Ro 10:17 - Chuj San Sebastian Bible

¹⁷ An̈ec tic, 'ix cab' jun wach' 'ab'x 'ix alx 'ayn̈ec. Yuj cha, tzca'c 'och 'a qui c'ojol. A jun 'ab'x 'ix cab'c tic, atn yab'xil Cristo.

Chuj San Mateo Bible

¹⁷ An̈ej tas scab'i, a scac'och d'a co c'ool. A jun ab'ix yovalil tz'alji, aton yab'ixal Cristo.

Ro 10:17 Referans Kwoze

Gl 3:2

Octom tzeyal 'ayin, ¿tom e chajnac Yespíritu Dios, yuj eyiclni ley yic Moisés? Ma'ay, a 'a yic eya'n 'och e c'ojl 'a jun wach' 'ab'x alb'il 'ayex, ata chab'il eyu'uj.

Gl 3:5

A Dios ya'jnac Yespíritu 'ayn̈ec. Sch'oxn pax jun tzo'n̈ milagro 'a qui calec. Palta ¿tasm yuj tze na'a? Man̈ yujoc qui yiclni ley yic Moisés, palta yuj ca'nec 'och qui c'ojl 'a jun wach' 'ab'x alb'il 'ayn̈ec.

1 Ts 2:13

A yic caln 'el spaxti Dios 'a e cal on̈, yajn̈ej eya'n 'och 'a e c'ojol, chajtlto yel yic Dios, man̈ yico'oc 'anma'. Yuj cha, caw tzca'n̈j yuj diosal 'a Dios eyuj on̈. A spaxti tic, caw yel yico'. Caw 'ay yopiso sb'on qui nab'en an̈ creyente on̈c tic.

A Scarta San Pablo D'a Eb' Aj Colosas 3:16

Tzin nib'j tze wach' 'a'j 'och e nab'en 'a spaxti Cristo. Caw jeln tzlaj eyutc e cuylan e b'a, tzlaj e jucb'tzan e b'a. Tzlaj e b'itnoc jun tzo'n̈ salmo, yet' himno, yet' jun tzo'n̈ xo b'it yic Dios. A yic tzex b'itni, tzeyal wach' paxti 'a Dios 'a smasnil e c'ojol.

Lc 11:28

Palta xyaln pax Jesús 'ixtic: —Yel xo wal 'ec'b'al swach'l yic eb' tz'ab'n tas tzyal Dios, tzyiclni pax eb', xchi.

Mr 4:24

Xyaln pax 'ixtc 'a 'eb': Caw tzeya'ch e chicn 'a tas tzeyab'i, yujto 'icha tzeyutj eya'n 'och e chiquin, 'ixta 'oj yutc Dios ya'n nachjc 'el eyu'uj. 'Oj swach' 'a'c nachjc 'el nan̈locx eyu'uj.

Lc 8:21

Palta 'ix yaln 'ixtc 'a eb' 'ayc' yet' cha: —Tzann̈j mach tz'ab'n spaxti Dios, toto tzyiclej, atn wal eb' chi 'icha in nun, 'icha wu'tac yaji, xchi 'a eb'.

Ro 1:16

An tic, matz in q'uixw yuj jun wach' 'ab'x tic, yujto 'aych spoder Dios yet'oc, yic wach' tzcolchj 'el jantcn̈ej eb' tzya'ch sc'ojl 'a 'a. A wal eb' wit israelal, yel xo wal 'ay yaln eb' yic 'a jun colnb'il tic, yet' pax eb' man̈ israeloc, 'ay pax yaln eb' yic 'a 'a.

Ro 10:14

Palta a eb' mantzac ya'ch sc'ojl 'a Cajlilec, ¿tas 'oj yutc eb' yaln sb'a 'a 'a? ¿Tas 'oj yutc eb' ya'n 'och sc'ojl 'a 'a, toto mantzac yab' eb' yab'xil? An̈jtona', ¿tas 'oj yutc eb' yab'n yab'xil, toto may mach tzaln yab'xil 'a eb'?

A Sb'ab'el Carta San Pedro 1:23

Yujto 'aljnacn̈ec xo 'a scha'ejmal. Man̈oc 'a qui mam qui nun, on̈ 'aljec paxi, yujto chamlb'an̈j yaj eb'. Palta yujn̈ej spaxti Dios on̈ 'aljec, yujto 'aj q'uinl yaji. A spaxti tic, 'ayc'n̈ej 'a jun 'ejmn̈ej.

Lc 8:11

'Oj wal 'ayex, tas tzyal 'el'ch jun 'ab'x xwal tic. A jun tzo'n̈ 'in̈t cha, tzyal 'el'chi, atn spaxti Dios.

Apoc 1:9

An Juan in tic, wu'tac in b'a eyet'oc. Quitb'eymec qui b'a cab'n syail. An̈jtona', quitb'eymec qui b'a 'a yol sc'ab' Dios. Junxn̈ej tzcutjec qui chan qui te'nal tzyac' Jesucristo 'ayn̈ec. A 'a jun 'el, preso waj 'a jun lugar Patmos sb'i 'ay 'a snan̈l a mar, yuj waln 'el yab'xil Dios, yuj wa'n testigoal in b'a yuj Jesucristo.

2 Co 2:17

An̈ tic on̈, man̈ yujoc ca'n ganar 'a spatc spaxti Dios, tz'ec' calnc 'el on̈, 'icha tzyutj sb'a nan̈l xo eb'. Tz'ec' cob' sb'al alnc 'el eb'. Palta an̈ xo tic on̈, caw yelc'ojlal tz'ec' cal-l on̈, yujto 'ac'b'il copiso yuj Dios on̈. Tz'ec' cal-l on̈, sec tzalj Dios quet' 'on̈, yujto schecb' on̈ Cristo on̈.

Job 42:5

A 'a yic yaln̈taxi ton̈j tzwab' alxi, palta ax ticnec, caw wal tzach wilch yet' in sat.

A Ch'an̈ Carta D'a Eb' Hebreo 4:2

Yujto alb'il wach' 'ab'x yic colnb'il 'a eb' qui mam quichmec, 'icha x'aj yalx 'ayn̈ec. Palta nab'an̈ej alb'il 'a eb', yujto ma'ix ya'ch eb' 'a sc'ojol, yic yab'n eb'.

Jn 1:37

Yic 'ix yab'n eb' scuywum Juan jun cha, 'ix 'at 'och tza'n eb' yuj Jesús.