Ro 11:18 - Chuj San Sebastian Bible

¹⁸ Palta matz tac' e nani, to caw yel xo wach'x 'a yib'n̈ eb' wit israelal cha. Yujto 'icha junc sc'ab' te', 'ixta exn̈ej. A junc sc'ab' te', matz tac' a tz'a'n yaxb'oc te yib' cha, palta a sch'an̈lyib', a tz'a'n yaxb'oc te sc'ab' cha.

Chuj San Mateo Bible

¹⁸ Palta man̈ e na to ec'to e vach'il d'a yichan̈ eb' israel chi'. Yujto icha junoc sc'ab' te te', icha chi' eyaji. A junoc c'ab' te', max yal yac'an yaxb'oc te' yib'. Palta a sch'an̈al yib' te', a tz'ac'an yaxb'oc te' sc'ab' chi'.

Ro 11:18 Referans Kwoze

1 Co 10:12

Yuj cha, a mach tznani to caw tec'an, yowlal tzyac' cuenta sb'a, yujto 'ay smay tzjuw 'eli.

Ro 11:20

Yel toni, 'icha to tzuc'b'il 'el eb' israel cha, yujto ma'ix ya'ch eb' sc'ojl 'a Dios. Ax xo, yujn̈ej to tzeya'ch e c'ojl 'a 'a, ex 'ochcn sjelc eb'. Yuj cha, xe b'an̈t e b'a, tzeyil wal e b'a.

Ro 3:27

A ticnec, ¿tom tztac' qui b'an̈nec qui b'a tze na'a? Toxn matz tac'a. Yujto man̈ yujoc qui yiclniec ley yic Moisés, tzon̈ colchjec, palta yujn̈ej to tzca'c 'och qui c'ojl 'a Jesús. Yuj cha, matz tac' qui b'an̈nec qui b'a.

Jn 10:16

'Ay pax jun tzo'n̈ xo eb' 'oj ya'ch sc'ojl 'ayin, palta man̈ quit chon̈b'oc eb'. Yowlal 'oj in molb'tzoc cot eb'. A eb' cha, 'oj syiclc eb' tas tzwala. Junn̈j 'oj 'aj eb' wic smasnil, yujto junn̈j mach tz'iln eb'.

Gl 3:29

Yujto yic on̈c xo Cristo, yuj cha, yin̈tl on̈ec xo Abraham yet'oc. Ax jun tas yaljnac can Dios yic ya'n sti', 'oj qui chac quico'oc.

Ro 4:16

Yujn̈ej to ya'jnac 'och win Abraham sc'ojl 'a Dios, yuj cha, ya'jnac can Dios sti 'a winac. 'Ixta tz'aj scheclj 'eli, to yujn̈ej swach'c'ojlal Dios, ya'n can sti'. Yuj cha, an̈ec yin̈tl on̈c Abraham tic, caw yel quiquec pax qui masnil yet' winac. Man̈ cojnoc eb' tzyiclni jun ley chi 'ay yico', palta quiquec pax qui masnil an̈ tzca'c 'och qui c'ojl 'a Dios, 'icha ya'jnac win Abraham cha. Yujto a winac, mamb'il yaj 'ayn̈ec 'a sat Dios, yujto ya'jnac 'och win sc'ojl 'a 'a.

Mt 26:33

Ax Pedro 'ix aln 'ixtc 'a 'a: —Wach'xam c'uxn 'oj somchjc 'el snab'en eb' tic, palta an tic, may b'a'n̈ 'oj somchjc 'el in nab'en, xchi 'a 'a.

Pr 16:18

Toto tzqui b'an̈c qui b'a, tzon̈ 'ijxec 'ejmi; toto tzquijec chan̈ qui b'a, 'oj quijxec 'ejm 'a slajub'.

A Ch'an̈ B'ab'el Libro Yic Yab'ixal Eb' Rey 20:11

Xyaln pax 'at win rey Acab 'ixtc 'a eb': Alc yab' winac, to matz comn b'an̈j sb'a win b'el, yujto mantzac yil winac, toto a win x'a'n ganar owal, xchi 'a eb'.

Jn 4:22

Ax 'aj Samaria ex tic, tzcob' eyal e b'a 'a Dios, palta man̈ eyojcoc Dios cha. Aln̈ an̈ israel on̈ tic on̈, caw cojc qui Diosal 'aj tzcal qui b'a on̈. A 'a qui cal on̈, ata 'oj 'eltc jun Colwjum.

A Tas Sc'ulejnac Eb' Schecab' Jesús Hechos 25:7

Yic xc'och Pablo 'a yojltac winac, ax ewin yit israelal xcot 'a Jerusalén, 'ix c'och oynjoc ewin 'a 'a. Man̈ jantcoc tas 'ix cob' ya'ch ewin 'a yib'an̈, palta may xon wal jac tzch'ox ewinac, toto yel tzyal ewinac.