti Dios, a 'a eb' yit 'anmal tzyal-li, sec tz'och ste'nal eb'. Toto 'ixta', caw tzjaw snab'en eb', tz'ajx sniwnal sc'ojl eb' yu'uj.

A Tas Sc'ulejnac Eb' Schecab' Jesús Hechos 20:28

Yuj cha, caw tzeyac' cuenta e b'a. Tzeya'n pax cuenta eb' creyente smasnil, yujto 'ac'b'il eyopiso yuj Yespíritu Dios eyiln eb' yiglesia Cajlil, atn eb' manb'ilx yico'oc yuj schiq'uil yic scham cujec.

A Tas Sc'ulejnac Eb' Schecab' Jesús Hechos 20:2

Yic 'ix c'och ta', c'uxn x'ec' yil eb' creyente 'a junjn chon̈ab'. X'ec' ya'nc snab'enoc eb'. Xlajw xoj cha, x'at 'a yol yic Grecia.

1 Ti 4:13

A yic mantzac in c'och ta', caw tzac' 'ip awtn spaxti Dios 'a scal eb'. Tzac' 'ip a'n snab'enoc eb', tza cuyn pax eb'.

1 Ts 2:8

Caw niwn qui chamc'ojlal 'ayx on̈. Yuj cha, man̈ cojnoc 'ec' caljnac wach' 'ab'x yic Dios 'ayx on̈, yujto xqui na 'on̈, to wach' ca'jnac 'och qui b'a 'a yol e c'ab' on̈. 'Ixta 'ec' cutjnac qui b'a ta 'on̈, yujto caw xajnab'ilx cuj on̈.

1 Ts 2:3

Caw tojl 'ec' cutjnac caln 'ayx on̈. Man̈ yujoc junc tas tzqui na 'a e patc yuj tas eya'jnac 'ayn̈ on̈, man̈ yujoc ex quixtn paxti', 'ec' calnc 'ayx on̈.

A Scarta San Pablo D'a Eb' Aj Colosas 3:22

An̈jtona ex moso to man̈ eyico'oc e b'a, yicljec jantcn̈ej tas tzyal e patron̈ 'a yolyib'n̈q'uinl tic. Man̈ cojnoc 'a yic tzex yiln eb', tzeyiclni, sec tzalj eb' eyet' e nani. Palta yelc'ojlal tzex munlji, yuj e xiwc'ojlal 'a Dios.

Ef 6:5

Ax xo moso eyaji, tzeyiclj tas tzyal e patron̈ 'a yolyib'n̈q'uinl tic. 'Ay cab' yel'ch eb' 'a e sat, tzex xiw 'a eb'. Yelc'ojlal tzex munlj 'a eb', 'icha cab' to wan e munlj 'a Cristo.

2 Co 11:3

Palta tzin xiwi, toq'ue 'icha 'ajnc 'ix Eva yixtx paxti yuj sjelnal jun ya'jnac 'och sb'a chanil, toq'ue 'ixta tzex 'aj eyixtx paxti jun xo. Lemb'il yuj cha, ax eyi'n 'el e nab'en 'a Cristo. Lemb'il man̈x tojloc 'oj eyutc e b'a 'icha tznib'ej.

2 Co 9:13

'Oj yal eb' wach' paxti 'a Dios, yujto a jun eyofrenda chi 'oj ch'oxnoc, to wan eyiclni tas tzyal wach' 'ab'x yic Cristo. An̈jtona', 'oj yal pax eb' wach' paxti 'a 'a, yuj jun niwn colwal chi 'oj eyac' 'a eb'. Yujto a jun cha, 'oj colwjoc 'a eb' quit creyenteal smasnil.

2 Co 9:11

Yuj cha, til wal swach'l 'oj e cha', sec 'oj stac' e wach' 'a'n nan̈loc xo. Cujec, 'ay eb' quit creyenteal 'oj yac' yuj diosal 'a Dios, yic 'oj schanc eb' eyofrenda cha.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

Ro 13:6

Yuj cha, yowlal tzca'c qui tojlb'al 'a eb' 'icha tzyal ley, yujto 'aych yopiso eb' yuj Dios. Wan smunlj eb' 'a jun yopiso cha.

Ro 12:13

Yowlal tzon̈ colwjec 'a eb' quit creyenteal, yic 'ay tas 'ay sc'a'l tz'och yuj eb'. Wach' tzlaj cutquec pax qui b'a 'a eb' tzlaj 'ec' 'ayn̈ec.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

Is 64:5

Tzann̈j mach tzalji tzb'on tas 'icha tza nib'ej, nann̈ej yu'uj tzb'on a nib'b'en cha, caw wal chab'il o'oj. An̈ xo tic on̈, 'ix 'och wal qui mul 'ayach, ach owx 'och 'ayn̈ on̈, caw wal niwn xo tiempo xc'ojl yoch qui mul on̈, palta ¿tzam stac' to qui colchj on̈?

Is 32:8

Ax pax eb' 'ela ya'n junc tas, a yela'il eb' chi nan yu'uj, yuj yela'il eb' cha, ax yi'n eb' yip.

Is 32:5

A junc amancotn 'anma'il, man̈x 'oj alxoc wach'il; ax junc mach 'e'nc 'a yib'an̈, man̈x 'oj alxoc to 'ay yel'chi.

Ec 11:6

Ca'c 'och qui b'ab'l trigo, tzca'nec pax 'och qui tza'n trigo, yujto man̈ cojcoquec 'aj 'ay junc'ajoc wach' 'oj 'ajoc, tom a jun b'ab'el, mto a jun tza'n to cha; mto wach' 'oj 'aj schac'ajil.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

Pr 22:9

A mach 'ela 'a yit 'anma'il, 'oj scha wach'il, yujto tzpojc' tas tzc'ux 'a scal eb' meb'a'.

Salmos 112:9

Tzyac' eb' siylab' 'a eb' meb'a', ax swach' nab'enal eb' cha, 'oj naxoc cot 'a smasnil tiempo. Til wal 'aj 'oj b'inaxc eb' yuj swach'l cha.

Salmos 37:21

A eb' maysch'olnil snab'en, a yic tz'och eb' majan, man̈xtzac yac' meltzjoc eb' smajn cha; ax eb' wach' snab'en, caw tz'o'ch sc'ojl eb' 'a junc mach, 'ela pax tzyutj sb'a eb'.

Dt 16:11

Tze nan jun q'uin̈ chi 'a yojltac Jehová Dios, 'a jun lugar 'oj si'l yico'oc cha. Tze mol naj jun q'uin̈ chi yet' eb' eyunnal, eb' eyisil, ewin e moso, eb' 'ix eya'mal servil, eb' levita, eb' chuc chon̈b'al, eb' meb'a 'unn chamnc xo smam, yet' eb' 'ix 'ix chamnc yichmil cajn 'a yol e chon̈b' cha.

Dt 15:14

Tzeyac' jaywn̈oc scalnelu, niwn cab' strigo tzeyac'a, tzeya'n yal uva 'a 'a, tzyal 'el'chi to tze poj tas tzyac' Jehová 'ayx yet'oc.

Gn 18:19

An 'ix in sic' 'elta yic tzyaln smasnil in checnb'il 'a eb' yunnal yet' 'a smasnil eb' yin̈til, sec 'oj syiclc eb'. Ax sb'eylb'an eb' smasnil tas wach' yet' tas tojol, sec wach' tz'el'ch smasnil tas waljnac can yet' in ti 'a eb', xchi Dios 'a snab'en.

A Tas Sc'ulejnac Eb' Schecab' Jesús Hechos 13:12

Ax win yajl 'a Chipre cha, yic 'ix yiln win jun cha, 'ix ya'n 'och win sc'ojl 'a Dios. Caw 'ix sat sc'ojl win yab'n jun tzo'n̈ cuynb'il yic Cajlilec.

A Tas Sc'ulejnac Eb' Schecab' Jesús Hechos 4:36

'Ay jun creyente José sb'i, 'ix 'ajx sb'ic can Bernabé yuj eb' schecb' Jesús. A Bernabé, tzyal 'el'chi, 'A'm Niwnc'ojlal. A jun cha, yin̈tl Leví 'aj Chipre.

A Tas Sc'ulejnac Eb' Schecab' Jesús Hechos 11:23

Ax yic xc'och Bernabé, 'ix yilni, to til wal swach'c'ojlal Dios 'ix ch'ox 'a eb'. Yuj cha, caw 'ix tzalj yuj eb', 'ix ya'n snab'enoc eb' smasnil. 'Ix yaln 'a eb' chajtlto caw te'n tzyutj sb'a eb', caw tzya'ch eb' snab'en 'a Cajlilec 'a smasnil tiempo.

1 Ti 6:18

Yowlal wach' tzyutj eb' sb'eyb'al, til wal jun tzo'n̈ tas wach' tzb'o eb'. Yowlal tzcolwj eb' 'a eb' meb'a', tzsiyn eb' tastc 'ay 'a 'a.