Ro 11:22 - Chuj San Sebastian Bible

²² Nachj cab' 'el eyu'uj, to niwn swach'c'ojlal Dios. Palta an̈jtona', caw 'a'm cuenta pax si'mb'il. A eb' juwnac 'el cha, caw 'ajxnac cuenta eb' yu'uj. Palta ax xo, til wal swach'c'ojlal tzch'ox 'ayex. Yowlal tzex can 'a swach'c'ojlal cha. To ma'ay, an̈jtona 'ex, 'oj eyijx pax 'el jun xo.

Chuj San Mateo Bible

²² Nachajocab'el eyuuj to nivan svach'c'olal Dios. Palta an̈ejtona', ov pax sic'lab'il. A eb' juvinacxoel chi', aycot yoval d'a eb'. A exxo tic, man̈ jantacoc svach'c'olal syac' d'ayex. Yuj chi' yovalil tzex ochcan d'a svach'c'olal, tato maay, an̈ejtona' ol ex ic'jocxieloc.

Ro 11:22 Referans Kwoze

A Ch'an̈ Carta D'a Eb' Hebreo 3:14

Yujto yictax b'ab'el, ca'jnaquec 'och yipc qui c'ojol. Toto an̈ja te'n tzcutjec qui b'a ca'n 'och yipc qui c'ojol, masnto 'a slajub', to 'ixta', 'ay calnec quic yet' Cristo.

A Ch'an̈ Carta D'a Eb' Hebreo 3:6

Palta ax Cristo, yiclum yutjnac sb'a, yujto Yunnal Dios. A 'aych Yajlil 'a yib'n̈ eb' yunnal xo Dios yet'oc. Toto te'n tzcutjec qui b'a ca'n 'och qui c'ojl 'a 'a, toto tzon̈ tzalji, tzca'nec 'och yipc qui c'ojol, [masnto 'a slajb' qui q'uinal,] to 'ixta', yunnaln̈ec xo Dios tzyal cha.

1 Co 15:2

Toto an̈ja 'aych e nab'en 'a jun 'ab'x waljnac 'ayx tic, toto yel eya'jnac 'och e c'ojl 'a 'a, to 'ixta', 'ay e colnb'il yu'uj.

Jn 15:2

Toto 'ay te sc'ab' matz laj satni, ax win 'aych stzu'n 'eli. Toto 'ay te sc'ab' wach' satni, ax win 'aych laj swach' mesn 'el te', sec tzwach' satni. 'Icha tzyutj win sb'on te', 'ixta tzyutj in Mam sb'on eb' 'aych snab'en 'ayin.

Apoc 2:5

Yuj cha, nac coti chajtl eyaj 'a yic mantzac juw 'el e nab'en. Nac e b'a, b'oc e b'eyb'al 'icha 'a yic yalan̈. Toto matz e na e b'a, 'oj in c'och 'ayx muc'uc, ax wi'n 'el e cantil 'a yet'ul.

Gl 6:9

Yuj cha, caw wach'n̈j tzcutjec qui b'eyb'al 'a smasnil tiempo, matz tac' qui tzactzjec. Toto matz cactjec can qui wach' b'eyb'al tic, ax yic 'oj jawc stiempoal, ax qui chanec spac.

Ro 2:7

'Ay eb' 'oj yac' sq'uinl 'a jun 'ejmn̈ej. Atn eb' te'n tzyutj sb'a sb'on jun tzo'n̈ wach'il, yujto tznib'j eb' tza'wni swach'l 'icha swach'l Dios. Tznib'j eb' to 'ay yel'ch eb' 'a sat, tznib'j pax eb' tzchaj sq'uinl 'a jun 'ejmn̈ej.

A Ch'an̈ Carta D'a Eb' Hebreo 10:23

Caw te'n tzcutjec ca'n 'och yipc qui c'ojl jun 'aj tzcalc qui b'a. Man̈ chab'c'ojlalc tzcutjec qui b'a. Yujto a Dios, caw 'oj yac' 'el'choc jun 'aj ya'jnac sti 'ayn̈ec.

A Tas Sc'ulejnac Eb' Schecab' Jesús Hechos 14:22

X'ec' eb' sjucb'tzoc eb' creyente 'a 'oxe chon̈b' cha. X'ec' yac' eb' snab'enoc eb'. 'Ix yaln eb' 'ixtc 'a eb': —Caw te'n tzeyutj e b'a eya'n 'och e c'ojl 'a Cajlil, yujto a yic mantzac on̈ c'ochc 'a yol sc'ab' Dios, yowlal niwn syal 'oj jawc 'a quib'n̈ec, xchi eb'.

Jn 8:31

'Ix yaln Jesús 'ixtc 'a eb' israel xya'ch sc'ojl 'a 'a: —Toto smasnil tiempo tzeya'ch e nab'en 'a tas tzwala, wal yel in cuywum ex.

1 Ts 3:8

A yic xcab'n on̈, to an̈ja te'n tzeyutj eya'n 'och e nab'en 'a Cajlilec, xjapx can qui c'ojl eyuj on̈.

A Tas Sc'ulejnac Eb' Schecab' Jesús Hechos 11:23

Ax yic xc'och Bernabé, 'ix yilni, to til wal swach'c'ojlal Dios 'ix ch'ox 'a eb'. Yuj cha, caw 'ix tzalj yuj eb', 'ix ya'n snab'enoc eb' smasnil. 'Ix yaln 'a eb' chajtlto caw te'n tzyutj sb'a eb', caw tzya'ch eb' snab'en 'a Cajlilec 'a smasnil tiempo.

Lc 8:15

Palta ax jun tzo'n̈ 'in̈t x'emcn 'a 'aj 'ay syaxil lu'um, tzyal 'el'chi, 'ay eb' 'anma caw wach' tzyutj yab'n spaxti Dios 'a smasnil sc'ojol. Caw tzya'ch eb' 'a sc'ojl si'mb'il. Te'n tzyutj eb' snab'en, yuj cha, lajn eb' 'icha 'ixm trigo may xon tz'aj sjuwi, wach' tz'aj sc'anb' sjolom.

Is 66:14

A yic 'oj eyilnc jun cha, caw 'oj e tzalj cha'an̈. 'Oj 'ochx eyip jun 'ejm xo. Caw tz'unnan yilx e niwnal 'icha tzyac' te 'unn c'ultac. Yujto 'oj sch'ox Jehová spoder 'a scal eb' schecab', ax yowl sc'ojol, ata 'oj ya'cn 'at 'a scal eb' 'ajc'ojl yajch 'a 'a.

1 Ts 3:5

Yuj cha, ma'ix techj ex in nani. Yuj cha, in checn 'at Timoteo 'at yab'i', toto an̈ja 'aych e c'ojl 'a Cristo. In nani, lemb'il a win diablo x'a'n juwc 'el e nab'en ta'. Toto 'ixta', nab'a 'ec' quixtjnac qui b'a qui munlj 'a e cal on̈.

Ez 18:24

Palta a mach tojl xon sb'eyb'al, q'uinloc tzjuw 'el sb'eyb'al cha, ax smasnil tas yajb'entac tzb'o eb' maysch'olnil sb'eyb'al, a chi tzb'o'o, ¿tom 'oj to wac' sq'uinl jun 'anma chi tze na'a? Wach'xam niwn tas wach' 'ix cob' sb'o', palta man̈x 'oj in na cot jun tzo'n̈ cha, cojn to tzcham yuj smul cha.

Ez 3:20

An̈jtona', toto 'ay junc mach wach' xon sb'eyb'al, ax tz'aji tzjun 'el sb'eyb'al cha, an xo 'oj wa'ch syailal. Toto ach tic, ma'oj ac' sna sb'a yuj smul ax schami, a smasnil tas wach' xcob' sb'o 'a yaln̈tax cha, man̈x 'a yel'chi. Ax schamlil cha, eb'n̈ 'oj can wu'uj.

1 Jn 2:19

A eb' cha, x'el eb' 'a qui calec, palta man̈toc caw quitb'eymoc qui b'a yet' eb'. Octom caw quitb'eymec qui b'a yet' eb', to 'ixta', xcan eb' quet'ec. Palta 'ixta x'aj eb' yeli, sec tzcheclj 'eli, to man̈ quitb'eymoquec eb'.

Salmos 31:19

Caw niwn a wach'c'ojlal tzac' 'a eb' 'ay el'ch 'a 'a. Sat wal eb' 'anma', tza pojn 'ec' a wach'c'ojlal chi 'a scal eb' tzach 'a'n 'och yipc sc'ojol.

Ro 11:21

'In ma'ix yac' Dios niwnc'ojlal 'a eb' yic xoni. An̈jtona', 'ixta ex paxi, ma'oj yac' pax niwnc'ojlal 'ayx jun xo, toto tzeyij 'el e nab'en 'a 'a.