Ro 11:3 - Chuj San Sebastian Bible

³ Mamin, a eb' wit chon̈b' tic, 'ix smil cham eb' jun tzo'n̈ xo eb' a checab'. 'Ix sma'n juwc eb' jun tzo'n̈ yet'l a xajmb'al. A ticnec, cojxn̈ej in cani, palta 'in tznib'j eb' tzin smil jun xo, xchi 'a Dios.

Chuj San Mateo Bible

³ Mamin, a eb' vetchon̈ab' tic, ix smac'cham juntzan̈xo eb' a checab' eb'. A juntzan̈ yed'tal b'aj tz'ac'ji silab' d'ayach, ix laj smac'poj eb'. A ticnaic, a inxon̈ej ix in cani. Palta an̈eja' sgana eb' tzin smilpaxi, xchi vin̈ d'a Dios.

Ro 11:3 Referans Kwoze

Jeremías 2:30

Nab'axoj tzwa'ch yailal 'a eyib'an̈, 'in matz yal e c'ojl tze chaj eyab' jun cuynb'il waljnac 'ayex. Lajn ex wal 'icha junc no león caw ow, e tzu'jnac cham eb' in checab'.

Nehemías 9:26

Palta caw stzuntzj cot eb' yowl a c'ojol, caw pit 'ix yutj sb'a eb' 'ayach, 'ix spatquilj can 'el eb' a ley. Caw 'ix tenx 'och wan eb' yuj eb' a checab', sec tzjel eb' sb'eyb'al 'ayach; yuj cha, 'ix milx cham eb' a checb' yuj eb', caw niwquil smul eb' xya'chi, yajb'entac xyutj sb'a eb'.

A Ch'an̈ B'ab'el Libro Yic Yab'ixal Eb' Rey 18:13

¿Tom may mach 'ix aln ab'i', tas xin b'o an tic yic 'ix smiln cham 'ix Jezabel eb' schecb' Jehová? An 'ix in c'ub'j 'el jun ciente eb' schecb' Jehová, nan̈l ciente xwutj in c'ub'n 'el eb' 'a yojl chab' q'uen n̈aq'ue'en, 'ix wa'n wa eb', xwa'n yuc' eb' a'.